ولا يزال ببغائي ينتف ريشه...الزيت ما نفع ):

[Arashi]

السلام عليكم :(

ذكرت مشكلتي في هذا الموضوع

http://www.2zoo.com/vb/showthread.php?t=308259

والاعضاء ماقصروا بالحلول وبديت أدهن جسم الكاسكو بزيت الزيتون...اول يوم دهنته وما نتف ولا ريشه... وثاني يوم الظهر روشته لكن جفته ما يرتب ريشه ورجع للنتف بعد ما راح الزيت...عقب دهنت جسمه مره ثانيه..لكن في اليوم اللي بعده تعوّد على طعم زيت الزيتون وفي خلال ساعتين نتف كمية كبيره من الريش (في الصوره)


لاحظوا في الصور لون الريش غامق لأنه مدهن بزيت الزيتون...يعني ينتف والزيت مغطي الريش

http://www7.0zz0.com/2013/04/17/20/129010768.jpg (http://www.0zz0.com)

http://www7.0zz0.com/2013/04/17/20/574513178.jpg (http://www.0zz0.com)

http://www7.0zz0.com/2013/04/17/20/996365340.jpg (http://www.0zz0.com)


الحين مادري اذا صج حاله نفسيه ولا شي ثاني...ياكل وايد ما شاء الله نفس دايما...يلعب معانا وبدا يتوالف مع ناس غيري (حتى اليوم خلى خالتي تمسح على راسه مع انه قبل كان يخاف منها)
صار ينزل من عالستاند ويتفاعل مع اخواني وصار يصفر ويتعلم تصفيرات يديده ومسوي جو ما شاء الله عليه...مزاجه احسن من قبل وخفف صراخ وعصبيه وصار يلعب داخل القفص بالالعاب اللي أحطها...حتى صرت كل يوم أقعده على حضني وامسح على راسه عالاقل نص ساعه عشان لا يحس بأنه مهمل (ومع هالشي خفف عض أيضا وزادت محبته لي وتوالفه مع الناس)

لكن مادري ايش سبب نتف الريش...ادهن ريشه وأروشه كل يوم؟ الدهن تعود عليه ورجع للنتف...في حل احسن؟ :(
نسيت أقول اني من زمان ملاحظه وجود قشور على ريشه...كان يحاول يتروش بنفسه بماي الصحن لكن خففت الماي عشان لا يتروش لأن كان ذاك الوقت برد...هل النظافه لها أثر؟ والنتف يحصل بشكل أكبر في القفص (عالستاند أقل)

[Arashi]

http://www7.0zz0.com/2013/04/17/21/710213186.jpg (http://www.0zz0.com)

الوضع يخوف...اكتشفت يقع حمرا في بعض المناطق (مب واضحه كفايه في الصوره)...بليز قولوا لي ان هذا مب معدي ولا بضرني ;__;

[Arashi]

اوكي..دهنته زياده زيت وبعد ينتف (لو شوي اقل)...خايفه يكون يضرني او يعديني...افكر اوديه البيطري بكره مالي حل ثاني ):

هذا فيديو وهو ينتف

wTzG-X2yPEE

[Arashi]

لقيت هذا الرد...ايش رايكم؟ (سوري ادري اني انزل رد ورا ثاني..بس لازم أعلمكم بآخر التطورات ^^")

عن تجربه زيت الزيتون ما يفيد
يمكن تكون فطريات والزيت يرطب الريش و الفطريات تحب الرطوبه
جرب الصبار
واغسل الطير بشكل يومي وخله في الشمس لمدت 15 دقيقه بشكل يومي

انا نفس الشي الزيت مافادني...صبار ماعرف من وين ادبر...لكن هل يصح أغسل الطير كل يوم؟ @@"

[™Rio]

لازم توديه للبطرى :wao:

[gogou]

السلام عليكم
اخوي هاد على حد علمي مرض معدي ومميت وديه البيطري بسرعه وادخل على هاد الرابط انشاء الله تستفيدhttp://http://kenanaonline.com/users/poultryscience/posts/284858

