استفسار : ببغاء افريقي وتحديد الجنس

[محمد25]

السلام عليكم ورحمة الله وبركاته

عندي ببغاء افريقي له معاي تقريبا شهرين ،
العمر : على كلام صاحبة الاول أنه سنة

اللحين سويت تحديد جنس للطير ا


وارسلوا لي النتيجة عن طريق الايميل (انثى) ، وهذي صورة :freind:

http://i270.photobucket.com/albums/jj113/mohd25/14-03-143404-31-056450_zpsd90617e7.png

الحقيقة اني ابي ابيع الطير لان حتى اللحين وهو يجعر اذا قربت منه مع اني ما حاولت اني اسوي طريقة ترويض معاه لانشغالي عنه .. مع ان حجمه جدا ممتاز وصحته تمام ويصفر اذا كان لحاله
وهذي صور له

http://i270.photobucket.com/albums/jj113/mohd25/20130125_164308_zpsf5020f59.jpg

http://i270.photobucket.com/albums/jj113/mohd25/20130125_164514_zpsa10f53f4.jpg

الان لو ابيعه كيف اقدر اقول ان النتيجة هذي للطير هذا ؟؟ ،، لان مافي شي يثبت :confused:
مع ان النتيحة مكتوب فيها اسمي وعنواني ..

هل في أحد عنده حل أو جرب الموقع هذا وارسلو له شهادة أو أي شي يثبت ان النتيجة
للطير هذا ؟؟


تحياتي للجميع

[ProOoF]

عليكم السلام ورحمة الله وبركاته

حياك الله اخوي

بخصوص طيرك مالك الا حل واحد حتى يكون فيه تثبت

تسوي حجل بنفس الاسم ( الأسم الأول مثلا ً ) الي جات فيه الشهادة

بكذا تقدر تبيع الطير بالشهادة و يكون مثبت

...............
موفق يارب

[dark evil]

معليش على المداخلة

انا عندي كاسكو وابي اسوي مثلك تحديد الجنس

كيف الطريقة ؟

[محمد25]

يعطيك العافية ProOoF

يا ليت لو عندك موقع او محل في السعودية أو برا عشان اتواصل معاهم

مشكوووور على المعلومة

[محمد25]

اخوي dark evil
امس كتبت الرابط حق الموقع والظاهر انه انحذف مع ان الموقع المفروض الكل يعرفه

عموما ارسل لي رسالة خاصة وارد عليك .. لاني ما اقدر ارسلك عشان مشكلة المشاركات

[ProOoF]

يعطيك العافية ProOoF

يا ليت لو عندك موقع او محل في السعودية أو برا عشان اتواصل معاهم

مشكوووور على المعلومة

العفو بارك الله فيك

بأذن الله بزودك برقم الرجال و بالتفاصيل عبر الخاص

العفو وهذا الواجب وعذرا ً ع التأخير

بخصوص الرابط صحيح يعتبر مخالف تقدر ترسله له عبر الخاص - جزاك الله خير
..............
موفق خير

[عدنان المدني]

اخي الكريم لي ملاحظة طائرك جميل اما طريقة قص ريشة اسأت كثيرا لشكلة الجميل
راجع المواضيع قص ريش طائر حتى لا يؤثر على جمال الطائر

[ماجد علي]

هنا تكمن المشكلة شهادة من غير أثبات أنها لنفس الببغاء.

[محمد25]

أخي عدنان المدني

المحل اللي رحت له قصه بطريقة سيئة ندمت عليها كثييير :64:
إلا المفروض الواحد يتعلم ويسويها بنفسه
لكن في تحسن اللحين

مشكور على ردك وتحياتي لك

[باحيدرة]

اخوي محمد لو تكتب الطريقة اللي سويتها لارسال الريش او الدم لتحليل الدي ان ايه لو تكتبها اذا تكرمت بالتفصيل الملل اذا ما عليك امر وكم حدك لو بتبع الطير ؟؟

[محمد25]

باحيدرة
مساء الخيير لك وللجميع

الحقيقة اللي دفعني اني اسوي تحليل من برا السعودية اني سألت هنا و هنا وقالو التحليل بحدود 1000 ريال واحتمال تزيد شوي .. بس ما لقيت محل معين عشان اتأكد من المعلومة ..

التكلفة حتى حصلت على النتيجة = 225 ريال فقط :88:

الطريقة كالتالي
أولا :
لازم يكون عندك بريد في ارامكس ، مجرد ما تسجل عندهم وتدفع الرسوم (أتوقع 125 ريال)
راح يكون عندك عنوان في امريكا و غيرها وتقدر تستخدمها للشراء من الامازون وغيره كثيير..

ثانيا:
تروح للموقع حق التحليل (ارسل لي رسالة شخصية وارسله لك - مشاركاتي ما وصلت 50 :shy:)
وتسوي طلب لتحليل عن طريق الريش (أو الدم - اللي تحب) تحدد العدد اللي تبي و تسجل عنوان ارامكس اللي في امريكا .. لاحظ ان الارسال مجاني بس لما توصل لعنوانك راح تدفع 75 ريال عشان توصل للسعودية .. الظرف راح يكون فيه نموذج واحد و عدد من العينات اللي طلبتها كل عينة برقم .

ثالثا:
تاخذ من 5 - 7 ريش من منطقة الصدر (موجود ارشادات تجي مع الظرف) وتحطها في العينة
وتحدد طريقة الدفع ، انا كتبت بطاقة الماستر كارد
وبعد كذا ترسلها ..

رابعا:
رحت لأرامكس وطلعوا غاليين بـ 250 او 300 ما اتذكر .. المهم رحت لحبيبنا البريد الممتاز وارسلتها ب 150 ريال ..

خامسا:
انتظرت لمدة أكثر من شهر وبعد كذا ارسلوا لي ايميل بأن العينة وصلت وخلال 72 ساعة راحت تطللع النتيجة ، وبالفعل طلعت النتيجة زي ما شفت في الموضوع الأول ..


الطريقة سهلة بس يبي لها بحث شوي ..
واذا تبي شي ثاني أفيدك فيه تبشررر


بالنسبة لحدي في الطير ..
فأنا حاليا ابي اجيب له حجل برقم الشهادة وبكذا أكون قدرت اثبت أن الشهادة للطير هذا
والحمد لله أخوي ProOoF ما قصر معي ، والحجل راح يكون موجود خلال الايام الجاية ..
وراح أعرضة في قسم البيع باذن الله ،،

تحياتي للجميع

[باحيدرة]

بارك الله فيك اخوي شرح كافي وافي بارك الله فيك بس انا حصلت واحد صاحب محل في جدة قلي في مكان تحليل وبــ500 ريال ، والمشكلة ما اقدر ارسل لانوا نفس المشكلة المشاركات .