أهل الخبره: ساعدوني بتحديد مرض الكاسكو (صوره)

[semsem700]

السلام عليكم ورحمة الله

يا أهل الخبره جزاكم الله خير ساعدوني
عندي جوز كاسكو :
مهتم بغذائهم ولا يجيهم اي تيار هواء بارد ونظافة القفص كل 4 ايام انظفه لانه قفص كبير ..
واحد فيهم مريض اكتشفتها من فضلاتهم ولا اقدر احدد مين فيهم المريض لانهم متوحشين وانا اشوفهم بالكاميرا

الأعراض :
اسهال لونه غريب خالي من (الابيض والأخضر) .
الانثى :ساعات الصباح الأولى نشيييطه وتتتحرك وتصفر وبعد ساعه تخمل باقي اليوم كله وتوقف على العصا في طرف القفص .
الذكر: حركته ممتازة الحمدلله لكن الطير ياكل بشراااهه عاليه والاكل مايكمل عندهم كم ساعه وخفت يكون فيه ديدان




لما اشتريتهم شكيت ان فيهم ديدان واعطيته لمدة يومين (حبة دواء من صيدليه بيطريه للديدان محلوله في الماء من ماركة شفيتا) وهذا كان قبل اسبوع من الآن ..


صور لفضلاتهم أعزكم الله :


http://store3.up-00.com/Nov12/CHs86751.jpg



http://store3.up-00.com/Nov12/KMc86751.jpg


هنا فيه فضلاتهم مختلطه وماني قادر احدد مين فيهم المريض أو اش مرضه !!!!



والله اني متحطم ودافع فيه فلوس وبالأخير يطلعون مريضين :(
لكن الحمدلله على كل حال ولعلها خيره .

جزاكم الله خير بإنتظار مساعدتكم

[فهد جمعان]

واحد فيهم عنده اسهال فاافضل حل تروح عند دكتور بيطري يحدد الطير المريض ويبعده عن الطير الثاني قبل مايعديه , موفق .

[semsem700]

جزاك الله خير
ايه انا اعرف ان فيه اسهال بس ابغى احدد مرضه واجيب له الدواء
لان الاطباء البيطريين الي عندنا كلهم فاشلين وسبق مات لي طير بسببهم ..




وين باقي الاخوان والله الجوز غالي وخسارتهم بتكون قويه :(

[تشآرلي]

semsem700

وعليكم السلام ورحمة الله وبركاته

دامك اعطيتهم كورس علاج للديدان لازم تكرر الجرعه بعد 15 يوم من اليوم الي اعطيتهم ولكن لمدة 24 ساعه فقط

الانثى :ساعات الصباح الأولى نشيييطه وتتتحرك وتصفر وبعد ساعه تخمل باقي اليوم كله وتوقف على العصا في طرف القفص .
الذكر: حركته ممتازة الحمدلله لكن الطير ياكل بشراااهه عاليه والاكل مايكمل عندهم كم ساعه وخفت يكون فيه ديدان

هنا يرجع الجواب ( كم لهم في البيئه الجديده الي انت وضعتهم فيه ؟ )

اخي العزيز

تغير لو البراز ( اكرمكم الله ) من اول يوم جبتهم ؟؟ أو تغير لونه بعد ماجبتهم ؟

هل يوجد ريحة كريهه للقفص ( مقارنه بالايام الاولى الي جبتهم )


انتظر ردك

[semsem700]

semsem700

وعليكم السلام ورحمة الله وبركاته

دامك اعطيتهم كورس علاج للديدان لازم تكرر الجرعه بعد 15 يوم من اليوم الي اعطيتهم ولكن لمدة 24 ساعه فقط



هنا يرجع الجواب ( كم لهم في البيئه الجديده الي انت وضعتهم فيه ؟ )

اخي العزيز

تغير لو البراز ( اكرمكم الله ) من اول يوم جبتهم ؟؟ أو تغير لونه بعد ماجبتهم ؟

هل يوجد ريحة كريهه للقفص ( مقارنه بالايام الاولى الي جبتهم )