[Arashi]

معدي ومميت مره وحده؟ @@
الله يستر -__-

الرابط ما يشتغل ):

[حنون القلب]

وديه البيطري رغم اني احس ان حالته متاخره

بس كل مشكله ولها حل

جرب الصبار وتشميس الطير

والاقتراب اكثر من الطير والاهتمام بالغذاء والنظافه

[Arashi]

متأخره من أي ناحيه؟ هل العلاج صار صعب؟ @@
الحين طالعه اوديه بس مادري اذا البيطري زين ولا لا حتى -__-

[Arashi]

اوكي...توني راجعه من البيطري...عطوه ابرة مضاد حيوي...وقالوا أغلب الظن فيه فطريات ويممممممممممكن يضرني انا بعد (الله يستر -__-)
خذوا عيينه من الريشه وبيتأكدون...قالوا لازم أوقف زيت الزيتون لأنه يأذي جلده لو فيه فطريات...واحطه تحت الشمس لكن بدون زيت لأنه بيتفحم على كلامه O.o
ترويش قال أروشه عادي..بس محدد لي لو كل يوم ولا لا (اروشه كل يوم؟) وقال ممكن أستعمل ماي الصبار بس طبعا زيت زيتون لا
وحاليا عطوني هالفيتامينات: 5 قطرات في صحن الماي مع كل تبديل للماي...قالوا استمر جذي بشكل يومين مدة أسبوع..ايش رايكم؟

http://www3.0zz0.com/2013/04/18/09/123841396.jpg (http://www.0zz0.com)

[ramy01011]

استمري علي علاج الدكتور و ان شاء الله يتعافي اهم شئ اهتمي بالتشميس اليومي و تنظيف القفص قريت من قبل عن شخص يعاني ببغائه من التنتيف و قام بوضع مقدار 2.5 سنتي من خل التفاح الطبيعي و ليس الصناعي في لتر من الماء ثم وضعه في بخاخ الماء و ترويش الببغاء جربي هذة الطريقة و ان شاء الله خير

[Arashi]

وهل أروشه كل يوم ولا ممكن يمرض؟ @@

[gumball]

عادى بالعكس سيكون افضل وافضل:88::freind::):confused::cool::64:

[Arashi]

اذن نتوكل على الله...يعطيك العافيه ^___^

انتظر راي الباقي بخصوص الفيتامينات والمضاد الحيوي...كذلك فكرة نقل العدوى للانسان شوي شاكه فيها @@

(ريحة الفيتامينات خروع...الله يعينه ><)

[Arashi]

اذن نتوكل على الله...يعطيك العافيه ^___^

انتظر راي الباقي بخصوص الفيتامينات والمضاد الحيوي...كذلك فكرة نقل العدوى للانسان شوي شاكه فيها @@

(ريحة الفيتامينات خروع...الله يعينه ><)

[the_gostman]

اختي الكريمه ,, تأكدي انه لا يوجد مستحيل.. طبقي كلام الدكتور البيطري.. واذا الجوا مناسب عندكم روشيه كل يوم عاادي.. لكن اهم شي لا تعرضيه لتيارات هوائيه,, تابعي وضعه اول بأول .. وانشالله يتحسن .. من هنا للأسبوع القادم ان لم يحصل تحسن لا سمح الله ارجعي على البيطري..

