استفسارات

[breeze1]

السلام عليكم ورحمه الله وبركاته

قبل 10 ايام تقريبا استلمت فرخين كروان من واحد يربي ..طبعا انا مو متاكده بالضبط من اعمارهم بس مااتوقع اكبر من شهرين..

عندي بعض الاستفسارات لانها اول مره لي في تربيه الطيور

-اولا اذا ابي ادربهم هل من الضروري افصلهم ولا عادي مع بعض ...
طيب واذا فصلتهم هل اضعهم في غرفه وحده بس في قفصين او كل واحد في غرفه ؟؟

-ثانيا انا متحيره مع هذا البرد:confused: ...شلون ادفيهم ..يعني شالطريقه اللي تخليني اضمن ان البرد ماراح يضرهم؟لان في واحد سمعته يعطس كم مره

-ثالثا ...خلطه الثوم والليمون وكمان خلطه البيض بالبقسماط كم مده صلاحيتهم ...اذا سويتهم اليوم كم يوم احتفظ فيهم؟؟

-رابعا ...

طولت عليكم ..انشالله تتحملوني ...عندي زياده استفسارات بس بحطها بعدين
وبحط صورهم عشان تساعدوني في معرفه اعمارهم وجنسهم اذا ممكن

مشكورين مقدما ،،،وطبعا شكرا لجميع الاعضاء مواضيعكم ونصايحكم كانت مفيده جدا بالنسبه لي

[أتعبني غلاها]

السلام عليكم ورحمه الله وبركاته

و عليكم السلام و رحمة الله و بركاته

قبل 10 ايام تقريبا استلمت فرخين كروان من واحد يربي ..طبعا انا مو متاكده بالضبط من اعمارهم بس مااتوقع اكبر من شهرين..

الله يبارك لكي فيهم و يتربو في عزك يا رب انتبهي لهم كويس
عندي بعض الاستفسارات لانها اول مره لي في تربيه الطيور

-اولا اذا ابي ادربهم هل من الضروري افصلهم ولا عادي مع بعض ...
طيب واذا فصلتهم هل اضعهم في غرفه وحده بس في قفصين او كل واحد في غرفه ؟؟

لا مو شرط تفصليهم الطيور فروخ و تقدري تدربيهم براحتك

-ثانيا انا متحيره مع هذا البرد:confused: ...شلون ادفيهم ..يعني شالطريقه اللي تخليني اضمن ان البرد ماراح يضرهم؟لان في واحد سمعته يعطس كم مره

حطيهم في غرفة داافيه و بعيده عن التيارات الهوائية

و اذا كانو في قفص تقدري تغطيهم بقطعة قماش بس تقلي لهم جيهه وحده مفتوحه عشان يتبدل لهم الهواء
اما اذا كانو في بياضه ما يحتاج تغطيهم غير انك تحطيهم في غرفة دافيه

-ثالثا ...خلطه الثوم والليمون وكمان خلطه البيض بالبقسماط كم مده صلاحيتهم ...اذا سويتهم اليوم كم يوم احتفظ فيهم؟؟

خلطة الثوم بالليمون صلاحيتها 5 ساعات فقط ما ينفع تزيد

و خلطة البيض بالبقسماط صلاحيتها 24 ساعه يعني يوم كامل ما ينفع تزيد عشان رااح تقطن لو نقص في الوقت يكون افضل يعني تخليها 20 ساعه فقط بسس لا تزيد عن 24 ساعه

-رابعا ...

طولت عليكم ..انشالله تتحملوني ...عندي زياده استفسارات بس بحطها بعدين
وبحط صورهم عشان تساعدوني في معرفه اعمارهم وجنسهم اذا ممكن

عادي مافي مشكله اي استفسار احنى في الخدمة

مشكورين مقدما ،،،وطبعا شكرا لجميع الاعضاء مواضيعكم ونصايحكم كانت مفيده جدا بالنسبه لي

تحياتي

[breeze1]

اتعبني غلاها ..مشكوره على سرعه الرد وعلى النصايح
خلطه الليمون والثوم تضر لو تركتها اكثر من ٥ ساعات ..لاني توني معطتهم من وحده مسويتها الصباح ...وش اسوي

بعدين لاحظت انهم اذا تركتهم مع بعض في نفس القفص يصيرو مايقربو من ايدي ويصيرو غير اليفين شوي شوي بس اذا صارو كل واحد لحاله يتآلفوا معي اكثر

[كل الدلع]

اتعبني غلاها ..مشكوره على سرعه الرد وعلى النصايح
خلطه الليمون والثوم تضر لو تركتها اكثر من 5 ساعات ..لاني توني معطتهم من وحده مسويتها الصباح ...وش اسوي

اي نعم تضر لو قعدت اكتر من 5 ساعات
وخلاص الزائد أتخلصي منه

بعدين لاحظت انهم اذا تركتهم مع بعض في نفس القفص يصيرو مايقربو من ايدي ويصيرو غير اليفين شوي شوي بس اذا صارو كل واحد لحاله يتآلفوا معي اكثر

والله انا رأيي انك تفصليهم لان لما يكون الطير لحاله فهو مجبر يتألف معك
لكن لما يكون معاه طير ثاني من نفس نوعه فالأفضل له انه يتألف مع اللي من نوعه

[Sayo~nara]

انا مع اختي كل الدلع
احسن لما تجي تتدربيهم تفصليهم عشان الفرخ ما يكون قدامه غيرك يولف عليكي ..
ما يكون معاه طير تاني يولف معاه ..
وممكن بس وقت التدريب تفصليهم لكن وقت النوم مثلا والاكل عادي خليهم مع بعض ..
لانو ليا تجربه .. كنت بولف انثى عندي من صغرها ولانو معاها ذكر اليف من اول ما رضيت تولف معايا
ولفت معايا صح بس مو بنسبة 100%
ولاحظت اني لما اخدها لوحدها عندي تولف عليا وتحبني .. بس لما تكون مع الذكر تطنشني وتتعلق فيه ...