تسجيل الدخول

مشاهدة النسخة كاملة : ساعدوني ماتت فروخي ):


هاوي.الدرة
08-03-2013, 10:54 AM
السلام عليكم

ندخل بالموضوع :
انا كان عندي فرخين كروان واوكلهم 3 او 4 مرات باليوم على حسب رغبتهم
وبعد اسبوعين مات الصغير ، وبعدها باسبوع مات اخوه الكبير (كلهم فروخ غر)

وبعدين شريتلي فرخ لاتينو عمره تقريبا شهر بس ما ياكل حبوب فكنت اغره ما يرضى
واحطله حبوب ما ياكل ، فاخذته لبيطري قالي ترى رجله بااردة لازم تدفيه وتعتني فيه

فحطيته في غرفة فيها دفاية بس حطيته بعيد عنها( هذا الكلام بالليل)
وكان يرجف ولا يوقف على رجله مسدوح ،اليوم الثاني بالصباح اكلته بس وانا اغره واعطيه حبوب في يدي فجأة بدا يرخي راسه ويحاول يسكر عيونه فمات وهو على يدي:(

(((((ممكن تقولولي كيف اربي فروخ وللعلم انا اعطيهم سرلاك بالقمح الاصلي اللي عليه دب)))))

ولد لممـلكة
08-03-2013, 01:17 PM
السلام عليكم ورحمة الله وبركاته
الله يعوضك يارب =((
سبب موت الفررخين الاولى هو السيريلاك
السيريلاك قآتل وكم مرة قلت وكررت بس محد يسمع

وومكن مايموت الفرخ لو كان المربي يعطيه سيريلاك مو بشكل قوي او معتمد ممكن بهالناحية يعيش
لاكن بكون ضعيف جدا

ومانصح اي حد يغر فروخه سيريلاك
فقط مع خلطات كامله مثلـآ
السيريلاك يضاف في الخلطات فقط

انا استخدم خلطة ومكونه من

1- بيضه مسلوقه
2- بقسماط [ خبز يآبس مطحون ]
3- حليب قليل الدسم
4- عسل [ ملعقه وآحده ]
5- سيريلاك [ ملعقتين صغيرة ]
6- كرون فليكس [ ملعقتين ]
7- بسكوت مآري او اي بسكوت بس يكون ساده زي حق الشاي وفقط تضع منه قطعتين بسكوت
8- بودرة البروتين خاصه بطيور [ ملعقه صغيرة ]


تخلط كل هذول الاشياء في الخلاط وتخلطها وماتخليها مرة سائلة ومو مرة لجزة وصعبت البلع
خليها متوازنه وتغرها فرخك ^ ^ وصحتين وهنـآ

استخدم هالخلطة وبطل سيريلاك نهائيا لانو مايعطي الفرخ كامل القوة والبروتينات الي تساعده ابدا =))

وبعد مايصير عمره شهر ونص وصار ماياكل من الابرة تقدر تحط له خلطة البيضه بالبقسماط
اسلق ببيضه وقشرها وطحنها بالشوكه او ابشرها بالبشارة وضيف شوي بقسماط وخلطها
بعدين ابشر شوي خس وخلطها مع البيض وقدمه للفرخ مع شوي حبوب البادجي ^ ^ بالتوفيق حبيبي

ولد لممـلكة
08-03-2013, 01:23 PM
طبعــآ ممكن تقول بتعب لو كل يوم بسوي هالخلطة عشان اوكله

طبعا اخوي مو تسوي شوي سوي كمية تكفي 4 ايام وحطها بصحن وبعدين حطها في الثلاجة =)
وكل ماجيت تستخدمه تطلع الخلطة وتحط الصحن في موية دافية لما تدفى
وبعدين تعطيها الفرخ وعلى كيذا لما تخلص

hlwlw
09-03-2013, 02:32 PM
نقص الخبرة قتلت الطيور وانا اعطي الفروخ سيريلاك وصحتها تمام وقوية ومافي اي مشاكل

يا انك ماتعرف تغر فيسد الاكل التنفس ويموت الطير او النشارة فيها شي خصوصا اللي على روائح تقتل

وانصحك ما تاخذ فروخ مافيها ريش في فصل الشتاء لانها ماتتحمل البرد وتموت

عاض ثوبه
09-03-2013, 06:12 PM
انا تحليلي يقول البرد موتها ،
معوض خير ياغالي ، الافضل اذا الواحد ماعنده خبره
يترك الفروخ عند امهم لين ياكلو حبوب ويشيلهم
كون الكروان عادي تربيته وسهل حتئ
لو كبير لانه غالباً اليف مع الانسان

ولد لممـلكة
09-03-2013, 06:30 PM
نقص الخبرة قتلت الطيور وانا اعطي الفروخ سيريلاك وصحتها تمام وقوية ومافي اي مشاكل

يا انك ماتعرف تغر فيسد الاكل التنفس ويموت الطير او النشارة فيها شي خصوصا اللي على روائح تقتل

وانصحك ما تاخذ فروخ مافيها ريش في فصل الشتاء لانها ماتتحمل البرد وتموت

آخـــتي
انا واجهة معارضه كبيرة واكثير قالولي السيريلاك مو قاتل ووووو :D
وغالبهم الان صحح معلومته من المنتديات الاجنبية ورجع بعد فترة وصار يحذر من السيريلاك
اختي لو السيريلاك البشري مو قـآتل ليش الاجانب الي يخافون على طيورهم اكتر من نفسهم
ويعتبرون حيوانهم او طيرهم جزء من العائية مايستخدمووه لو مفيد ؟!!

