عاجل فرخ الكوكتيل يحتضر

[hlwlw]

السلام عليكم

اليوم الصبح شريت فرخ كوكتيل مشيول من امه وابوه

الفرخ ضعيف جبته البيت وخليته مع باقي فروخي كان عادي جدا

هذي صوره قبل

http://im40.gulfup.com/3xX3T.jpg

http://im42.gulfup.com/fQDe7.jpg (http://www.gulfup.com/?qPBiwa)

عقب حسيته ضعيف شفت حوصلته فاضية فقلت لازم أأكله وما استجاب للأكل ابدا
غصبته وأكلته بس الفرخ ألحين تعب بزود ما يقدر يمشي ولا قدر يرفع راسه وشكله يحتضر
:( والله مو عارفة شسوي يرجف اشوي

عطيته ماي فيه مادة حمراء يسمى الدوا الاحمر كأسم شائع
وحاليا حطيته وسط فوطة يدفى بس مو قاعد يتحسن ابدا قاعد يزيد كان يمشي الحين صار يزحف


http://im39.gulfup.com/FfFBh.jpg (http://www.gulfup.com/?BxVlsS)

على العلم انه الفرخ من يوم جبته بطنه مامشا :shy: وشفت انه متجمع لك وصخ الله يكرمكم
ونظفته بصعوبة حتى طلع نقطة دم وبعدها بطنه مشا لونه اخضر غامق جدا

[عاشق طيور الكوكتيل]

اخي طيب انت شو اكلت الطيرر؟؟؟؟

[hlwlw]

مثل باقي الفروخ ! سيريلاك طيور

[عاشق طيور الكوكتيل]

طيب وديه البيطري
شو وضع الفرخ حاليا؟

[hlwlw]

طيب وديه البيطري
شو وضع الفرخ حاليا؟

للحين عايش
مايتحرك في فوطه عشان يدفى والاكل اللي في الحوصلة احسه لا زال هو ما انهضم

تنفسه فيه صوت

[ولد لممـلكة]

وعلــيكم السلــآم ورحمــة الله وبركــآته
هلـآ بك آخــتي =((
لـآ حولـآ ولـآ قوة الــآ بالله
آن شاء الله يتحسن
مرة جميل الله يخليه لك وقوم بسرع وقت

آشوف من وجه انو مافيه شي رغم عدم وقوفه يخيف
يمكن يكون عنده توعك في المعده لانك غريتيه ومليتي خوصلته بشكل مفاجئ والحوصلة كانت فاضية
كان لازم بدفعات مو مرة وحده

واحس برضو انو مريض من قبل تاخدينو لانو ماكل منك غير بالقوة

انا فرخي يوم خديته كان حالته مرة مرة تعبانه وكانت حوصلته فاضية من يوم ونص او يومين
وانا من خوفي عليه غريته مرة وحده ومليت حوصلته وبالداية كان مشاء الله طبيعي ويتحك
وفجاة حسيته يتالم ويعوره بطنه وكان اكرمك الله يخرج فضلات لونها اخظر غامق وغريب

يوم سالت عن المشكلة الغالي التعبني غلاها وقال انو بسببب اني غريته بكل مفاجئ

اصبري عليه شوي ان شاء الله بهضم الاكل وقوم =((

[ولد لممـلكة]

وحـآجة ثانية اختي لا تنضفينه بقوة =((
عادي خليه ملحقه على نظافته خليه يتحسن اول

[shoosh_24]

ايش هي الحوصله ؟
>> احس اني داخله غلط بس حابه اعرف

[ولد لممـلكة]

ايش هي الحوصله ؟
>> احس اني داخله غلط بس حابه اعرف

هلـآ بك
الحوصــلة هي المكـآن الي يتجمع فيه الاكل قبل الهضم =))
وهو شبيه بالكيس اسفل الرقبه ^.^

[hlwlw]

وعلــيكم السلــآم ورحمــة الله وبركــآته
هلـآ بك آخــتي =((
لـآ حولـآ ولـآ قوة الــآ بالله
آن شاء الله يتحسن
مرة جميل الله يخليه لك وقوم بسرع وقت

آشوف من وجه انو مافيه شي رغم عدم وقوفه يخيف
يمكن يكون عنده توعك في المعده لانك غريتيه ومليتي خوصلته بشكل مفاجئ والحوصلة كانت فاضية
كان لازم بدفعات مو مرة وحده

