الكاسكو من غير قفص

[لومينا]

السلام عليكم
اخواني مو حاب اطول عليكم
عندي سؤال؟
الكاسكو في القفص كلا ينكسر ذيله
من يطول ذيله ينكسر مادري من وين المشكله هل من القفص مع العلم ان (القفص كبير )
او من نفس الكاسكو
شلت القفص وخليت قفصه الاستاند
هل توجد مشكله للكاسكو اذا ضل على الاستاند من غير قفص

الكاسكو الي عندي اليف بس مو مدرب
الي يقدر يربيه لي
او تعرفو محل يربيه لي
طبعا انا من الأحساء

وشكرا:shy:

[دآيم مشغول]

وعليكم السلام .. مرحبا اخوي ..
أنا عندي نصيحه لك افضل شي انك تدربه أنت بنفسك دام انه اليف
مثأل : جب له العاب خشبيه وخله يلعب فيهم فتره وبعدين شلهم عنه وخلهم عندك وناده راح يجيك لأنه يبي يلعب
راح تلقي عدم تجاوب في بداية الأمر بس مع الاستمرار والصبر راح تلاقي نتائج حلوه وهكذا في الاكل ..

اما بالنسبه الذيل ان شاء الله أحد الاخوان يفيدك ..

[عزوزالعبدالله]

الافضل انك انت تدريه

ودامك بتخليه على الاستاند بيسهل عليك تدريبه

[نوارة الأحساء]

عادي تخليه على لستاند انا كاسكوي مايدخل القفص كلش بس الحين تعلم ينزل من القفص ويروح يعسل مع ابو الشباب ><

[بلاك بيري]

عادي اخوي خله على استاند بس تأكد انه واصله اكله ومويته بأنتظام

[عدنان المدني]

الببغاوات من الافضل ان يكون حر طليق على استاند افضل الحبس بالقفص بشرط يكون مقصوص جناحة حتى لا يهرب اذا سنحت له الفرصة
بالتوفيق ان شاء الله

[تشآرلي]

وعليكم السلام ورحمة الله وبركاته

اخوي العزيز بعض الطيور الكاسكو الي مرت علي

تضر ذيلها بمنقارها وهذا شي صعب تغيره

الا لو استخدمنا زيت الصبار ولكن من ناحيتي لا اري لها ضروره

ومن ناحية الاستاند فهوا ممتاز جدا وراح يصير اليف بسرعه


الكاسكو الي عندي اليف بس مو مدرب
الي يقدر يربيه لي
او تعرفو محل يربيه لي
طبعا انا من الأحساء


الافاده تتم عن طريق الخاص ,,,


بالتوفيق

[لومينا]

فديتكم يا احلا قروب
مشكورين على الردوود والافاده
بلنسبه للجناح اول ما اخذته كان جناحه مقصوص ومن قبل فتره وديته عند واحد وخلا جناحينه طوال
والحين جناحينه في نمو
هاذا ياثر عليه لانه في استاند لو اعود اقصهم من جديد
مع العلم يكون الكاسكو في نظري اجمل بجناحين طويلين
وشكرا