تحياتي

[بلاك بيري]

لاحول ولا قوة الا بالله

بخصوص ما تفضلتي به اختي نقول ما يلي \\

اولا \\ الطير مصاب بحاله نفسيه فقط لا غير ما ادري شلون وصلتوا للفطريات والعدوى والخطر والموت والحياه وما هو الأساس العلمي الذي تم الأعتماد عليه

ثانيا \\ الفطريات ان صابت الطير وهذا نادر جدا جدا جدا ويكاد يكون مستحيل لابد ان تكون على شكل دوائر وليست بهذا الشكل

ثالثا \\ مين قال انه الفطريات تعالج بمضاد حيوي الفطريات لها مضاد فطري وعاده ما يكون مرهم

رابعا \\ الطير لابد ان يروش ويوضع له زيت الصبار وليس الزيتون في حال انه مصر على النتف كما انه ننصح بالترويش والتنظيف وتغير الشبك ونقل الطير لمكان عام بالمنزل مع اضافه الألعاب داخل الشبك واستخدام فيتامين ميوتا فيت حق الريش المعروف

خامسا واخيرا \\ في حال عدم وجود منفعه من كل ما تم ذكره اعلاه لابد ان يوضع للطير طوق حول الرقبه

تحياتي

[Arashi]

لاحول ولا قوة الا بالله

بخصوص ما تفضلتي به اختي نقول ما يلي \\

اولا \\ الطير مصاب بحاله نفسيه فقط لا غير ما ادري شلون وصلتوا للفطريات والعدوى والخطر والموت والحياه وما هو الأساس العلمي الذي تم الأعتماد عليه

مصاب بحاله نفسيه حتى وهو يصفر ويلعب داخل القفص وخارجه عادي؟ نوعا ماقدر اميّز ^^"

ثانيا \\ الفطريات ان صابت الطير وهذا نادر جدا جدا جدا ويكاد يكون مستحيل لابد ان تكون على شكل دوائر وليست بهذا الشكل

ثالثا \\ مين قال انه الفطريات تعالج بمضاد حيوي الفطريات لها مضاد فطري وعاده ما يكون مرهم

الجلد فعلا فيه بقع حمراء واليوم بيّنت عندي اكثر...لكن مادري ليش في الصوره مب واضحه (كاميرتي اصلا تعيسه -__-) والمضاد هم عطوه لأنهم يشكون ان فيه نقص فيتامينات..على كلامهم طبعا انا مادري @@
النتيجه تظهر الاثنين باذن الله وبأكدون لي ^^

رابعا \\ الطير لابد ان يروش ويوضع له زيت الصبار وليس الزيتون في حال انه مصر على النتف كما انه ننصح بالترويش والتنظيف وتغير الشبك ونقل الطير لمكان عام بالمنزل مع اضافه الألعاب داخل الشبك واستخدام فيتامين ميوتا فيت حق الريش المعروف


الطير على طول معانا في الصاله وعنده عدد كبير من الالعاب أبدلهم له كل يوم عشان لايمل منهم..واضيف ألعاب جديده كل كم ساعه...الترويش صرت أروشه كل يوم وانفظ القفص يوميا...أتمنى ما اكون غلطانه بخصوص الترويش اليومي @@

زيت الزيتون وقفته..الصبار احاول أبحث لأني لحد الحين ما لقيت ^^"


خامسا واخيرا \\ في حال عدم وجود منفعه من كل ما تم ذكره اعلاه لابد ان يوضع للطير طوق حول الرقبه

تحياتي


الطوق ماراح يضايقه ويجيب له حالات نفسيه أسوأ؟ (او يمكن يكرهني -__-)
وين أحصل مثل هالطوق؟


وشكرا جزيييييييييييييييلا على النصايح ^___________^

[the_gostman]

تحصلين الطوق في محلات بيع مستلزمات الطير .. وممكن صناعته يدويا عن طريق صور الأشعه
وهذا الموضوع لأخونا King Parrot
أرجو منك قرائته http://www.2zoo.com/vb/showthread.php?t=5037

[Arashi]

الحمدلله النتف وقف أكثر من 3 أيام لأسباب مجهوله ههههه

بس اتوقع غير التشميس والترويش النفسيه كانت تلعب دور على كلام أخونا بلاك بيري...من اول ما شريته وهو فيه شي مب طبيعي @@
5 شهور ترويض ولا يزال يخاف من الناس اللي تمر جنبه ومره يعضني ومره أليف مع ان محّد أذّاه...ثقيل دم ما يصفر الا لما يناديني لا يفرفش ولا شي على كثر ما نكلمه ونلعب معاه...عصبي ويصارخ لما يجوفني أطلع...وتقريبا نتف نص ملابسي >_> مروّض قال لي ان هذا ما منه فايده ما يتروّض اصلا @@ نصحني أبيعه أشتري واحد عمره 6 شهور عشان اكون عارفه طبيعته من البدايه