واحس برضو انو مريض من قبل تاخدينو لانو ماكل منك غير بالقوة

انا فرخي يوم خديته كان حالته مرة مرة تعبانه وكانت حوصلته فاضية من يوم ونص او يومين
وانا من خوفي عليه غريته مرة وحده ومليت حوصلته وبالداية كان مشاء الله طبيعي ويتحك
وفجاة حسيته يتالم ويعوره بطنه وكان اكرمك الله يخرج فضلات لونها اخظر غامق وغريب

يوم سالت عن المشكلة الغالي التعبني غلاها وقال انو بسببب اني غريته بكل مفاجئ

اصبري عليه شوي ان شاء الله بهضم الاكل وقوم =((


هو راسه طايح قبل لا اغره عشان جذي عرفت انه الحوصلة عالصفر ورحت غريته ولا فاد
وبالضبط الفضلات اخضر غامق بس الحين االحمدلله صارت مثل باقي الفروخ يعني
الشي الوحيد اللي تحسن هو الفضلات وطبعا مكان الفضلات نظيف جدا نظفته
الفرخ ابدا مايرضى ياكل كل شي غصب على عكس الفروخ اللي بس تفهم هذا اكل على طول
تبغي تاكله

الانجاز الوحيد انه عايش وكنت متوقعة يموت
عطيته بندول بعد الغر وكالسيوم

المشكلة الفرخ يطلع منه صوت اتوقع مشكلة تنفسية لانه يعطس بعد احيانا

ننتظر النتايج

[قـاصـد]

الله يقومه بالسلامة ياارب ... طمنا عليه

[hlwlw]

الحمدلله أحس فيه تحسن الفرخ يحاول يتحرك على طول خصوصا لما يسمع صوت الفروخ

اليوم قدر يوقف بس للحين عنده صعوبة في المشي

هل ممكن المشكل في الارجل ؟

http://im33.gulfup.com/1gM15.jpg (http://www.gulfup.com/?4uDPDM)

هذي صور الفرخ اليوم وطبعا للحين اعاني لما اغره يرفض بشدة

http://im31.gulfup.com/W1Uts.jpg (http://www.gulfup.com/?VZ9Xol)

http://im31.gulfup.com/d4cPF.jpg (http://www.gulfup.com/?L6blnT)

[قـاصـد]

الحمدلله .. بهالمناسبة أهديك صور الفرخ الي عندي (نسخة طبق الأصل من الفرخ الي معك) وهذا الي شدني لموضوعك .. الله يخليهم لنا .

http://im32.gulfup.com/qX5IY.jpg

http://im32.gulfup.com/qFHZ4.jpg

تحياتي

[hlwlw]

الفرخ اللي عندك كريمي ماشاء الله ربي يحفظه لك

[ولد لممـلكة]

مشـــــــــآء الله والله فرحتيني
لـآ واضح عليه التحسن العادة الفرخ لو طاح كيذا طيحه معد يقوم بعدها
لاكن مشاء الله الله لا يضرك ويبارك لك فيه
انا متاكد انو كان بسبب مليك له الخوصلة ^.^
كان لازم بتدريج ان شاء الله بكرة يقوم ويمشي

ماتوقع رجولة لو رجوله كان ماوقف ابدا

وانا كمان عقبالي بهالون هههههههه عندي انثى ايزابيل وايت فيس وكريمية
الفرق بيني وبينكم انها منقطه وهي الان منتجه 3 بيضات عقبال الفقس =))

[hlwlw]

لا اتوقع ملئ الحوصلة

لانه الفرخ غير طبيعي مريض وزنه خفيف وعظمه وريشه على طول غير مرتب ويرجف

وفيه صوت في التنفس

وفوق هذا لا يتقبل الأكل ابدا الحمدلله عندي هوز امده في الحوصلة واغر والله كان ميت من زمان

اعطيه بندول عشان يقوى هو الحين تحسن خصوصا ساعات صار يحاول يتحرك من مكانه

[mshehab]

لا اتوقع ملئ الحوصلة

لانه الفرخ غير طبيعي مريض وزنه خفيف وعظمه وريشه على طول غير مرتب ويرجف

وفيه صوت في التنفس

وفوق هذا لا يتقبل الأكل ابدا الحمدلله عندي هوز امده في الحوصلة واغر والله كان ميت من زمان

