شباب احتاج مساعده ضروري

[رامي عمر]

السلام عليكم...

انا عندي جوزين حمام باكستاني كنت حاطت صورهم قبل كدا و كان في جوز بايض و التاني لسا

دلوقتي الجوز ال كان بايض فقست بيضه واحده و عمر الزغلول تقريبا 3 اسابيع يمكن اكثر

و الجوز التاني باض

هما عندي بئالهم شهرين او اكتر شويه

قلت اطيرهم النهارده الجوز ال فقسوا و طلعتهم ف البدايه نزلوا علي الارض و طلعوا علي السطح و فضلوا واقفين

مرا واحده طاروا و فضلوا يحومو حوالين المكان و شويه شويه طاروا عالي جدا و بعدوا فضلت علي كدا من الصبح يقفوا علي سطح بيتي و يطيروا يقفوا بعيد علي سطح تاني ابعد مني ب مسافه اروح عندهم اهشهم يرجعوا يطيروا حوالين البيت و بئينا بلليل دلوقتي و هما علي سطح بعيد عني شويه انا حاطتهم ف جنينه البيت

طبعا مستحيل يرجعوا و احنا بلليل دلوقتي

اسئلتي :
ممكن يرجعوا تاني؟؟ و هما بيطيروا حوالين و قريب من البيت

و الزغلول اخدته عندي علشان البرد و اكلته

المشكله جربت موضوع السرنجه و اقطع طرفها و احط قماش و كدا مش نافع ادخل راسه يطلعها
ممكن حل للموضوع و نصائحكم تهمني

[WORLD OF ANIMAL]

طيب انت عندك خطئين
الاول: المدة اللى ربيت فيها الحمام قليلة اقل حاجة 3 شهور وكان مفروض تشرطن ريشهم فى اول اسبوع
الثانى: انك اخذت الزغلول المفروض ان الحمام يرجع عشان ياكل زغلولة دلوقتى هيرجع مش هيلاقى حاجة فهيمشى خالص بق ومش هيرجع تانى

الحل : رجع الزغلول واتركلهم الباب مفتوح وان شاء الله اذا لك نصيب فيهم بيرجعون واول ما يرجون لا تروح تجرى وتقفل الباب عليهم وما تطلعهم تانى لالالالالا
خلاص كدة اتركهم عشان يطلعوا فى اليوم اللى بعده ويتعودوا بعد كدة
ولما يكونوا بره متحاولش انك تطير وراهم او تدخلهم او ترمى عليهم اشياء عشان ينزلوا

تحياتى

[رامي عمر]

المشكله موضوع القطط و انا حاطتهم ف محاكر ف الجنينه زي بتاعه الغيه ف مصر و كدا بس دول علي الارض

مينفعش افضل فاتح الباب و تقريبا الحمام مش بيطير بلليل و هما واقفين قريب من البيت

هسيبها علي الله و بكره بئا يجوا ان شاء الله

دلوقتي ف موضوع الزغلول مش راضي ياكل من السرنجه خالص مش عارف الناس بيعودوا الزغاليل ياكلوا منها ازاي ادخل منقاره في السرنجه طبعا عامل قماشه و عامل فيها فتحه علي اد منقاره
يطلع راسه و ميرضاش ياكل منها

[رائد ملكاوي]

بص يا رامي

شرطن اجنحة فرد من الجوز اللي فضلوا عندك

وحطه قدام او على ظهر المحكر وحطلهم اكل ومية ورجع بكرة الزغلول ابنهم

وما تقربش منهم خالص

وان شاء الله يرجعوا

بالنسبة لأكل الزغلول

افتح بقه بايدك الشمال وحط الأكل فيه بايدك اليمين

وبعدين حط ميه في فنجان ودخل طرف منقاره في الفنجان

وهو هيشرب لوحده

وربنا يوفق

[رامي عمر]

الاتنين طايرين مع بعض

[رامي عمر]

و بكره هرجع الزغلول و اسيب الباب مفتوح كمان شويه هروح اشوفهم موجودين علي نفس السطح او لا

[رائد ملكاوي]

انا قصدت فرد من الجوز اللي ما طاروش من عندك