ابي اربي ببغاء بس متوتر حبتين

[Remix]

السلام عليكم ورحمه الله وبركاته
امممـ كيفكم شخباركم
بالمختصر انا قررت اربي ببغاء بس خبرتي بالببغاء زيرو صفر ولا اي نقطه علم.
وعندي كذا استفسار.
..
اول استفسار هو اهم سؤال انا لما كنت بثانوية كان عندي وقت اقابل قوارضي مايقارب 10 ساعات والحمدلله كانت رعايه كويسه بس اضطريت اتخلص منهم لانهم صارو كثار حيل.
والحين انا صرت بالجامعه فصارت الجامعه ماخذه كل وقتي ارجع البيت متاخر فتنصحوني اربي ببغاء ولا مايصلح طبعا بالوقت القصير ماني مقصر بالببغاء اكيد بقابله قد ما اقدر تقريبا راح يكون لي 4 ساعات باليوم اقابل فيها ببغائي.
.
ثاني سؤال :- انا ماكو ببالي ببغاء افريقي يتكلم واجد ومزعج وكبير انا افكر ببغاء موب لازم يتكلم بس يكون ذكي شوي يعني مثلا لما ارجع البيت يدري اني انا راعيه ويرقى يدي ويرقص ويتألف بسرعة ومايكون غالي حيل حيل وكبير
اتمنى بليز من الي عندهم خبره يجاوبوني باسمه ومميزاته وعيوبه.
.
سؤال ثالث:- انا من الدمام وحدودي الدمام والقطيف والخبر شنو المكان الي يبيع ببغاوات صغار موب كبيره لان مابيه يكون كبير وصعب ترويضه لي يعرف او عنده ببغاوات صغار يكلمني خاص
.
اخر سؤال لمربين ببغاء :- بشكل عام كيف حسيتو تربية الببغاء حلوه ولا شينه وليه ؟
.
وبس صنكيو حيل تعبتكم :shy:

[تركي111]

عليكم السلام ........ هههههه علا اسلوبك تمنيت اني طير بين ايديك ..
شف عزيزي الطيور يبلها مراعاه ومدارات مومشكله لوتاخذلك كروان رخيص وكيوت
وعليه حركات حليووه ,, بس تراه يقررط الاسلاك وكذا ...
والا خذلك ببغاء الدره الهندي مش بطال وكلها ترا يبيلها تناظرها تطلعها تلعبها وكذا
اوما مسأله تبي تربيه وتحجره لالا مانصحك لانه اتغيير من سلوكيات الطير .
تربيه الببغاوات حلوه ومسليه ومصدر رزق ولله الحمد بس تختلف من مربي لاااخر
فيه ناس تعاملها بعدوانيه وفي ناس لا وسط احيانن يهوش واحيان لا وفيه ناس يازبيده لاتنكتين مايبون طيورهم تلمس الارض من شده الخوف ..اما اناعن نفسي موسع صدري معهم وعندي عبودي فديته ربي يخليه لي ... بس مزعج احياانن .

موفق

[ماجد علي]

أذا كنت تتوقع أن أربعة ساعات تتستطيع أن ترتب لو وقت قصير ربي الببغاء وخذ ببغاء الدرة فرخ صغير ب250 ريال تقريباً لأنه يتحمل كل شئ.