اعطيه بندول عشان يقوى هو الحين تحسن خصوصا ساعات صار يحاول يتحرك من مكانه

الحمدلله ان الطير بخير اختي تحملي فيه واعتني فيه وخليه في محل معتدل لا برد ولا حر ,,
وراح يطيب باذن الله اهم شي ان الطعام متوفر له ولاتعطينه كميات كبيرة كبيرة ولا صغيرة صغيرة خلي مجال في دبته عشان الهواء :)

بس عندي سؤال اختي انتي من البحرين ؟؟؟

[hlwlw]

الحمدلله ان الطير بخير اختي تحملي فيه واعتني فيه وخليه في محل معتدل لا برد ولا حر ,,
وراح يطيب باذن الله اهم شي ان الطعام متوفر له ولاتعطينه كميات كبيرة كبيرة ولا صغيرة صغيرة خلي مجال في دبته عشان الهواء :)

بس عندي سؤال اختي انتي من البحرين ؟؟؟

الطير على طول في فوطه لانه يرجف وقبل اشوي اخذت دوا لونه احمر بجرب الليلة وبشوف

اي من البحرين

[mshehab]

الطير على طول في فوطه لانه يرجف وقبل اشوي اخذت دوا لونه احمر بجرب الليلة وبشوف

اي من البحرين

أختي الله يهداج شريتي طير فحصيه اول المهم ماعليه شر
عندج فصل أبي فصل كوكتيل منتج

[mshehab]

شخبار طيرج اليوم قومي قعدي ليه :)!
واذا ممكن نتواصل ع الانستا قرام

_mshehab

مشان نتفاهم ع الطيوور وتشوفي صور طيوري
وان شاءالله الكوكتيل مافيه شي اليوم;)

[hlwlw]

فرخي امس ماشاء الله

http://im36.gulfup.com/Xu27f.jpg (http://www.gulfup.com/?P79vIl)

http://im36.gulfup.com/TtHYU.jpg (http://www.gulfup.com/?T9BOMs)

قاعد يتحسن كجسم لكن لا زال يرفض الاكل ورجله ثقيلة في المشي واتوقع السبب اول ماجبته حطيته في
قفص واحتمال رجل الفرخ طاحت وانكسرت لانه مو متعود وصغير

[عاشق طيور الكوكتيل]

الحمدلله باينته تحسن شويه سلامته

[mshehab]

الحمدلله

[hlwlw]

الرجاء اغلااق الموضوع الفرخ مات قبل اشوي
على حسب كلام امي انه غص بقطعة قش

[imking]

1[/B]]الرجاء اغلااق الموضوع الفرخ مات قبل اشوي
على حسب كلام امي انه غص بقطعة قش

: (..

حزنتيني تعافى ومات الله يعوضك يارب..

بالتوفيق..

[ولد لممـلكة]

لـآ حولـآ ولـآ قوة آلـآ بالله =((
كتب الله وما شاء فعل قولي الحمد لله وعادي كملي تربيتك ولا تنكسري
كل مربي لازم يصير عنده كم حالت موت من الطيور ومنها يتعلم وصحح معلومات عنده
الله يوفقك بطيورك البآقــية ...}

[شاعر غزل]

الله يعوضك خير يا اختي
نصيحتي للجميع اللي ما عنده خبرة بالطيور لا يجيب فروخ

[hlwlw]

الله يعوضك خير يا اختي
نصيحتي للجميع اللي ما عنده خبرة بالطيور لا يجيب فروخ

الحمدلله عندي خبرة ولكن هالفرخ كان من الأساس ضعيف البنية ومريض واخوه مات وابوه واتوقع
فيهم مرض او ضعف

[بوب مارلي]

الله يعوضك بااللي احسن منه

[Cocktial]

الحمدلله عندي خبرة ولكن هالفرخ كان من الأساس ضعيف البنية ومريض واخوه مات وابوه واتوقع
فيهم مرض او ضعف

الله يعوضك بخير منه.. اهم شي لاحظت انك تقولين ابوه ضعيف!! هذا من سوء التغذيه يفضل تغذيت الأب لكي لا يموت مثل باقي الطيور ,حاولي تعطينه بيض مسلوق, وفواكه, وجرجير,وخس,هذا يساعد على الانتاج بكثره :) ;)