فروخ ببغاء الدرة المطوقة

[H O P E]

السلام عليكم ورحمة الله وبركاته..

عندي استفسار عن فروخ ببغاء الدرة المطوقة :o
احتاج معرفة العمر المناسب للفرخ حتى يُفصل عن أمه ويغره صاحبه؟؟
وكم يوم بين كل بيضه والثانية حتى تفقس..؟؟

[مجنون فلته]

على حسب الأم متى توضع البيض مدة حضانة البيض 21 يوم انا ماقول لك متى تفصله لأنه يبي له اهتمام كبير بس الأفضل اذا قرب يكتمل الريش على حسب اهتمامك انا كنت اشيلهم قبل مايطلع الريش يعني يكون جسمهم مجرد اعواد

[H O P E]

ما فهمت كلامك "انا كنت اشيلهم قبل مايطلع الريش يعني يكون جسمهم مجرد اعواد"
يعني كم يوم عمرهم تقريبا؟؟
الاهتمام والتغذيه راح تكون متوفره ان شاء الله
دورت على مراحل نمو الفرخ بالصور حتى اعرف عمرهم بالايام لانهم فروخ ببغاء بري

[monybat]

اخي الفاضل انت ممكن تفصل الفرخ من اول يوم ولكن
كل ما كان صغر كل ما كان هناك صعوبه واجهاد في اطعامه
افضل عند اكتمال الريش يمكن فصله او في الشهر الثاني يكون شد عوده

بالنسبه للبيض على حسب معلوماتي ان من ٢٥ الي ٣٠ يوم يبدأ فقس البيض الواحده تلو الاخرى وذلك يرجع حسب اكتمال الطير داخل البيضه
و الله اعلم

[مجنون فلته]

عزيزي الطير تقدر تشله اول مايبتدي يطلع الريش على الجناح يعني في عمر ال16 الى 25 يوم

نظام احتظان البيض كل بيضه تحتضن لمدة 21 يوم الطير ببدايته كل يوم يبيض بيضه واحده

وكل وحده مثل ماقلت لك 21 يوم وتفقس

[الهاشم]

اخوي اذا بدا الريش يطلع شيله
يعني اذا بدا يبين اللون الاخضر ع الجناح

[H O P E]

اليوم قطعوا الشجرة واخذنا الفروخ :(
صورتهم واريد أعرف أعمارهم بالتقريب..

http://www.2zoo.org/uploads/13635390281.jpg (http://www.2zoo.org/)

http://www.2zoo.org/uploads/13635390282.jpg (http://www.2zoo.org/)

وأي نصيحة ممكن تقدموها لي

[ABU 3ZOZ]

يوو حرام و الله توهم صغار ما طلع ريشهم

تقريبا اسبوع

[H O P E]

يوو حرام و الله توهم صغار ما طلع ريشهم

تقريبا اسبوع

الحمدلله انهم ياكلوا وان شاء الله يكبروا بسرعه


أريد اعرف متى يبدأ ريشهم يطلع..
يكفي اعطيهم 5 وجبات باليوم؟؟
في الوجبه اعطي كل واحد 3 مل. يكفي والا كم مل اعطيهم؟

[ABU 3ZOZ]

الحمدلله انهم ياكلوا وان شاء الله يكبروا بسرعه


أريد اعرف متى يبدأ ريشهم يطلع..
يكفي اعطيهم 5 وجبات باليوم؟؟
في الوجبه اعطي كل واحد 3 مل. يكفي والا كم مل اعطيهم؟

والله انا ما عندي خبرة بالفروخ انتظر رد الخبراء

[بوناصر91]

اخوي انا توني من كم يوم اشتريت نفس الى عندكـ
هذيلا تقريبا عمرهم اسبوع او اقل

بعد مايكملو 10 ايام راح يبين اللون الاخضر عليهـم
وبخصوص الاكل
انا اوفر لهم الاكل ثلاث مرات فاليوم
و انته بتشوف تحت رقبتهم (الحويصله ) يعني لاتنفخها وايد ولا تقلل
خليك على الوسط

و اهم شى انه تنظفهم بعد الاكل المنقار و الجلد
و تحطهم في مكان دافي+ لو تحط نشاره الخشب تحتهم يكون افضل.

بعد بحثي فالانترنت حصلت هذا الموضوع القديم في منتدانا هذا استفدت منه لتقيم العمر للفرخين الى عندي

http://www.2zoo.com/vb/showthread.php?t=33978

يتربون في عزكـ

[مجنون فلته]

تقريبا بعد 14 يوم راح يبتدي يطلع ريشهم بس اهم شي لاتزود لهم بالأكل

وان تهتم بالتدفئه والله يبارك لك فيهم

[monybat]

الاخوان افادوك ما شاء الله

[H O P E]

تسلموا جميعا وربي يبارك فيكم..

هذا صورة العلبة اللي حاطتهم فيها.. فوطه وكمية بسيطة نشارة خشب وفتحه بالعلبه حتى تصير شبه مظلمه..

http://www.2zoo.org/uploads/13636758612.jpg (http://www.2zoo.org/)

http://www.2zoo.org/uploads/13636758613.jpg (http://www.2zoo.org/)


والاكل جزر وتفاح مسلوق واخلطه مع سيريلاك او بسكوت قمح بدون نكهات مع قطعة خبز واغرهم بالسرنجه..
كل 3 او 4 ساعات على حسب اذا سمعت صوتهم.. :o
وان شاء الله ما اكون قصرت في شي..

[saeed bahattab]

اش فايدة الفوطه اشوف ناس تحط لعبه ؟؟

[H O P E]

اش فايدة الفوطه اشوف ناس تحط لعبه ؟؟

حطيتها لان العلبه كبيره عليهم وحتى يدفي مكانهم أكثر..
عشهم في الشجره كان حفره طويله مظلمه وحاولت تكون العلبه قريبه من العش الحقيقي :o