انتظر ردك


لهم عندي تقريبا شهر ونص

وأول ماجبتهم كانت فضلاتهم كثيره اكثر من المعتاد وطبعاً ريحة قفصهم شيء لا يطااق بس اللون الطبيعي
اللون اختلف بعد ما اعطيتهم دواء الديدان اما الريحه والباقي من يوم ماجبتهم

طبعاً صاحبهم كان حاطهم مع (الحمام) يمكن جاتهم عدوى :(

جزاك الله خير ياليت تساعدني بتحديد المشكله ولو تبغا صور جديده بعد تنظيف القفص لفضلاتهم اعزك الله الصباح اصور لك بس قول لي
المهم اعالجهم وما اخسر فيهم

[semsem700]

انا اعطيتهم علاج الديدان لمدة يومين بسبب ان الشركه ذاكره ان الطير لازم ياكل الحبه كامله تفك منقاره وتدخلها
وانا ما اقدر اسوي هالحركه معاهم فقلت مافيه الا اني ادبل لهم الجرعه فالمشربيه عشان اضمن ان دخلت جرعه ممتازة لجسمهم

[بكاتشو]

افصلهم بقفصين هذي الفترة ولو كانوو بقرب بعض ولكن لتميز مشكلة كل واحد فيهم وبعدها ابدأ بالعلاج

[بلاك بيري]

اعطي سبيكولين بجرعه 5 سيسي في 250 مللتر ماء كل 24 ساعه بشكل امبيرك ثيرابي وهو اعطاء العلاج لكلا من الزوج المريض والسليم

المريض يتعالج والسليم تقيه من العدوى ونقيه من البكتريا ان لم تظهر علامات المرض

[semsem700]

بكاتشو
حتى لو فصلتهم يالغالي اكيد الان انتقلت العدوى فلازم علاج للكل

بلاك بيري
يالغالي راح ادور هالعلاج
لكن ليش وصفته لهم ؟؟يعني وش مشكلتهم ؟؟ واش سببها ؟؟ عشان احتاط

هذي صورته ؟؟


http://www.2zoo.org/uploads/13353858153.jpg
قرأت انه يستخدم للأغنام !!!

سامحني كثرت اسئله

[ProOoF]

لا تتسرع بأعطاء إي دواء

قد تكون طيورك سليمه وهالفضلات مسبقه لما قبل الإنتاج

سبب شكي تحليلي للصوره مبدئياً توجد فضلات خضراء طبيعيه وهي للذكر

البقيه السائله قد تكون للأنثى الطيور الخاصه بالإنتاج توصف بهالحاله

قبل وضع البيض { أتمنى شكي يكون بمحله بأذن الله }

هل لك ملاحظه ع الزوج من تأكيل أو تلقيح او ماغيره ؟

هل يوجد ضعف بصدر الأنثى أو الذكر ؟

أتمى وضع صور مقربه للزوج حتى يتم قطع الشك
.............
أستغفر الله

[semsem700]

استاذي الغالي بروف
ايه الجوز يوكلون بعض وحاول يلقحها محاوله وحده فقط وبعدها ماكرر المحاوله
وصعب اصور الجوز لانه مجرد ما ادخل الغرفه يدخلون فالصنوق والصندوق صعب الفتح ..

انا خفت تكون بسبب الفيرتي والكالسيوم الي اعطيه لهم ..
انتظر ردك على احر من الجمررررررر وياليت تشرح لي اش معنى الانثى الي تكون فضلاتها بهالحاله ؟؟

[ProOoF]

استاذي الغالي بروف
ايه الجوز يوكلون بعض وحاول يلقحها محاوله وحده فقط وبعدها ماكرر المحاوله
وصعب اصور الجوز لانه مجرد ما ادخل الغرفه يدخلون فالصنوق والصندوق صعب الفتح ..

