ان شاء الله بشتري كروان ادخلو وانصحوني :)

[نسرين]

السلام عليكم :)
انا قررت اني ابغا اشتري كروان مره مشاء الله عجبني اش النصايح الي تنصحوني هيا قبل ما اشتريه
يعني مثلا الامأكولات الخطيرة عليه وتسذا :freind: حجم القفص احسن مكان بجدة والكروان يكون عندهم بصحة جيدة وكمان تكون اسعاره حلوا الكروان اصلا غالي ولا سعره حلو؟؟ واخر سؤال اول ما اجيب الكروان راح يكون شرس او يعظني ولا مروض من اول؟ وكيف ادربه واسفة مره لو طولت :( وشكرا لكم مقدما :D

[نسرين]

ارجوووكم :(

[أتعبني غلاها]

و عليكم السلام و رحمة الله و بركاته

و حياكي الله في عالم الكوكاتيل الاكثر من رااائع والجميل ^^

طبعا سبب التاخير في الرد لانو مكان موضوعك غلط يوجد قسم للاساله والاجوبه ^^

طبعا الكوكاتيل طائر في غاية الجمال والروعه

يجب على المربي العناية به جيدا والمحافظه عليه و العطف عليه

الكوكاتيل حساس جدا و اذا حبيتيه سوف يبادلك الحب

بخصوص القفص انا انصح بالقفص هذا سوائا كان للتربيه او الانتاج

http://im35.gulfup.com/cvgLZ.jpg (http://www.gulfup.com/?Qc1HST)

سعر القفص من 55 - 70 ريال

و اذا كنتي حابه تاخذي طير واحد او اثنين طبعا للتربيه مو للانتاج انصحك تاخذي لهم العاب ايضا من نفس المحل مثل هذي و يوجد اشكال كثير

http://im35.gulfup.com/0NlGX.jpg (http://www.gulfup.com/?PjtWRO)
http://im35.gulfup.com/Hho1D.jpg (http://www.gulfup.com/?FYXPjN)

اسعار الاالعاب من 15 - 50 ريال حسب اللعبه و حجمها

الفائده من اللعبه حتى لا يمل الطير

الاقفاص والالعاب تحصليها في سوق الاهدل او كيلو2

بس في كيلو2 يبيعوها بسعر الجمله فانا انصحك تاخذيها من هناك

و بخصوص الاكل افضل اكل البلجيكي المخصص للكوكااتيل

و الخضار ( خس - جرجير - زبانخ - خيار - جزر - فجل - بطاطس )

الفواكه كل ما لذ و طاب

و اعطيهم صامولي او توست

والاهتمام بالطير والنظافه والتغذيه والتنويع له في الطعام شي مهم حتى يحبك اكثر و يتعلق فيكي اكثر

طبعا لا تنسي تحطيه في مكان دافي و بعيد ان اي تيارات هوااائيه

و من وين تشتري كوكاتيل خذي لكي واحد اليف وما يعرف العض افضل من انك تاخذي شي شرس و تجلسي تروضي فيه

و انا انصح انك تاخذي من المنتدى لانو الطيور مضمونه افضل من المحلات

الاسعار تختلف من لون لاخر و من فصيله لاخرى

اسعار الباكستاني ذو الخدود الاورنج سعر الطير من 250 - 400 ريال حسب اللون

و اسعار الهولندي بدون الخدود الاورنج سعر الطير من 400 - 1000 ريال حسب اللون

و هذي بعض المواضيع لبعض الاعضاء

1

http://2zoo.com/vb/showthread.php?t=301532

2

http://2zoo.com/vb/showthread.php?t=301847

3

http://2zoo.com/vb/showthread.php?t=300521

4

http://2zoo.com/vb/showthread.php?t=294892

اتمنى اني افدتك لو بالقليل

تحياتي

[saeed bahattab]

اذا تبى تربيه خذ اليف وفرخ واشتريه من مربي احسن من محل طبور ماتضمن المحلات الاكل افضل شيء الخلطه البلجيكيه وتعطيه خضار مسلوق وبيض بالبقسماط في الاسبوع مره

[The male nurse]

معليش يا اختي مكان موضوعك غلط (يوجد قسم سؤال وجواب)
بالنسبة لاستفساراتك اولاً لازم تحددي ايش تبغي
كروان للتربية والولافة ام للانتاج
اذا كان للتربية فيفضل ان تشتري فرخ كروان عمر شهر (يطعم عن طريق الغر) طبعاً لازم تكون عندك خبرة عن كيفية الغر
او انك تشتري كروان غير اليف وتحاولي انك تروضية (راح تواجهي صعوبه نوعاً ما)

اما اذا كنتي حابة تشتري جوز كروان للانتاج
فيفضل شراء جوز جاهز داخل قفص (وقد سبق له الانتاج من قبل) اذا امكن

الكروان نوعين (باكستاني: لدية خدود برتقالية) و (هولندي:بدون خدود)

طبعاً الباكستاني سعرة يتراوح من 180 الى 500 ريال
والهولندي سعرة من 250 الى 1000 ريال

طبعاً كلها حلوة وبامكانك اختيار اللي يعجبك

اما بالنسبة للقفص .. يفضل شراء قفص واسع (علشان تاخذ الطيور راحتها)

---
تحياتي لك

[نسرين]

شكرا لكم جميعا ما قصرتو ابدا وانا قبل فترة قريت شوي عن الكروان وعرفت اشياء بسيطة ومهمة واسفة بشأن مكان الموضوع بالنسبة للمحل انا شفت واحة الحيوان وطيوره نظيفة وما فيها اي امراض بس الي يعرف اسعاره يقلي بليز الله يسعدكم ويجعلها في ميزان حسناته
ولو بيدي لشتريت من الاعضاء لان امي وابوي رفضو الشراء من النت ما ادري ليش

[أتعبني غلاها]

بخصوص واحة الحيوان طيوره نظيفه بس سعاره شوي مرتفعه

انتي لما تروحي كيلو 2 تحصلي طيور هناك انظف من حقت الاهدل والاسعار حلوة و مناسبه

تحياتي