عدة أسئلة ؟

[7amood]

السلام عليكم

كيفكم عساكم بخير

عندي كم سؤال

عندي بايكه لكن ما اعرف وين احط الاكل والماء ؟؟

انا بسوي بادوك دائري ويحط تراب ( بطحاء ) وسمعت ان الغبار

يضر الخيل .. فيه شئ أخلطه مع التراب عشان ما يجي الغبار

بس يكون بسيط .. وغير مكلف ؟؟

العليقه :-

الصباح : شعير مخمر + وافي + نخاله + تمر بس مؤ يوميا

يوم أحط ويوم لا

الظهر : خلية برسيم

المغرب : نفس ألطريقه في الصباح

الساعه 9 : خلية برسيم .. افكر أعطيها نص خلية برسيم ونص خلية رودس

هل ألطريقه ممتازه ؟؟

أتوقع ان فيه حبوب مفيده ياليت تقولونها لي وكم كميتها ؟؟

مع العلم ان الفرس لاقح و الأجواء عندنا بارده شوي

اخر شئ

هل تنصحوني في اللجام الباكستاني ؟؟

أسف على الاطاله

[الخبراء]

وعليكم السلام


با النسبه للغبار
اكيد تضر بس التراب الي عندك عادي او ريغاء ( اذا هو العادي ماضرهم ايام اول يضرهم الحين )
و اذا ريغاء يبيلك تجيب تريله رمل

با النسبه للاكل
عطهم وافي او نخاله و النخاله احلى و ان شاء الله انه يكفي ما يحتاج وافي ونخاله وشعير و تمر
( با النسبه لي ما احب الشعير سبب لي كم مشكله مع المغص )

با النسبه للطريقه انا ما اقدر افيدك
بالنسبه لي برسيم الصبح و الظهر و المغرب و الرودس 24 ساعه موجود و الذره مرتين 3 مرات با الاسبوع

بس الفرس اللقاح اكرمه ولا تهمله و غطه عن البرد اذا الفرس مقربه للولاده و اذا وصلت حطه بغرفه او باي مكان ذراء عن الهواء

وين تحط الاكل حطه باي مكان ( ما عليك الفرس اذا ما اعجبه المكان تبي تحركه ) :88:

و الشباب يفيدونك ان شاء الله

[7amood]

مشكوووورر ويعطيك العافيه

لكن بالنسبه لمكان العليقه

كيف احطه في اي مكان

[خيال العروبه]

السلام عليكم

كيفكم عساكم بخير

عندي كم سؤال

عندي بايكه لكن ما اعرف وين احط الاكل والماء ؟؟

يفضل ان يكون المعلف بالقرب من الباب ليسهل اعطاء العلف

والماء بجانب المعلف

انا بسوي بادوك دائري ويحط تراب ( بطحاء ) وسمعت ان الغبار

يضر الخيل .. فيه شئ أخلطه مع التراب عشان ما يجي الغبار

بس يكون بسيط .. وغير مكلف ؟؟

البادوك الدائري ممتاز جدا وخوصا في اوقات التشغيل ! الغبار يضر الخيل هذا صحيح

ويفضل انك تفرشة بالتراب النظيف وتاكد من عدم وجود الحجارة البادوك

العليقه :-

الصباح : شعير مخمر + وافي + نخاله + تمر بس مؤ يوميا

يوم أحط ويوم لا

الظهر : خلية برسيم

المغرب : نفس ألطريقه في الصباح

الساعه 9 : خلية برسيم .. افكر أعطيها نص خلية برسيم ونص خلية رودس

هل ألطريقه ممتازه ؟؟

الطريقة ممتازة ولاكن انصح باستبعاد الوافي من الخيل استبعاد تاام !

والبرسيم يكون الصباح والرودس او البرسيم الظهر

الشعير بنسبه بسيطة وليس بكثر + النخالة + التمر ( كل يوم فضل ) وتكون الوجبة مره

واحدة باليوم !!! والصباح و الظهر برسيم


أتوقع ان فيه حبوب مفيده ياليت تقولونها لي وكم كميتها ؟؟

السمسم و بذرة الكتان قدر فنجان والحلبة قدر فنجان ايضا هذا م يحظرني

ويفضل السمسم ان يكون على هيئة زيت ويضاف مع العليقة ويفضل وضع احد الانواع مع العليقة وليس الجميع

مع العلم ان الفرس لاقح و الأجواء عندنا بارده شوي

هنا يلزمك مكان دافئ للفرس !!!

اخر شئ

هل تنصحوني في اللجام الباكستاني ؟؟

لاتوجد عندي فكرة عن هذا اللجام :)

أسف على الاطاله

ولو يالغالي هذا واجبنا :D ومستعدين لك انت امر ونحن نطامر :)

الاجابه باللون الاحممر

[7amood]

ألف شكر لك .. كفيت ووفيت .. وأبيض وجه

[فارس وخيال]

وعليكم السلام ورحمة الله وبركاته
هلابك اخوي احنا يالغالي عندنا اسطبل
فيه تقريباً 20 راس من الخيل وطريقتنا في الاعلاف
نعطيهم وجبتين فقط الصباح برسيم والمساء علف
غدير لكن للأمانه نشبعهم منه
والحمد حال الخيول من ازين في ازين
ولا فيه اي مشاكل بالنسبه لرمل لازم رمل نام
اللي هو رمل الطعوس واكيد معروف عن الكل
الله بيبارك لنا ولك في حلالك

[rock_1001]

ما فهمت قصدك على اللجام الباكتساني ؟؟ صوره اذا عندك نفيدك اكثر

باكستان تصنع سورج والجمة من الجلد بعضها ممتاز وبعضها رديئ وانا افضل الشركات العالمية

[rock_1001]

بالنسبة للحبوب هناك اكياس خلطات تصنع في الدول الغربية لاغراض عديدة منها للحوامل والرضع بس مادري وين تنباع عندكم بالرياض

[7amood]

مشكور الله يعطيك العافيه

[خيال العروبه]

يغلق الموضوع كونة اخذ ما يكفيه من الردود :)