مبتدئ وعندي استفسارات !

[TalalKG]

بسم الله الرحمن الرحيم

السلام عليكم ورحمة الله وبركاته اخواني اخواتي أنا صراحة لي فترة أفكر أربي حيوان اليف ومن دافع حبي للطيور اخترت طيور الحب ، كثير من اصحابي نصحوني لا اقرب منها لانهم يقولون انها تعض صاحبها وتطلع ريحة وسعرها غالي وتكاليف عيشها غالية كذلك يقولون انها تموت بسرعة !

انا صراحة سبق لي اني ربيت بادجي وانا صغير وما كنت المسه بس في القفص وكانت تجربة سوداوية مو لسبب انها مزعجة لكن بسبب انها ماتت بدري وكلهم ماتوا مع بعض !

ياليت تفيدوني بموضوع تربية طيور الحب من حيث التجهيزات اللازمة واسعارها ومتوسط اعمارها وياليت برضه تعطوني افضل مكان في الرياض يبيعون طيور الحب اللي ماتكون مريضة واسعارها معقولة ، وشكرا لكم مقدما :12:

[جورجي]

وعليكم السلام ورحمة الله وبركاته
تربية طيور الحب رائعة وخصوصاً لو كانت الطيور اليفة
اذا كانت اليفة مرره ماتعض .. لكن لو كان الطير مزاجي فانه يعض احياناً .. واذا اهتممت بنظافة الاقفاص والطير يتروش اسبوعياً " عدد مرات استحمام الطيور يختلف في الشتاء عن الصيف " فانه ريحة الطير تكون طبيعية ..
وبالطبع الاسعار تختلف من طير الى طير اخر وعلى حسب اللون .. ويختلف السعر ان ان كان الطير فرخ غر او انه طير بالغ واليف والغير اليفة يختلف السعر ايضاً
الاسعار في الفروخ الغر تكون مابين 150 الى 250 ريال في الالوان العادية مثل الاخضر او اللوتينو وغيرها
ويزيد السعر اذا كان اللون مميز او نادر
وفي الطيور البالغة والاليفة ماعندي خلفية عن سعرها .. الطيور البالغة الاليغة تكون اغلى من الطيور الغير اليفة
تكاليف معيشتها مااشوف انها غالية .. اشوف انها تحتاج الى الحبوب المشكلة البلجيكية ومع توفير عظمة الحبار .. بالاضافة الى تزويدها بالخضار مثل الخس او الجرجير .. ووجبة البيض المسلوق بالبقصماء
اذا اهتممت بنظافة الاقفاص ونظافة صحون الحبوب والماء ماراح تمرض الطيور بالاضافة الى الاهتمام بالتغذية ... البعض ماشاء الله طيور الحب عاشت عندهم 5 سنوات والبعض 7 سنوات .. هذا شئ راجع الى العناية والاهتمام :)
اذا عندك خبرة بالغر ووقت .. اقترح تربي فرخ غر .. راح يكون اليف جداً ويتعلق بك ويطير وراك :)
اهم نقطة يكون الفرخ صغير مابين 20 الى 22 يوم .. "اذا الفروخ قريب بيكتمل الريش تكون عنيدة وماتتقبل الغر بسرعة ".. وتكون صحته كويسة وسليم ويكون فرخ واحد فقط للتربية .. اذا فرخ واحد بيتعلق بك .. لكن اذا اكثر من فرخ مابيكون متعلق بك مرره مثل الفرخ الوحيد
كذا الفروخ المناسبة للغر والتوليف
http://www.2zoo.org/uploads/13604329821.jpg
http://www.2zoo.org/uploads/13604305891.jpg
http://www.2zoo.org/uploads/13604333021.jpg
اذا ماكانت عندك خبرة بالغر ولاعندك وقت لاتشتري فرخ صغير .. اشتري جوز بالغ
لشراء الجوز تأكد انه ذكر وانثى وجاهزين للانتاج او سبق لهم الانتاج .. بالاضافة الى سلامتهم وخلوهم من الامراض والاعاقات
اي سؤال اخر لاتتردد