فمادري الصراحه شلون أرضيه هههههه فلو بيرجع للنتف مره ثانيه بخليها عالصدفه لين يتركه من يديد XD

المهم الحين بشتري ألوفيرا عشان يطلع له ريش حلو وابيعه وافتك XP
مشكورين جيمعا ومع انها تجربه متعبه بس استفدت وتعلمت شي يفيدني في مجال تربية الطيور ^^

[بلاك بيري]

اهلا بك اختي على البركه توقف طيرك

بخصوص المضاد لايوجد مضاد يعطى لطير لأنهم شاكين بنقص فيتامينات المضاد يعطى في حاله المرض فقط

بخصوص الفطريات ارجع اكرر انني اشك في ذلك

موفقه وانتبهي على طيرك

[Arashi]

فعلا انا ما اجوف أي دليل على وجود فطريات...ولاحظت انه دلوع وايد...يعني لو عضني بقو وانا شوي عصبت او قلت له عيب او مثل ما علموني رجعته القفص كعقاب على يطول يرجع ينتف ريشه...عموما هالشي كان متوقع من اول ما اشتريته لأني مثل ما قلت هو نفسيّه وعصبي وثقيل دم...فالله يسهل علي علاجه بأسرع وقت عشان أبيعه واشتري احسن منه ):

[A3z_ansan]

اخوي اذا كانت فطريات أو حشرات في جسم الطير انا عندي الحل ولك مني الطير في يوم أو يومين يوقف النتف خذلك خل التفاح ملعقتين في بخاخ حق الحلاقين وحط ربع العلبه مويه ورجها 20 ثانيه بعد 20 ثانيه بخير عليه في كل أنحاء جسمهه إلا الوجه انننننننتبه و الخلفيه انتبه وقسم بالله في يومين رح تنسى النتف اذا كانت حشرات تضايقه بس خلللل التفاح لا تجيبلي خل ابيض لا خل التفاح واذا ما نفعت بس تحسه باقي ينتف زود كمية الخل بس انننتبه لا تككثر رح تضر بالطير اذا زاد تركيز الخل لانه أصلان ما يدانيه وأسأل مججرب

[ابو عقيل الهاشمي]

انا باقولك الشيء الي عندي يمكن افتح عينك على شيء ..
لكن كلامي اكيد لا هو طبي ولا علمي انا انسان مره توي هاوي جديد ..

لكن انا اشتريت ببغاء دره هنديه كانت منتف راسها مافيه ريش وجناحها مره مكسر ومنتف
وبطنها مجروح جرح كبير .. والسبب اني لقيتها بتتعارك في محل الطيور مع ببغاء كبير ..
وبعد قصه طويله قررت اشتريها طبعا رحمه بحالها وحبا فيها ..
المهم والخلاصه

اني والله قد ماجربت وتعبت من بياطره ومن نصائح ومن قراءه مالقيت احسن من حل ( المره )
هذه اخذتها من العطار .., اسمها مره طبعا من اسمها طعمها مر ..
ونصحني فيها الاخ المبدع الله يذكره بالخير .. اسمه ( الدره تومي )

والمره لها عدت صفات ومميزات .. قويه في علاج البكتيريا والجراثيم وهالاشياء ..ومطهره للجرح .. وتساعد
في تقفيل الجرح وتجلطه .. والسبب الاهم والاروع ان المره طعها جدا سيء ومر .. فكان البغبغاء مايقدر يعض او ينتف ريشه او يعض الجرح لان طعها جدا سيء .. وانا معوده على طعم العسل فتخيلوا الفرق بين المره والعسل ؟

والان الحمد لله الجرح يقفل ومتجلط ولتأم ...
وقمت بالمسح بقطنه فيها موية المره على كل ريش البغبغاء وعلى رأسه .. والحمد لله اعطت الريش غزاره ورجع



تمام التمام .. وقريبا جدا راح انزل الموضوع الثاني بالصور ..