انا خفت تكون بسبب الفيرتي والكالسيوم الي اعطيه لهم ..
انتظر ردك على احر من الجمررررررر وياليت تشرح لي اش معنى الانثى الي تكون فضلاتها بهالحاله ؟؟



الله يبقيك يا خوي .. مافيه مشكله الحاله واضحه لكن حبيت أتأكد حتى أكون صوره واضحه

طيورك مافيها الا الـــعــــافـــيـه لا هي مريضه ولا فيها الا كل خير

الفيرتي والكالسيوم جميعها عباره عن محفزات و معززات فيتامينات و لا تسبب ذلك

مثل ما ذكرت لك هالحاله أن الأنثى جاهزه و الله أعلم بأن الذكر كان يلقح

ولا أنتبهت له , عادة ماقبل الإنتاج يكون فيه تحولات للأنثى للجهوزيه

مثل إنخفاض بطن الطير { المنطقه مابين الأرجل و الذيل } و تحول الفضلات لشبه السائل

بالإضافه بعض الحالات لرائحه غير جيده أعزك الله و القارئ

الحمدلله أنك لم تعطي إي دواء لأن الأدويه لها تأثير سلبي ع الأنثى و يؤثر ع عنقود البيض

لذلك تطمن بأذن الله و حاول تقلل الدخول لأني حسب مافهمت أن الزوج يتوتر بدخولك

حاول تريحه وتقلل الدخول قدر المستطاع
..........
تمنياتي لك بالتوفيق

[ابو عبدالله 1]

الصراحة انا مع الاخ prooof في كلامة

لان الاسهال اذا جاء للطير استحاله انه يتحرك داخل القفص بشكل ملحوظ

لاتتسرع وانطر احتمال تكون اعراض ما قبل الانتاج ..

والله أعلم

[تشآرلي]

بارك الله فيك اخوي بروف ...

واحب اظيف معلومه عن تجربه

مثل ماذكرت ان لون البراز ( اكرمكم الله تغير لونه والرائحه ) هذا حصل عندي قبل

الانثى تطرح البيض ب 8 ايام

اعطيهم جو الراحه اللازمه

وبالتوفيق

[semsem700]

بروف وابو عبدالله وتشارلي
الله يرييييييييحكم ويعطيكم ماتتمنون ماتدرون كيف كنت شايل الهم
عجزت احدد مرضهم !! كيف يلعبون ويتحركون وفنفس الوقت اسهال !!
شكرااااااا شكرااااااا شكرااا ويارب فعلا يكون فيه تلقيح

يوم الاربعاء يفترض اني اعطيهم الجرعه الثانيه الي بعد مرور 14 يوم حقت الديدان
اعطيهم ؟؟والا يأثر على الانثى ؟؟

[semsem700]

up
ياليت القى اجابه اخوي بروف او تشارلي
اعطيهم الجرعه الثانيه من دواء الديدان ؟؟؟ أو يأثر على الانثى

[تشآرلي]

[B]اخوي العزيز

بما ان طيورك لاتوجد فيها علامات المرض بالديدان

فلا داعي ان تكمل العلاج وخاصة الانثى بطور الانتاج

فهذا قد يأثر على تكوين البيض

تواصلت مع اخونا بروف بموضوعك كونه اكثر خبــره فمن الافضل لاتعطيهم العلاج

اهتم بالاكل المناسب والماء الصالح للشرب والمكان الهادي

وان شاء الله عما قريب تبشرنا بالانتاج

...

[semsem700]

جزااااك الله خيييييير ماقصرت انت وبروف
الله يبارك فيكم
اذا ماراح اعطيهم دواء الديدان .. السبب الي خلاني اعطيهم لان الذكر كان طول وقته ياكل ماشاء الله وماتجي كم ساعه الا والاكل مخلص
فشكيت فيه واعطيته الدواء
هو خف عن اول لكن الى الان اشوفه بالكاميرا طول الوقت واقف على صحن الاكل وياكل