تسجيل الدخول

مشاهدة النسخة كاملة : مساعدة الله يخليكم

mustafa_akeel
24-06-2007, 11:30 AM
السلام عليكم

شلون الصحة ان شاء الله زينين



اني عندي درة مطوقة اشتريتها تقريبا قبل 6 اشهر


و هية الى الان تخاااااااف مني جدا


يعني ما اكدر حتة اتقرب منهة


و سألتكم قبل 4 اشهر او اكثر و جاوبتوني بأنها جديدة و تحتاج تعويد


و هسة ما اعرف شسوي يعني حتة نادرا ما تطلع اصوات و من اني غير موجود تطلع صوت عالي مزعج


شنو السبب؟؟؟


تحياتي لكم
الطاير
24-06-2007, 11:38 AM
حياك الله يالغالي ,,,,

الطير حقك شكله عنيد ويبغاله شوية شغل ,,,,

اهم شي انك تبداء بقص اجنحته ,,,,
سواء انت تغطي راسه بقطعة قماش وتقص اجنحته ,,,
او تخلي اي واحد يقص جنحانه لك ,,,,


وبعدها بيومين ثلاث صدفني راح ياكل من يدك ...
وراح يوقف على يدك كمان ,,,, بس شوي شوب عليه ,,,




انا قلت لك النقطة الاولى ’’’

وانتضر اراء الاخوان الخبراء ,,,,


على فكرة كان المفروض تكتب استفسارك في قسم سؤال وحواب :)


تحية
الطاير
mustafa_akeel
24-06-2007, 11:41 AM
يا اخ الطائر جناحاته مقصوصة بس ما اعرف شنو مشكلته يعني يخاف خوف مو طبيعي
مشاكس
24-06-2007, 11:43 AM
السلام عليكم اخوي

إذا ما فاد معك قص الأجنحه

مالك إلا تجوعه 4 ساعات او 3 ونصف

ثم تخرجه خارج القفص في خرفف فارغة من الأثاث

وإضاءة هادئة ثم تأكله بيدك

وإنشاء الله راح يتعود عليك

وعطنى النتايج اول بأول
mustafa_akeel
24-06-2007, 11:56 AM
مشكورين علة الردود

و هوة خوفه الاكبر من ايدي يعني لو اغطي ايدي يبقى يخاف بس مو هواية
متااوي
24-06-2007, 12:09 PM
اخوي حط القفص مكان مناسب
مثل في الصاله مكان في ناس وحشره
وحط على الارض وافتح باب القفص هو روحه بيطلع
وبيوقف على القفص
اول شي اتأكد ان جناحه مقصوص وان تبه له يعين مو يروح عند اسلاك الكهرب وحاسب عليه عدل ولاتتركه روحه
وقدمله اكله هو يحبها مثل التفاح بعد ما اتشيل البذور
وقرب منه بهدوء وعطه التفاح
طبعا هو بشرد او بنزل بس
اذا خاف حط التفاح على القفص وروح عمده وهو بي وبياكل
مع مرور الايام بيعرف ان الايد الي تمد له
مو ضاره وفيها اكل واشوي اشوي لين ما تعود عليك
وان شاء الله اكون افدتك
الطاير
24-06-2007, 12:15 PM
اذا مقصوصه جنحانه ,,,,,,

مالك الا تطلعه برى القفص وتلعب معاه صيد ...
الى ان تحشرة في زاوبة وترقيه (تطلعه) فوق يدك ....
واذا رقى فوق يدك لاعبه شوي ....


وعلمنا ايش راح يصير معاك ...




الطاير
mustafa_akeel
24-06-2007, 12:28 PM
جزاكم الله بالخير ومشكورين على مروركم و ردودكم


و رح احاول وياه
SharkSoftware69
24-06-2007, 09:40 PM
انا اقول جوعه و بعدين جيب له تفاحة و راويه من بعيد و انت تكلمه

و شوي شوي تقرب منه و تخليه ياكل من التفاحة و لا تعطيه التفاحة خلك ماسكنها وهو بياكل

و شوي شوي

بعد يومين سو له نفس الحركة
بعد يومين من المرة الثانية اسحب ايدك خله يطول رقبته علشان يقدر ياكل
و بعدين تبتدي تخلي ايدك الثانية امام القفص بدون حراك و التفاحة بعيدة
بتشوفه يعض شوي (استحمله)

بتشوفه يخلي رجل على القفص و رجل على ايدك علشان ياكل

و حاول معاه لين يركب على اليد علشان ياكل

و يعدين تخلي التفاحة على اليد اللي ركب عليها و انت بشويش تمسح عليه
بيعض و ما بيرضى مرة و اثنين و ثلاثة

لكنه اخيرا بيستسلم

و على فكرة ليكون انت اللي قصيت ريشه

لانه بتكون له كفلم رعب و بياخذ وقت علشان يتعلم عليك من جديد