ما اعرف الا اذا كانت المره سيئه بمثل حالتك فخليك على علاجات البيطري ..

والله يجعله معافى وسالم يارب ويرجعلكم مثل اول ..

وترا مو عيب الواحد يدعلي للطير تبعه في الصلاه ..

والله اني كنت ادعي للببغاء وانا ساجد لاني كنت خايف يموت ^_

[Arashi]

مشكورين عالنصايح ^^

السالفه كان لها علاقه نوعا ما بالترويش والشمس...يعني ممكن كان يعاني من شوية حكه او براغيث
لكن أساسا هي حاله نفسيه لأنها بدت لما سافرت 3 أيام وتركته...والحين لو أنشغل عنه لو شويه يقعد يصارخ ينادي وينتف ريشه (طبعا هالامر مب بيدي لأني مب فاضيه له 24 ساعه)
هو شكله متعلق فيني بشده...يعرص صوت خطواتي ويعرف صوتي من بعيد ولما اكح واعطس كلللل شي @@
ولازم لااااااااااااازم يتعلق علي عشان أمسح على راسه ولا يشبع
مع اني ما دلعته وايد فمادري ليش جذي >_>

هو مردّه يترك التنتيف يوما ما لأن مستحيل يظل متعلق فيني لهالدرجه صح؟ مابي أعوده يكون جذي...وفكرت بعد العلاج أبيعه عشان يبدأ مع شخص جديد يكون ما متعلق فيه ولا يرجع للنتف...الوضع مب طبيعي واحس ما ينفع اخليه معاي ايش رايكم؟ (وهو أساسا مب عاجبني من بداية ما أخذته)

هذا الحين انا مشغوله بالكمبيوتر وهو ينادي..طنشته فرجع ينتف بس أخف من قبل طبعا...كم ريشه ويوقف...اظن هو بدا يترك العاده بنفسه؟؟؟؟ (ولما اطفي النور يوقف نتف)

[ابو عقيل الهاشمي]

ما اعرف .. يمكن لو كنت مكانك افكر ابيعه ..
ما ابغى اتكلم بلسانك او اظهر بمظهر مثالي اني ما ابيع طيوري ..

لكن مواضيعي هنا تشهد .. باني ماقد اشتريت طير الا وفيه مشكله او مرض او جرح ..
والحمد لله انا بنفسي اعالجه .. يعني اشتري الطير اول شيء رحمه وعطف بعدين تتحول لحب شديد
.. مع اني اقدر اشتري احلى الطيور .. لكن بجد احس انه يربطني فيه شيء ..
سواء ببغاء او كوكاتيل ..



وبعد علاجه هو كمان يصير يحبني .. وتصير بيني وبينهم علاقة ^_


كرأي .. افضل انك ماتبيعيه لا تتخلي عنه بسهوله بداخله صدقيني يحبك كثير ..
واستمري في علاجه وخليك معاه باصعب ظروف تمر عليه ..

واشتري ببغاء ثاني وين المشكله . انا كذا اسوي اخلي القديم واشتري شيء جديد .
استفيد خبره وبالعكس تنوع الطيور متعه ومايصير فيه ملل ..