وبرضوو لو السيريلاك البشري مو مضر ليش طلعوو له بدائل خاصه بطيور ؟! :confused::)
اختي لو فروخك عاشت وتلعب وصحتها ممتازة اجاوبك وقول انو مو كل الطيور زي بعض
يعني ممكن الجوز الي كان يغر الفرخ كان يغره اكل مفيد مثل البيض بالبقسماط فكتسب قوة كافية

اما الي تموت فروخهم بسرعه يكون الجوز او الابوين كانو يغرونه حبوب فقط
فيكون جسمه مو زي جسم الطير الي كان يغرونه الجوز بيض بالبقسماط فهمتي علي ^ ^

فلما انتي تاخذي الفرخ يكون بالاساس صحته ممتازة وتجي انتي وتعطينه سيريلاك
ممكن يسد جوعه لاكن مايعطيه الغذاء المفيد والجيد له وبرضو مايموت ليش ؟! لانو صحته كانت لـآبآسف فيها :)

ولــي مخليني اتمسك بكلامي هو اني قريت هالمعلومة من منتدى اجنبي
وبرضوو تجربتي وبرضوو تجربة الناس

فغالب الناس تشتكي انها شرت فوق 5 فروخ ونصدمو انو الي عاش معاهم واحد وماتو الاربعه !!
ولما نسالهم يصيرو يغرون فروخهم فقط سيريلاك غالب هادا جوابهم
ولي عاش عاش لانو ربي كتب له يعيش ثم لان صحته كانت افضل من الباقي

وبالختــآم آقولك السيريلاك فقط يحتوي على القمح وسكريــات
شلون الفرخ يغطي احتياجاته من البروتين وباقي الغذاء الي يحتاجه ؟!
هــــــل بتكون صحت الفرخ ممتازة لو هو فقط يعتمد على قمح وسكريات :(
للعم ان طيور الكروآـآن لا تملك جهـآز في معدتها يهضم السكريات معناته السكريات تتكدس
في امعاء الطير لحد ماتسدها ويموت :o آتمنـــى وصلت معلومة بآي شكل من الاشكـــآل

آبوعبدالمجيد
13-03-2013, 02:18 PM
يــآ سسسلآم عليك ياولد المملكة وش بآقي آقول ..!! :D

قـلــت كل شي إنت...:)

يآ أخوآن آبعدوو عن السسكريات ...

ويآصآحب الموضوع ابعد عن ابو دب ...( السيريلاك ) ..

ترآة مضر جداً...

الطيور ماعندها انزيم لـهضم السسكريات ..فـ تموت ..

وغير الاسهال ..ونقص المناعه...وماراح ترجو من السيريلاك غير جسسم هزيل لطيرك لو عاش ...

فـ نصيحتي ابعدو عنها قدر المسستطاع..

حاول تخلي خلطاتك محصورة بين البر والحمص و بيض المسلوق بالبقسماط ..وغيرها اشياء تفيد طيرك ..

ويآ أخ ولد المملكة البسكويت والكورن فليكس بها سكريات بعد ...

لو تتركها يكون افضل ...:)

بالتوفيق للجميع

ولد لممـلكة
13-03-2013, 11:29 PM
بيـــض الله وجهــك ^.^

اخوي ابو عبد المجيد بخصوص الكورن فليكس والبسكوت
انــآ آحط كوررن فليكس آبــو الديك ههههه ان شاء الله عرفته
هادا اتوقع خالي تماما من الاملاح والسكريات
وبرضو البسكوت استعمل بسكوت الشاي او الي يستخدم في الحلى ايضا
وهو برضو ساده مافيه سكريات او املاح

برضو خطر لو خطر علمني عشان اوقفها وجزآك الله الف خير =))

خليل محمد
13-03-2013, 11:50 PM
طبعا ولد المملكة ما خلالها شي :12:بس الي ودي أقواس يمكن السيريلاك ثقيل على معدة الكروان عشان كذا يموت الفرخ ترى معدة يمكن واحد سنأتي في سانتي

آبوعبدالمجيد
15-03-2013, 02:56 PM
بيـــض الله وجهــك ^.^

اخوي ابو عبد المجيد بخصوص الكورن فليكس والبسكوت
انــآ آحط كوررن فليكس آبــو الديك ههههه ان شاء الله عرفته
هادا اتوقع خالي تماما من الاملاح والسكريات
وبرضو البسكوت استعمل بسكوت الشاي او الي يستخدم في الحلى ايضا
وهو برضو ساده مافيه سكريات او املاح

برضو خطر لو خطر علمني عشان اوقفها وجزآك الله الف خير =))




أقرا مكونات الكورن فليكس الي تستخدمه ..

آنآ.. آسستخدم أبوصحن الي فيه فروله إن شآءالله تكون عرفته :D>موللطيور

بالنسبة للبسكوت برضو اقرأ المكونات ..

إنتبه من السسكريات ..:)

بالتوفيق حبيبي ..~