بخصوص مرض [الأرشيف] - منتديات تو زوو

مشاهدة النسخة كاملة : بخصوص مرض

FaisalQ

10-01-2013, 11:50 PM

السلام عليكم

اخواني من اسبوع تقريباً اخوي جاني زياره ..
و اشترى هاسكي صغير عمره شهر و نص تقريباً
اول فتره كان لعوب و مافيه الا العافيه

انا عندي هاسكي عمرها تقريباً 3 شهور و تركناهم سوا فتره ..

الكلبه الصغيره داخل البيت لكن لاحظنا عليها اسهال قوي
و لاحظت مره انها تجتر و طلعت زي البلغم و انتوا بكرامه

و اخر يوم قبل يسافر صار مع الأسهال دم و كانت تعبانه ماتتحرك
حاولت اوصل لدكتور ماقدرت بحكم العواصف الثلجيه الي عندنا
لكن على الجوال قال لي ان الي معها مرض مميت ماني متأكد من اسمه نسيته
عطاني اسم مطهر للمعده قال خذه من اي صيدليه لعل و عسا ينفعها

المهم الكلبه ماتت و هي بالطياره :(

سؤالي الحين .. هل الأمراض هاذي معديه ؟ خصوصاً انهم لعبوا مع بعض و اكلوا من صحن واحد

المشكله الوضع صاير مايسمح اطلع من البيت عواصف ثلجيه و الطرق مقفله و العيادات مقفله برضو

jassim99

10-01-2013, 11:55 PM

اخوي هذا فايروس البارفو

و فعلا مميت

ومعدي اذا كان كلبك ما اخذ التحصينات

انا انصحك تطعم كلبك من هالفايروس الي الكل يشكي منه اذا ماكان مطعم

وثانيا نظف المكان الي كان فيه الجرو المصاب بديتول و اذا الجرو الصغير موجود اعزله عن الجرو الكبير

بالتوفيق و طمننا

FaisalQ

11-01-2013, 12:22 AM

الجرو الصغير عطاك عمره للأسف .. وصل الرياض ميت

شف انا مطعم كلبتي 3 مرات
و كل مره يحطون لي ستكرين
و اخر مره حطلي في الدفتر 3 ستيكرات اتوقع !

ودي اصوره لك لكن ماني محصله .. تتوقع انها تطعيمات هـ الفايروس ولا ؟

و متشكر اخوي على ردك السريع

jassim99

11-01-2013, 12:55 AM

اكيد مطعم

لان البيطري يحرص دائما على تحصين الجرو من البارفو ثم الريبس وباقي التحصيناات

يعني ممكن تكون الجرعه الثانيه تنشيط للجرعه الاولى

و الثالث حطلك 3 ستيكرات ممكن يكون البيطري عطاك التطعيم مع تنشيطه

الله يعوضكم بالي افضل منه

FaisalQ

11-01-2013, 01:03 AM

الله يطمنك اخوي ماقصرت و كفيت و وفيت ..
و ان شاء الله بكره اذا انفتحت الطرق بأحاول اوصل للبيطريه و افحصها ..

يعطيك الف عافيه