[Arashi]

صعب أخلي عندي ببغائين لأن البيت مايساعد ^^"
وانا من البدايه الصراحه ماكنت مرتاحه معاه...يعني سويت جدول أحسب المزايا والعيوب جفت عيوبه اكثر (عالاقل بالنسبه لظروفي ووقتي)
يمكن يكون ببغاء مثالي لبعض المدربين لكنه ما يناسبني...مثل صديقه ممكن ما أرتاح لها لكن غيري يحبها..حسب الصفات اللي تناسبني ^^
عرضت المشكله على مروض وقال انه يناسبه مروض ذكر...محتاج نبرة صوت أقوى مثلا وشوي صرامه وعلى كلامهن شوية ضرب!!..الدلع ما ينفع معاه ويخليه يستقوي وفي نفس الوقت لزقه

فعلا لاحظت هالشي وشلون تعامله مع اخوي وابوي في البيت وشلون تعامله معاي ومع خواتي...جفت انه ما يناسبني @@
يعني لما اطلعه من القفص يركب على يدي ويعض ملابسي ويخربها بمعنى "يالله مسحي على راسي" ولازم غصبن عني امسخ على راسه هههه وهني ينتهي دوري XD
لما أحاول ألعب معاه مايبي يلعب ولا حتى يصفر للتسليه الا لما يناديني أو ادلعه XP
ولين الحين آكل منه كم عضه مؤلمه فجأه واسمع صراخه
عطيته عسل مدة شهر ما نفع
اكلته بيدي مع التجويع مدة شهر ما نفع
اقعد معاه أكلمه مانفع
ألعب معاه ما نفع
اكلمه بحده واقول له "عيييب" عشان يفهم الغلط ما نفع

تبي الصراحه انا حابه الببغاء..كفايه انه يحبني حتى لو طريقته مزعجه..لكن ادري ان النتف بيرجع كل ما انشغلت وادري ان العيوب اللي فيه بسببي لأني ما أناسبه ):...كنت بس بكمل اعلمه كم تصفيره وابيعه وفي الاخير يفاجئني بنتف الريش...يعني ما ذقت طعم الراحه من يوم شريته (من 5 شهور) لكن أعترف تعلمت من هالتجربه وايد أشياء ^_^

احتمال يكون ذكر...فقلت لو اخذ انثى شبه مروضه عالاقل...لأني جفت الاناث أريح وأليفات أكثر @@

ماراح أتركه يعاني من التنتيف...لازم أعالجه 100% ولما أبيعه بتأكد انه يروح لشخص يهتم فيه بشكل ممتاز...فما بخلي سعره أي كلام وراح أسأل الشخص نفسه شلون بيعتني فيه ^^ (لا يزال البيع مجرّد فكره وبستخير قبلها ^^)


وبقول لكم طريقه أتبعها في شراء الببغاء...لما ابغي اختار عادة في المحل أركبهم واحد واحد على يدي واجوف مع من تحصل موده اكثر ههههه ادري الفكره تضحك XD بس لما طبقتها مع ببغائين درّه وكاسكو فلحت في ترويضهم...وكان راعي المحل يحذرني من شراءهم لأنهم يجعرون...لكن انا حسيتهم في يدي شي ثاني...وفعلا الاول تروض في شهر والثاني في أسبوعين عندي وحتى تعلم ينطق اسمي وهو عمره 7 شهور ^_^
اما الببغائين الثانيين فشريتهم على طول...الاول بعته لأنه كان يصرخ شهر كامل (وجاء رمضان) والثاني هذا هو ملعوزني @@
فنصيحه جربوا تلعبون مع الببغاء في المحل...جوفوه لو يحاول يتعرف عليكم لما يفحص ملابسكم او اصابع اليد وهذي احسن علامه ان الببغاء تقبلك على طول...حتى لما يجعر في البيت اول يومين او يعض هالشي طبيعي لأنه مب متعود عالجو لا أكثر...وراح تجوفه يتوالف مع أهل البيت بما انه توالف معاك في المحل على طول ^_^

[ابو عقيل الهاشمي]

ردك بيكون مفيد لكل شخص عنده مشكله تشابه هالمشكله ..
يعني ماقصرتي وزين كتبتي كل شيء ..
انا لما باكتب موضوع وباعاني من مشكله بجد افكر بكل شخص ممكن يقرا كلامي ويستفيد منه ..

