قطتي على وشك ولاده وعندها براغيث ايش الحل

[al_b5b5]

السلام عليكم

انا قطتي حامل وتقريبا ممكن تولد على يوم 12|4 يعني كمان يومين ثلاثه ايام

والمشكله انو ذكر التزاوج كان مصاب بالبراغيث ونقلها لها

وانا دحين قلقانه على البيبيهات تبعونها

واخاف ارشلها البودره المخصصه بالبراغيث او السبري ينضرو البيبيات بعد الولاده او من دحين وهما ببطنها

واخاف البرغوث ينتقل لهم عن طريق الام اول ما يتولدو قريت كم موضوع بس كل الردود متشابهه ان اعقم البيت وانضف السجاد

بس مافي موضوع قلي ايش الوسائل الطبيعيه الي ممكن استخدمها للام والبيبيات


وخصوصا انو البيبيز بتكون للبيع ووما ارضى اني ابيعهم بحاله سيئه

وهل اني احلق للقطه شعرها ممكن يفيدني من ناحية مكافحة البراغيث ولا لا

ارجوكم افيدوني

[al_b5b5]

وكمان شي ثاني انا عندي طير بالبيت

البرغوت ينتقل له ولا مايجيله شي

[فاتـــو]

اهلين اخي
بالنسبه للطير ماعندي فكره
ولقطتك بتشتري لها دواء رفليوشن revolution
من اي صيدليه بيطريه
وتحطه على رقبتها وتدهنه عليها
وتكرر نفس الشي كل شهرين او 3 شهور
وهو امن على الحوامل لاتقلق
ماله داعي تحلق شعرها هي بتطيب في الحال
لاتجيب علاج غير اللي عطيتك اياه
وبالنسبه لاطفالها لاتبيعهم الا لما يتموا ال3 شهور
لانهم بيكونوا متعلقين بأمهم
موفق

[al_b5b5]

حسابي كان خاطئ ولدت اليوم الدوى ام على الكتن ولا ممكن يضر بصحتهم

[فاتـــو]

لاتعطي الدوا للكتين الا لما يتمو شهر على الاقل
عط الدوا للأم بس الله يهداك المفروض العلاج من اول ماحملت
اهتم فيهم

[شاهستا]

استخدمى الريفوليشن لكل القطط الى عندك
والبراغيت هتموت ومش هتتنقل للكيتن

[al_b5b5]

الريفوليشن ايش هوا بالزبط

بخاخ ولا بودره ولا شامبو ولا ايه

[al_b5b5]

لاتعطي الدوا للكتين الا لما يتمو شهر على الاقل
عط الدوا للأم بس الله يهداك المفروض العلاج من اول ماحملت
اهتم فيهم

هيا ماكان عندها اي مشاكل بس الله يهديه الدكتور الي اعطاني ذكر التزاوج ماقلي انو الذكر عنده براغيت

وما انتبت انو الذكر مصاب بالبراغيت الا يوم ماجيت ارجعه العياده ولمن قلت للدكتور الذكر عنده براغيت قلي لا انتي بس بيتهيالك

بعدها حميتها مرتين وماكان باين معايا اذا جاها براغيت ولا لا الين قبل كم يوم بدات الاحظ عليها اشياء بتمشي وبعض فضلات البراغيت

[شاهستا]

امبول كده هتفتحيه وتنقطى منه على رقبه القطه والعامود الفقرى

وماشاء الله مفعوله سحرى

[al_b5b5]

شكرا لكل الي حاول يفيدني بشي

الريفوليشن مالقيت منه في كل الصيدليات البيطريه للاسف كل الصيدليات اعطوني بخاخ وشامبو فقط للام وقالولي في حال استعملت البخاخ لازم ابعد الكتن عنها حوالي نص ساعه وما اخليها تنضف نفسها اشتريتها لاكن خفت استعملها لانو حرام ما ابغى اضر الام او الكتن

بس هيا بدات معاها مشكله في ادنها سارت تفرز ماده بنيه وديتها للبيطري فقلي انو بسبب البراغيت عملها تنضيف للادن وحط لها قطره في اذنها وعلى رقبتها

ورش الاطفال بسبري وقلي حاليا هاذا العلاج ولازم اراجع معاه الاسبوع الجاي

وشفت في العياده عنده بودرة الراغيت ومكتوب انو يمكن استعمالها للكيتن بعد اليوم السابع

الي مجرب البودره ممكن يقلي اذا بتنفع ولا لا ومافيها خطر على الام لما تنضف الكتن

والشي التاني الي يعرف فين ممكن الاقي الريفوليشن ياريت يفيدني انا من سكان جده بس ما اعرف اماكن الصيدليات البطريه الا الي في قويزه وهما غالبا هاديك الصيدليات بيقولولي انهم متخصصين في المواشي فما نفعوني كتير

[شاهستا]

اهلا بيك

لو البودر دى مكتوب عليها انها كويسه للكيتن خلاص استعملها

اهم حاجه تتأكد من الى مكتوب عليها كويس

واتمنى من الا عضاء افادتك عن اماكن بيع الريفوليشن

ولو فى محلات حيوانات قريبه منك ممكن تلاقى فيها الريفوليشن