بخصوص البارفو

[FaisalQ]

السلام عليكم

اخواني شريت جرو من اسبوع تقريباً و تفاجأت ببدايات اعراض البارفو
من ارهاق و خمول و فقدان الشهيه
اخدته لدكتور عطاه ابره فاتح شهيه يقول لي ان حرارته سليمه مافيه الا العافيه

تفاجأت بعدها بـ 4 ساعات تقريباً ان الجرو ما اكل ولا شرب نهائياً و كان حوله اسهال مع ريحه
شكيت انه بارفو رحت لدكتور ثاني و قال لي ان الي معاه بارفو
و اعطاه ابرتين مضاد حيوي و ابره فيتامينات
و قال لي حاول تعطيه ابرتين زبادي بالفم كل ساعتين ( زي ابره الأطفال الي يعطون فيها الأدويه عن طريق الفم ) .. هالكلام صار امس

و اليوم الصباح اعطاه ابره مضاد حيوي و ابره فيتامينات
و اعطاني بودره احلها مع المويه و اعطيه عن طريق الفم برضو نفس طريقه الزبادي
و الحين هو جايني و يقول برضو راح يعطيه مضاد
و يقول لي خلال الثلاث ايام الجايه يومياً راح نعطيه ابرد مضاد و فيتامينات

طبعاً الكلب ما أسهل نهائيًا الا اول مره بس .. ولا استفرغ برضو
مجرد تبوّل بس

الي دلني على هالدكتور يقول لي انه كان عنده 5 حالات بارفو
4 منهم طلعوا منها بسلامه و واحد بس مات
و على كلام الدكتور انه يعالج حالات بارفو كثير و جداً واثق من نفسه

هل طريقته صحيحه و هل اعتمد عليه من بعد الله ؟

مالي غنا عن ارائكم و متشكر مقدمًا

[jassim99]

هلا بك يالغالي

والله ياخوي البارفو من الفايروسات الخطره

و اذا على كلام صاحبك عالج 4 من 5 حالات فهو دكتور ممتاز

في الامور الطبيه ماحب اتدخل بتصرفات الدكتور.... احب اعطيع الخيط والمخيط

عندنا مثل يقول عط الخباز خبزه

بالتوفيق

[الهولي]

وعليكم السلام
ان شاءالله خيره لك
وان شاءالله يتعافا الجرو المسكين
بس في نقطة مهم جداً جداً
مع المضاد الحيوي هو محتاج الى كلكوز عن طريق الوريد
ضروري انه يحط عليه مغذي ويتنوم في العيادة
وفي اليوم الواحد هو محتاج الى ثلاثه مغذيات الى اربعه على الاقل
وتقطع عنه الاكل نهائي اقل شي خمس ايام
ويعيش فقط على المغذي حتى يموت الفايرس بشكل نهائي من المعدى
والامعاء

[FaisalQ]

كويس حبيت اتطمن ان الي قاعد يسويه بس شي منطقي :(
الله يعطيكم العافيه جاسم و ابو علي
و بالنسبه للمغذي راح احرص اقول له اذا جاني اليوم


و ان شاء الله اوافيكم بالمستجدات اول بأول

[FaisalQ]

جاني الدكتور و قلت له على المغذي قال مايحتاجه طول ماانه مو قاعد يستفرغ و وقف اسهال
عطاه ابره ملتي فيتامين .. و ابرد مضاد
و قال لي جيب له قطعه مرتديلا و عطاه و اكلها بشراهه ..
قال الحمد لله نقدر نقول رسمي انه تعافى الحمد لله من البارفو ..
لكن احتياطاً بكره اعطيه اخر ابره مضاد و فيتامينات
قال لي الليله حط له شوي زبادي و دراي فود و مرتديلا ( كميه بسيطه ) و خليه ياكل عشان يستصح

هذا الي صار معاي .. و ياليت اسمع تعليقاتكم
خصوصاً الهولي و جاسم و بقيه الأعضاء الي اثق برايهم
و شاكر للي تفاعلوا معاي

[jassim99]

الحمدلله على سلامته

مثل ماقلتلك عط الخباز خبزه

ولا تستغنى عن ابو علي.... خبرة عمر

بما انه اكل الامور طيبه

بس عندي لك نصيحه اذا تقدر تستعجل فيها :-

1_طعم الكلب ضد البارفو

2_ انقل الكلب مكان اخر غير المكان الي مرض فيه

3_نظف مكان المرض بديتول او ماشابه و اتركه اسبوع (يفضل ان الشمس تظرب المكان)

4_ بعد اسبوع ارجع الكلب مكانه القديم و خلك حذر من هالفايروس طول العمر (مو كل مرة تسلم الجره)

بالتوفيق

[FaisalQ]

الله يسلمك D:

اكيد الخير و البركه في ابو علي و فيك اخوي جاسم
التطعيمات قال الدكتور بعد يومين او 3 راح يكون مناسب التطعيم له

بالنسبه لي انا بشقه حالياً و تقدر تقول ان الفايرس صار بالشقه كامله
لكن حالياً اول ماقريت كلامك مسحت ارضيه وحده من الغرف بديتول
و طَرفت شوي الشباك عشان يتجدد الهوا
و قفلت عليه الباب فيها

و من بكره بترك الشبابيك مفتوحه عشان تدخل الشمس ..
لكن شبه مستحيل اعزل الكلب عن اماكن الي مرض فيها :(
عادي ؟ ولا مجرد حرص زايد ؟


و شاكر لك اهتمامك اخوي جاسم و منكم نستفيد

[jassim99]

والله يالغالي مجرد حرص زايد

احب العب عالمضمون كثر ما اقدر

و خير فعلت شغلك مضبوط

تحياتي

[الهولي]

تمام ان شاءالله كل خير
بس أخر وقت التطعيم شوي
ولا تشكل في الاكل كثير
البطاطة المسلوقه ممتازة الان لكلبك
وطمنا بعد كم يوم
مع اني ماني مطمن من ناحية انه مايحتاج الى مغذي على الوريد
بس الله ييسر ان الله

[FaisalQ]

ان شاء الله كل الخير اخوي جاسم .. بيض الله وجهك و ماقصرت

نصائحك يالهولي مانستغني عنها .. راح اشتري بطاطس و اسلقها له
و اكيد مالي غنا عنكم بعد الله d:
المشكله الدكتور لما تشد عليه بالكلام يقول لك انا الدكتور ولا انت هههههههه
وقتها اسكت و اقول له الكوره بملعبك ..
والتطعيم بأخره شوي ان شاء الله


لاهنتوا