ممكن نصيحتكم للفرخ يلوناب

[Faisal 82]

عندي فرخ يلوناب عمره شهر واسبوعين متا اوقف عس وافطمه في اي عمر وشاكر لكم

[كابتن بحر]

اتوقع ٤ شهور عندي فرخ عمره اربع شهور وللحين اعسه

[أبو محجوب]

هلا ومرحبا اخوي انا عندي زيك فرخ من مواليد 7\10\2012 يعني الحين تقريبا عمره حول 4 شهور
وللحين يقبل الغر بس مو زي اول حتا يوصل عمره 5 شهور وتشوفه معتمد على نفسه خلاص افطمه
وابدأ انت حطله بليله او ذره بالمعلف او خضار مشكل فاصولياء وجزر وبازيلاء ومن بعدا الحب الشمسي
لكن الغر بالعمر هاد لازم الغر لان الطير يبغاله اقل شي شهرين حتا يبدأ يعتمد على نفسه
بالتوفيق اخوي

[Faisal 82]

مشكورين بس فيه واحد بيطري يقول تقدر اتخليه يعتمد علي نفسه بعمر شهرين واعرف واحد نفس الطريقه عقب شهرين وثلاث اسابيع فطمه

[فيوزي]

يمديك بس لام تغره لان الطير صغير يعني حط له اكل خليه يفصفص وغره شوي واعطيه ربع ذره مسلوقه جيد
تحياتي
ابو سدران

[بلاك بيري]

استمر بالغر مع وضع الحبوب بالمعلف الى ان تجد الطير يعتمد على نفسه وياكل من نفسه اكثر ما ياخذ من الغر

موفق

[كابتن بحر]

بس ليش تبي تقلل فتره العس بالنسبه لي احلى فتره فتره العس

[بلاك بيري]

العس من الفترات الجميله جدا بحياه المربي والهاوي وكثير من الأخوة يطلبوا مني طيور شرطهم الوحيد ان يفبل الغر او العس

وبصراحه انا اشوف انه العس هو مفتاح الهدد ومفتاح الألفه المطلقه ومفتاح تعلم الكلام اذكر طير كان يتكلم وانا اغره ههههههههههه

الغر مفتاح اعطاء الفيتامينات وبناء الجسم الصحيح وبناء المناعه

[Faisal 82]

يعطيكم العافيه علي التفاعل
بس سالفة اني اعس طير مشكله اخاف عليه لاني مو كل وقت اكون فاضي له والمشكله الاكبر اني عسكري يعني اغلب وقتي بالدوام وما اكون فاضي الا فترة الصباح اكثر الناس اتقول لي احسن انك اتخليه يعتمد علي نفسه بس اتراقب اكله وشاكر لكم

[عاشق دبل هد]

من الافضل والأمن غر الطير الي ان يصل للعمر ال4 اشهر في حالة كان الشخص لايحب الغر وحاول تخلي احد يغره معاك قي حالة عدم وجودك بس يكون عنده دراية بالغر

[monybat]

انا طيري ٦ شهور واغره الي جانب الاكل بس اغره مره او مرتان في الاسبوع
الغر ليس فقط للتغذيه لاحظ انك تعود الطير على انه يفتحه فمه وتفيدنا لو حبينا نعطيه دوا لا قدر الله اذا مرض

[بلاك بيري]

لا تستعجل عليه ليه تشوفه هو يروح للمعلف وياكل ويكتشف الحب عندها ابدأ بتقليل الغر بشكل تدريجي تهيئا لمرحله الفطام