لأهل الخبره فقط في تدريب الأمزونيات

[حلم عاشق]

بسم الله الرحمن الرحيم
خلال هالاسبوع فقط قدرت بفضل الله تعالى اني ادرب طيري وهو من نوع يلوناب على الدوران ورفع رجله ورد السلام بعد توجيه السلام له ولله الحمد طبعا الكل عارف ان التدريب يعتمد على الاكل الي يحبه الطير ولكن عندي مشكله ان شاء الله تفيدوني عنها الاكل الي يحبه طيري ومستحيل يسوي اي حركه اطلبها منه بدونها هي الموز وهي قطع دائريه قاسيه حصلت عليها من داخل كيس شريته من احد محلات الطيور موجوده معى الأكل المشكل للبغاءقليله جدا ومحدوده
حاولت اسوي زيها ولكن ما عرفت قطعتها قطع دائريه وعرضتها للشمس بس ما طلعت زي الي استخدمتها
هل عندكم فكره كيف اقدر اسو مثل هالقطع احط عليها شي مثلا لن تعريضها للشمس ما نفع صراحه

[بلاك بيري]

اهلا بك ياغالي مبروك على تطور طيرك الرائع وربي يزيدك تطور اكثر واكثر

بخصوص ما تفضلت به على الأغلب تكون هذه الفواكه مجففه بطريقه معينه او عده مرات وليست مرة واحده وقد تكون جففت بمساعده ماده كيميائيه

[حلم عاشق]

بارك الله فيك اخ بلاك بيري انا قريت في احد المواقع ان تجفيف شرايح الموز يكون عن طريق الليمون بعدين يوضع في الفرن فتره او عن طريق القلي بس الطريقه الثانيه غير صحيه للطير اذا في احد عنده خلفيه عن الموضوع ما يمنع يفيدنا فيها

[مح ـمد]

اخوي السلام عليكم

انا ماعرف بخصوص سؤالك وسامحني

لكن انا بسألك سؤال كيف دربت طيرك على الدوران .. لان عندي دبل يلو هيد ابي ادربه عالدوران

ياليت تعطيني طريقه تدريبه على الدوران وشاكر لك مقدماً

[Thamer8668]

مرحبا

راح اذكر لك طريقتين

الطريقه الاولى

تقطع الموز شرايح بعدين تغمسها بعصير ليمون بدون اضافات
لمدة خمس دقايق

بعدين تطلعها وتحطها بصحن بس تكون رافعها عن ارضية الصحن
بشبك الشوي مثلا عشان ما تلزق بارضية الصحن

تشغل الفرن وتخلي درجة حرارة الفرن 200 بعدين تحطها بالفرن لمدة ساعتين وشوف اذا صار فوقيها اشقر طلعها واقلبها ورجعها للفرن ساعه كمان اهم شي تكون الجانب الي فوق اشقر والجانب الي تحت اشقر

طلعها وخلها تبرد يوم كامل وان شالله تضبط



2- الطريقه الثانيه

قطعها شرايح وحطها بصحن او قدر وحط فوقها شبك او اي شي يمنع الحشرات وخلها بالشمس لمدة يومين




ملاحظه ما اعرف اذا الليمون مناسب للببغا او لا



واخيرا لا تنساني من دعائك

[Thamer8668]

ونسيت اقولك توجد اجهزه في محلات الاجهزه الكهربائيه خاصه بتجفيف جميع الفواكه

[Thamer8668]

هذا فيديو اجنبي لجهاز الي قلت لك عليه مجفف الفواكه

http://www.youtube.com/watch?v=cfG9oSPwQF0

[حلم عاشق]

بارك الله فيكم جميع على نصائحكم اثريتم الموضوع جميعا وتقريبا الأخ ثامر افضل طريقه بارك الله فيكم
الآن راح اذكر لكم طريقة التدريب ان شالله الأخوان يستفيدون منها اهم نقطه ف الموضوع الأكل الي يحبه طيرك بالنسبه لي اكتشفت هالأكل الي يحبه بالصدفه بعد فتره طويله جدا بعد ما جربت معه كل شي حتى اني جوعته ما استفدت من هالطريقه واكتشفت هالشي بعد مالاحضته حتى وهو مكتفي من الاكل ياكل من اكلته المفضله بدون توقف وهي ( شرايح الموز المجففه )
ثانيا طريقة التدريب تكون على اي ستاند صغير كبير ما يهم المهم الطير يكون برا القفص
ف البدايه تكسر كم كسره صغيره من الاكل الي يحبه وتعطيه بدون اي امر للطير بحيث انك ما تعطيه قطع كبار عشان ما يطول وهو ياكل يخلص اكلها بسرعه
بالنسبه للدوران تمسك كسره صغيره ومن تحت الطير وتقوله مثلا دور وتخلي الطير يلحقها وهو يلحق الي تعطيه يدور دوره كامله بعد ما يدور تمدح الطير بلي تحبه مثلا ممتاز شاطر وتعطيه الي بيدك ياكله
تكررها اكثر من مره لين تحس ان الطير استوعب الي تبيه
تنتقل للمرحله الي بعدها وهو انك تغير الطريقه وتسوي الحركه من قدامه وانت تسوي دائره بيدك من قدام الطير اذا ما نفذ الحركه ضروري تعرف انه ما استوعب الفكره فترجع تسويها زي اول ومع التكرار راح تشوف الطير ينفذ الي تبيه بعد ما تقول له دور وبدون ما تسوي شي بيدك تكررها عليه نص ساعه كل يوم لين يتقن الحركه المهم. اذا اتقن الي تبيه تعطيه المكافئه وتمدحه

الطريقه الثانيه وهي انك تخليه يرد السلام عليك برجله تقوله مثلا سلام عليكم الطير يرد عليك برفع رجله وهذي بعد بسيطه واذا احتجتو اعلمك الطريقه انا تحت امركم جميع وراح انزل لكم صوره لطيري وهو يرد علي السلام برجله. وفترة تدريبه كانت ساعه. فقط واتقن الحركه ما شالله عليه خذو الأمور ببساطه وفي نقطه مهمه في التدريب حاول قد ما تقدر تكون صبور ولا تستعجل شي واهم شي تكون واثق من قدراتك وقدراتك طيرك هالشي بالذات يساعدك جدا على الوصول لنهايه ما كنت تتوقعها في تدريب طيرك بعدها بتشوف نتيجه ما كنت تتوقعها وآسف جدا على الاطاله

[حلم عاشق]

وهذي صوره لطيري العزيز بعد ما اسلم عليه يرد علي السلام

http://im37.gulfup.com/YSIK9.jpg

[مح ـمد]

مشكور على الشرح بارك الله فيك

[تشآرلي]

ماشاء الله تبارك الله

ردك في الموضوع مفيد جدااااا

وعقبال تنزل فيديو وموضوع مستقل تشرح لنا تجاربك

ومن ناحية الموز المجفف

يباع في المحلات العاديه - مثل المحامص

اطلب الفواكه المجففه وتجدها - على فكره كثير من الناس ياكلونها مع المكسرات

وخاصه الي محبين الرجيم ^_^

موفق

[حلم عاشق]

العفو حبايبي والله يقدرنا نرد الشي البسيط لجميع الأخوان في هالمنتدى
الف شكر للجميع وانا فالخدمه للجميع ان شالله