نحف القطة

[جدة]

سلام عليكم
عندي البسه حقتي وديتها الفندقة جلست اسبوع
لكن جأت مره نحيفه هل ممكن ما كانت تأكل
وهل في طريقه أرجعها زي اول

وجالسه تصيح هل ممكن لانها فارقت اللي كانوا معاها
ولا فيها شيئ

[باغيرا]

وعليكم السلام ورحمة الله وبركاته
اهلين فيك اخي
مو كل الفنادق الخاصة بالقطط يكون موثوق فيها لانه هي يهمها توفر فلوس ومايهمها اذا القطة اكلت ولا لا
واغلب اكل الفنادق يكون بس دراي فوود لذلك قطتك نحفت
طيب ابى منك بس لو سمحت تحدد لي عمر قطتك

[جدة]

يعطيك العافية باغيرا
عمر القطة تقريبا من 6 -8 شهور
بخصوص الفنادق شوفت المحل مناسب شكله توكلت علي الله
لكن صارت تصيح كثير من اول ما جبتها + ما تأكل تأكل شويه وتمشي
يعني مؤ زي اول اول كانت تلعب وتأكل وصحتها ماشاء الله
لكن الحين لا تأكل ولا تلعب بس تصيح
وجزاكم الله خير

[فاتـــو]

اهلين اختي
المواء بصوت عالي معناته انها طالبه للتزاوج
لانها اختلطت بقطط ثانيه وغالبا القط لما يكون جالسه لحاله فتره طويله
وبعدين يختلط مع قطط اخرى يطلب التزاوج لتوافر نظرائه من القطط
بس هي لسه صغيره انتظري عليها شوي حتى تكمل سنه وبعدين زوجيها
وجربي معها انواع اخرى من الطعام نوعي لها لانها ممكن تكون تعودت على اكل الفنادق
لازم لها اكل البيت صحي ومفيد

[جدة]

يعطيك العافية أختي
بس أنا اجلس ٣ شهور علي الصوت هذا ولا بتخف هي
بخصوص التزاوج هل لازم التزاوج ولا اقدر اخليها
بدون زواج
لانها لو تزوجت بتجيب ٦ قطط وانا ما راح اقدر اربي ٦
هل اقدر اخليها بدون تزاوج

[فاتـــو]

شوف تقدر تسوي لها عمليه تعقيم بازاله المبايض
بس لازم تكون عند طبي موثوق وخبره بالمجال
وبالنسبه للاطفال مو ضروري انها تجيب 6 انا قطتي ولدت مرتين ورا بعض تولد قطتين في المره الواحده
في قطط ممكن تجيب 2 وفي 3 وفي 4 وفي 8

[جدة]

لا مؤ للدرجة هذي عملية
طيب بخصوص المواء هل راح يقل ولا زي ما هو
هل ممكن سبب النحافة وضعف الشهية بسبب انها طالبه للتزاوج

[Octopus]

قطوتك تمر حاليا بمرحلة الدورة الشهرية و هي تتسمر على فترات متقطعة

ما تزوجها الا لما تبلغ السنة

[فاتـــو]

طبعا في علاقة وثيقه مابين طلب التزاوج وسوء الحاله النفسيه وقله الاكل
مما يؤدي الى نقص الوزن مثل حاله قطتك
بالتوفيق

[جدة]

يعطيكم العافية جميعا
طيب ايش الحل المفترض اسويه الان
وجزاكم الله خير

[جدة]

رحت عن البيطري اعطاني فيتامين اسمه
Bom ton vit
Tonic and vitamin
عشان تكون أقوى وترجع زي ما كانت ومره في اليوم
هل أعطيها منه
------------------------
في جرح في اذن ألبسة شكلها تضاربت لما كانت في الفندقة
أعطاني علاج اسمه
Avomeb qontment A
مرتين في اليوم
------------