على العموم .. وضحلي من كلامك الشيء الكثير .. وماتوقعت وضعك معاه مثل كذآ ..
وتوقعت ان البيت مايساعد الواحد يكثر حيوانات لان بجد البيت غالبا يحدد نوع وعدد محدد من الحيوانات ..

ممكن تبدأي بدايه جديده اختي الفاضله .. وتتعلمي من كل خطأ ..
تصدقي ؟ اني ما صرت محترف بالترويض والعلاج وهالامور الا بسس اخطاء كنت اسويها مع اول طير اشتريته ..

اما الان اقول بنفسي مافي مجال للاخطاء .. والان اقوم فقط بعملية التزاوج وتوالف الذكر مع انثى وحاب اعمل انتاج ومنهمك فعلا ..


الله يعطيك العافيه .. وربي يوفقك ان شاء الله بطير يكون الفرح والسعد لقلبك ..

[Arashi]

تسلم اخوي ^^
اللي قلته عن عيوبه نقطه في بحر من العيوب الاخرى اللي ماذكرتها...للأمانه انا ببيعه بسعر مب عالي بس كم ريال زياده عشان عمره والتصفيرات اللي تعلمها وركوب اليد لا اكثر

وخطئي الوحيد في التدريب حسب ما قال لي المروض هو اني دلعته...كان المفروض أشد عليه...تخيل ما يكون زين الا لما أعصب أو اضربه...5 شهور ترويض ومعامله حلوه مانفعوا معاه وضربه وحده تغيّر كل شي في دقايق ولما ارجع اكون زينه معاه يرجع مؤذي...يحب ينضرب ويقعد يتدلع علي وقتها ويتقرّب اكثر (وما ينتف ريشه من الضرب عادي)..مثل ما قال المدرب يبي له شوية ضرب وقسوه ونبره حادّه...لكن هالاسلوب ما يعجبي فبخلي غيري يتصرف معاه بهالطريقه دام يحبها...راح أتأكد اني أبيعه على ريّال لأنه مايصلح للبنات...اللعوب المشاكس مناسب للأولاد والأليف اللطيف مناسب للبنات (وتفضل تكون انثى) هذا شي ثاني تعلمته من تجرتي المريره ):

هذا فيديو لأول كاسكو روضته ^^


toEolRIk20o

كنت أحسبه مريض وهو يطلع هالصوت بس قالوا لي انه يطلعه من المحبه هههه...هذا اشتريته بالطريقه اللي ذكرتها وما عضني الا شوي اول اسبوعين..لكن من اول ما اخذته كان يركب عاليد ويتوالف مع اي حد ويصفر بمرح ويلعب طول اليوم

على قد ما متعلق فيني أبدا ما نتف ريشه حتى لما انشغلت عنه كم يوم...لكن اللي قتله هي الصدمه لما أختي هاوشته في غيابي...كان يحب كل أهل البيت والكل كان يقدر يمسكه بدون خوف...الصراحه كان مميز واتمنى احصل مثله :( الظاهر نتف الريش له علاقه بشخصية الببغاء...فبعضهم مهما تسوي لهم مافي فايده ومستحيل يتروضوع ويتأقلمون عليك

[A3z_ansan]

اختي تفاؤلو بالخير تجدوه يعني قوولي رح اعالجه ورح اخليه يحبني اكثر واكثر من أول

لاكن اذا قلتي ببيعه أو خلاص طفشت والا الطير يحبني أكثر من الازم


وتذكري ترى الواحد مو بكيفه يحب ولا يكره الشغله بالتصرف مع الشخص أو الحيوان

وهل تفهمين وش يبي ولا لا

[Arashi]

