مساعده ضروري

[تووووووته]

انا راح اشتري فرخان من الكروان بس مو عارفه كيف ادربهم وايش ااكلم  ابي ادربهم وابي اخليهم يتكلموون ياليت تقولون لي كيف ادربهم ووش ااكلهم لانهم صغار يكلوون بالغر وابي*

[كل الدلع]

ماشاء الله
اختي الافضل تاخدي واحد للتدريب عشان يشوفك انتي صاحبته
وماله احد غيرك يلعب معاك

طيب اذا هما غر هل انتي تعرفي للغر ولا ماقد جربتي ؟!

اذا ما تعرفي عندك اليوتيوب كله فيديوهات عن غر الكروان

اذا تعرفي اوك ممتاز .. كم عمر الفروخ ؟؟
عشان التدريب .. لان اذا صغار بعمر الاسبوع او أتنين ما ينفع خليهم شويه يولفوا عليكي
غالبا اكل الفروخ بطاطس مسلوقة ومهروسه
او بيض مسلوق ومهروس ومخفف بشوية ماء
او بسكوت مطحون مع ماء
او ممكن خضار لو هو شويه كبير ويقبل يآكل من يدك تقريبا بعمر الثلاث أسابيع
ممكن رز مصري مسلوق ومهروس

اول تدريب انه يؤلف عليكي ويأكل من يدك
بعد كدا كل ماتقربي الابره وبتاكليه ناديه بإسم معين

ويسير كل مايشوف الاكل في الابره يجيك
وبعد كدا يسير كل ما يسمع اسمه يجيك

تقدري بعدها تعلمي كيف يوقف على اصباعك بإنك توقفيه على يد
وتجيبي اصباعك من اليد الثانيه عن رجله وحاولي ترفعي الرجل وتحطيها ع الاصباع
وتجي باليد الثانيه والعكس وكدا الى ان يتقنها

اهم شي بالتدريب التشجيع والمكافأة
وحطي ببالك ان ممكن الطير ما يتعلم بسرعه ولو انفعلتي وعصبتي او خاصمتيه ممكن تخسري كل التعب اللي تعبتيه
ويتوحش الطير

الخصام والمعاقبة آخر اسلوب يستخدم في التدريب

اتمنى ان اكون افتدتك لو بشي بسيط

موفقه^^

[تووووووته]

والله الطيور صغيره يعني لسا ما طلع الريش في جميع اجزاء الجسم وانا تقريبا اول امر اغر طير كروان كان عندي بلبول اغره بس مات الظاهر اني كثرة عليه الاكل

[The male nurse]

عن واقع تجربة
مات علي اثنين من فروخ الكروان
(مع اني مش اول مرة اغر طيور)
الكروان طائر حساس جداً
ويحتاج الى جو خاص به (يكون دافيء)
ويحتاج احد يكون معاه طول الوقت يلعب معاة ويدفيه (يحتاج تفرغ تام)
الاكل يكون ثلاث مرات باليوم فقط!!! لا اكثر ولا اقل
الافضل انه ينغر بخضار طبيعية مهروسة ومضاف لها الماء (وتكون دافئه)
السيريلاك يفضل ان يكون (مخصص للطيور)
طريقة الغر نوعين:
١-عن طريق الابرة (تكون موصل معها انبوب يدخل بفم الطائر)
٢-عن طريق ملعقة مقوسة (منحنية من الجانبين)

اذا كنتي مصممه انك تاخذي فرخ حاولي انك تتبعي نصائحي ونصائح اختي (كل الدلع)
--
اتمنى لك التوفيق

[تووووووته]

مشكورين انتظر باقي الاعضاء

[al_ameer707]

تووووته انا مع كل الدلع خذي لك فرخ واااحد وخليه معاك على طول في الشهرين الاولين وبعدين راح تنبسطي كثير هذه طريقتي بالنسبة للبلابل وتنفع مع كل الطيــــور ام اكثر من فرخ فانا ما انصح فيها ابداااااا والله يوفقك يارب