اسئلة عن المحجل في قدم الببغاء النيبالية

[سانتياغو]

السلام عليكم

منذ ايام قليلة فقط قمت بشراء ببغاوات نيبالية

ولاحظت وجود محجل في اقدامهم

هل هنالك طريقة سهلة لفكها ؟؟

او استخدم قطعة حادة لقطعها او كسرها ؟؟

لان عندما يقفون .. يكون هذا المحجل في اسفل قدمهم .. يقفون على اصابعهم الامامية ومن الخلف ليس على الكعب بل على المحجل لان رجلهم ضعيفة والمحجل كبير

واعتقد ان هذا يسبب لهم ضرر ويضايقهم

وهل عندما يكبرون .. المحجل سيضايقهم ؟؟ لان اكيد رجلهم ستصبح اكبر

وهذي صورة لهم


https://fbcdn-sphotos-a-a.akamaihd.net/hphotos-ak-snc7/485984_10200335890152683_1230481289_n.jpg

[q8200]

ليش تشيله بالاساس
وبعدين الحجل هذا مهم لانه فيه تاريخ مواليدهم ورمز المزرعه او الشخص
وما اتوقع ينشال بهالعمر الا بكسر او قص
انصحك تخليه ومع الوقت بيكبرون ويوقفون عدل بأذن الله
والحجل لما يكبرون بيصير عادي بالنسبه لاهم لانها مقاسات مخصصه لهم لما يكبرون
وبالتوفيق يارب

[SRummani]

انصحك بعدم ازاله الحجول لانها مهمه جدا ويختلف الطير المحجل عن الطير الغير محجل من ناحية البيع
والحجل بيكون عليه معلومات عن الطير

واذا كبرو شوي راح يوقفون عدل ولاراح ياثر عليهم الحجل ابدا

[سانتياغو]

شكرا لكم اخواني على الردود

وانا في الحقيقة حاولت ازالتهم .. كنت اظنهم من البلاستيك

ولكن اعتقد انهم مصنوعين من النحاس او شيء اخر .. ففشلت في ازالتهم

ولكن الآن خلاص قررت عدم إزالتهم

وشكرا لكم :)

[مجنون فلته]

شباب حاب اوضح لكم شغله

انا مره شريت كاسيكو صيد وعليه حجل راعي المحل مركب عليه حجل غير اصلي مجرد خاتم

وانا شفت العلبه الهندي الي بالمحل خاشها كلها حجول غير اصليه

يعني مو كل طير عليه حجل يصير تفريخ مزارع الا اذا الحجل يحمل رموز وارقام

موضروري تشيل الحجل عادي مايأثر على الطير الطير الحين فرخ من جذي مايوقف عدل