اسئله عن طيور البادجي

[Kadoosha]

السلام عليكم

كيفكم وشو اخباركم

انا عندي طيور بادجي ذكر وانثى

وابي اسال واعرف اكثر عنهم

اسألتي
وش الفرق بين الذكر والانثى
ليش يصيرون عدائيين مع بعض. بعض الاحيان لان طيوري ماكانو عدائيين قبل بس هالفتره صارو عدائيين
متى يصيرون جاهزين للتزاوج وايش لازم اوفر لهم عشان هالشي مع العلم انا حاطه لهم صندوق في القفص بس ولامره دخلو فيه مدري ليش

وبس اسفه ع الاطاله واتمنى تردون علي

[الكادي هواها]

وعليكم السلام
الفرق لون الكير فالذكر يكون ازرق او بنفسجي
ويغمق عند الجهوزيه وفي بعض الطفرات يكون وردي
اما الااناث فيتدرج من الوردي مخلوط بالبيض الي
الابيض او العاجي وفي مرحله الجهوزيه يكون بني غامق
يبلغ البادجي في عمر 6 شهور والاكن يفضل تجهيزه للنتاج فوق
8شهور
بعد التاكد من كونهم ذكر و انثى وكونهم بالغين ضع البياضه المناسبه
نوع لهم بالاكل مثل خلطه البيض بالبقسماط والخبز المبلول والقمح المنقوع
الاخضروات الورقيه الفواكه بعد نزع البذره منها ورفعها بعد 4-5ساعات حتى لاتفسد
ويكون بوضع جدول كل نوع مرتين بالاسبوع مع توفير الحبوب الجافه طول الوقت
بنسبه الدخولهم العش يكون في فتره اكتشافه تجهيزا للنتاج
واخير اذا امكن صوره الطيور حتى نوجهك صح
ينقل السؤال وجواب
موفق

[Kadoosha]

تسلمين ع المعلومات بس من كلامك عن لون الكير شكيت ان اثنينهم ذكور !

http://instagr.am/p/V_bU6NlUna/

هذي صورتهم

وهذي صوره جديده لهم بس مو كثير واضحه يمكن

http://instagr.am/p/V_ey2tlUpj/

وهذي كمان صوره

http://instagr.am/p/V_geb7FUqU/

[ولـد المملكة]

واللهه حسب ماشوف و ع كلام الاخت الكادي هواها
اشوف انهمم كلهمم ذكور بآلغين بيع واحد واشتري ـآنثى وـآللهه يوفقكك

[Kadoosha]

ايوه للأسف نصب علي البياع :(

بس ماراح ابيع ولا واحد منهم بشتري انثتين معاهم

[Kadoosha]

كادي هواها
ولد المملكه
شكرا لكم

[بـادجـي جـديـد]

رايي وانا اخوك لا تبيع اي ذكر جيب انثتين وحطهم مع الذكور وكل ذكر يختار شريكة حياتة وقتها افصل كل جوز لاحاله وان شاء الله تشوف انتاجهم

[Kadoosha]

شكرا بادجي جديد هذا الي افكر فيه

[ولـد المملكة]

لاشكر ع وآجب
وآنت برـآحتكك آذآ تبي تشتري
آنثتين آو تبيع ذكر وتشتري آنثى
بآلتوفيق

[الجوهرة هنادي]

الذكر يكون لون الكير بنفسجي أو أزرق ( على حسب النوع )

الأنثى يكون أبيض مشوب بالزرقة و يصبح أبيض أو عاجي أو بني وقت الجهوزية

البادجي تبلغ من عمر 8 شهور و فيهـ إلي ينتج في 6 شهور مع أن هذا غير جيد

طيوركـ الإثنين ذكور ، إلي يعجبكـ سويهـ

موفق

[Kadoosha]

شكرا لكم جميعا

[الكادي هواها]

ماشاء الله
طيورك كلهم ذكور مثل ماذكر الاخوان
بس انا اشوف بما انهم من كانو صغار عندك
الافضل ماتبيع واحد منهم بس تشترى انثاتين
ويكونو اصغر منهم بالحجم فقط اما بالعمر فيكون قريبين
من بعض يعني بالغات وعلى وشك جهوزيه وتقدر تعرف
عن طريق خطوط الجبهه تكون رجعت للخلف والون الكير
ابيض عاجي او ابيض به قليل من الزرقه او ابيض صافي
واذا جاهزه يكون بني الي بني غامق
بتوفق باحلى انتاج ان شاء الله

[Kadoosha]

الكادي.. الف شكر لك على هالمعلومات جد استفدت منها

انا شريت ٣ اناث بادجي وجبت قفص كبير بس مفصول كانه قفصين مع بعض .. عادي احط انثتين مع ذكر واحد؟؟

على فكره الاناث صغار فراخ تقريبا :( بس وحده منهم في عمر الذكور تقريبا

واسفه ع كثر الاسئله :$

[الهاشم]

بس ليش اخذت 3 اناث كذا اعتقد لازم تتخلى عن وحدة

كان انتظرت ليوم الخميس ورحت سوق الخميس بالقطيف بتحصل اشكال واالوان واسعارهم حلوة
واعمار مختلفة

[Kadoosha]

بخلي وحده منهم لحالها

http://instagr.am/p/WJslMqlUnG/

[الجوهرة هنادي]

وضع ذكر مع أنثتين طريقة متعبة للمربي و الذكر

لأنهـ يجب وضع الذكر مع الأنثى الأخرى كل 3 سآعآت

كما أنهـ من المحتمل حدوث شجآر و منآوشآت

لذلكـ يجب الفصل و شرآء ذكر لكل أنثى

أو وضع بيآضآت بنفس الشكل و الحجمـ و تكون على نفس المستوى

و تكون أكثر من عدد الإنآث

موفق

[مجنون بجادي]

كلهم ذكور

[الكادي هواها]

الكادي.. الف شكر لك على هالمعلومات جد استفدت منها

انا شريت 3 اناث بادجي وجبت قفص كبير بس مفصول كانه قفصين مع بعض .. عادي احط انثتين مع ذكر واحد؟؟

على فكره الاناث صغار فراخ تقريبا :( بس وحده منهم في عمر الذكور تقريبا

واسفه ع كثر الاسئله :$

العفو
بس الافضل لو كانو الاناث بالغات بعمر الذكور حتى يتم الانتاج
في وقت قصير
بنسبه للقفص مناسب اذا حاب تنتج من الجوز ضع الانثى البالغه
مع احد الذكور مع وضع بياضه مناسبه لهم في قفص وبقيه الطيور في قفص
ثاني مع عدم وضع بياضه معهم كذلك متابعتهم جيدا حتى مايحصل مشاجرات
او محاوله تلقيح الذكر احد الاناث الصغيره
موفق