البلابل ، أسئلة لخبراء البلابل وأرجو الإفادة

[نانا♥]

السلام عليكم

لو سمحتو أنا اشتريت بلبلين اثنين يعني :D
وماادري ايش نوعهم ، كيف ممكن أعرف نوعهم ؟

غير عن كذا مابيغردو ؟ صرت أشغل مقاطع بلابل يغردو وأعلي الصوت وصارو يادوب يغردو شوي وخلاص
كيف أخليهم يغردو من نفسهم ؟

كيف أخليهم يتعودو علي ؟ مررره يخافو لما أقرب للقفص يهيجو ويطيرو خايفين
وكيف أقدر أخليهم يطلعو من القفص ويرجعو له ؟ فيه أمكانيه يتحقق هالشي :D ماابغى اجلس الاحق وراهم وبنفس الوقت ماابغا اخليهم محبوسين طول الوقت


اخر حاجه كم مره أحط لهم حمام المويه ليتحممو ؟ وأيش أأكلهم وأحسن أكل لهم ؟


وكم اقصى عمر ممكن يعيشه البلبل؟

اتمنى أحد يفيدني

[كناري وبلابل]

السلام عليكم

وعليكم السلام

كيف ممكن أعرف نوعهم ؟
نزلي لنا صورهم ونعلمك نوعهم


كيف أخليهم يغردو من نفسهم ؟
البلبل بيغرد بدون تعب وجهد من المربي . ولكن عطيهم وقت يرتاحون في المكان ويتعودون عليه وبيغردون .. مع إن العادة إنه يرغد في أي مكان

كيف أخليهم يتعودو علي ؟
مع الوقت راح يتعود عليك .. ولكن مو لدرجة البلبل الأليف "الربوة" لأن هذا لازم يربيه الإنسان من يوم كان فرخ

وكيف أقدر أخليهم يطلعو من القفص ويرجعو له ؟
مكان مناسب وقفص مفتوح فيه ماء وطعام كفيل بأنه يروح ويرجع له وقت ما يبي .. أهم شي المكان لا يكون واسع ومفتوح على عدة اماكن وفيه أغراض كثيرة يتوه بينها البلبل .. كالصالة مثلا يصعب على البلبل العودة للقفص بسهولة .. لكن غرفة أو سيب مغلق في آخره وهم في آخر السيب عادي ما راح يبتعد كثير عن القفص.


اخر حاجه كم مره أحط لهم حمام المويه ليتحممو ؟ وأيش أأكلهم وأحسن أكل لهم ؟
بالنسبة لماء السباحة يوميا أو كل يومين مرة في الصيف ومرة اسبوعيا في الشتاء .. أفضل طعام للبلبل التمر + الحبوب المخصصة المتوفرة في السوق + الفواكه السكريةكالتين والتفاح+ الخس والجرجير " احذروا البقدونس فإنه قد يقتل البلبل"


وكم اقصى عمر ممكن يعيشه البلبل؟
البلبل ممكن يعيش من 7 إلى 15 سنة


أتمنى إني أفدتك

[نانا♥]

مرره شكراا لك كناري وبلابل ، أفدتني كثير
وبالنسبة للصور حاولت أصورهم بس مااقدر يتحركو والصوره تشوش :d بحاول اصورهم وباذن الله تزبط معاي
شكرا لك مره ثانيه