مع الاسف اليوم رجع للنتف وبجنون...انا بس انشغلت عنه لين بعد المغرب مب طول اليوم وهو على طول رجع للعاده واكثر من قبل
مب عارفه أتصرف معاه وصرت لما أعطيه ألعاب جديده يرميها ):
الاكل لايزال ياكل طبيعي حتى الاكل الجديد والبراز الله يعزكم طبيعي...يعني مب مريض
بحثت عن طوق او ادوات عمل الطوق لكن ما لقيت..البيطري ما فادني بشي...ايش اسوي؟
اكتشفت انه ما ينتف ريشه لما أخواني قاعدين معاه بس لما أنا موجوده...والسبب اني لما موجوده يبغيني أحطه في حضني طول الوقت واداعبه...لكن اذا ما يبغيني فما ينتف ريشه ولا يخليني أمسكه حتى >_>

الغريب اني ماعودته على هالكثر مداعبه...يعني كنت اوازن أثناء التدريب وقبل السفر بأسبوعين خففت مداعبه عشان أتأكد فقط انه ما يتعلق فيني وكان كل شي طبيعي طول ذيكي الفتره (واساسا كان يعضني وايد ويكره ألمسه فكأنه ارتاح من التدريب)...فمستغربه ليش صار ينتف من بعد ما سافرت !!!



الحين أتمنى لو أحد ياخذه ببلاش بس أرتاح وتنشال عني المسؤوليه...في النهايه أقول حرام ببغائي قاعد ينتحر وانا ماقدر أسوي له شي...لا خبره ولا وقت ولا اماكنيات عندي ):





A3z_ansan

أخوي العيب مب مني بل من الببغاء نفسه...انا من اول ما اشتريته وجفت عليه تصرفات غريبه جدا بالنسبه للبغاء سواءا مصيود او من مزرعه...سألت كثير مروضين هنا وخارج المنتدى ونفذت كل المكتوب وماقصرت معاه...مافي شي نفع معاه وبعضهم قالوا هذا ببغاء عصبي ونفسيه ما منه فايده...حتى قالوا لي لو بغيت أبيعه ماراح يجيب سعر مهما علمته...يعني أبيعه بنفس السعر اللي اشتريته حتى لو كان يصفر ويركب عاليد ):

انا عطيته من وقتي 5-8 ساعات في اليوم لترويضه واللعب معاه والتقرب إليه لكن ماجاب أي نتيجه ايجابيه...لا يزال يعض ويخرب ملابسي وللتو خرب لي قميصين...مايخليني ألمسه الا لما له مزاج...ولو انشغلت يقعد ينتف ريشه بجنون...يعني جدا جدا جدا متعب وتعب الخمس شهور تدريب راحوا عالفاضي

صحيح صاير يحب يتدلع اكثر يجلس يستند علي وامسح على خدوده (اجوف تعلّقه زاد وزاد معاه نتف الريش والعصبيه)...لكن بمجرد ما انزله من عالستاند او القفص يرجع لنتف الريش ويصرخ لما أترك المكان

-نزلته عالارض يلعب ويتحرك وفعلا تعدل مزاجه...لكن بمجرد ما رجعته للقفص رجع ينتف من جديد
-علّقت له ألعاب عالقفص لكن اجوفه كرهها
-جبت له الأعواد الخاصه اللي فيها اكل لكن خاف منها ونتف ريشه بسببها زياده فطلعتها على طول
-أخذته معاي في جوله عالبيت اكلمه واخلي أهلي يكلمونه
-جبت له فواكه واكل منوّع
-أروشه واشمسه كل يوم تقريبا لما الجو مناسب
-أشيله عندي واداعبه وامسح عليه نص ساعه في اليوم عالاقل...حتى اداعبه عالستاند والقفص لربع ساعه لما يكون يخليني ألمسه
-أنظف قفصه اول بأول واغير له الاكل والماي كل يوم مرتين في القفص ومره عالستاند
-أرتب له ريشه بيدي أثناء المداعبه ودايما أصفر له واناديه واقول له كلام حلو بنبره لطيفه
-صرت أعطيه من وقتي الكثير واخليه طول اليوم خارج القفص الا لما اطلع اضطر ادخله
-جبته ينام في الصاله عشان قلت ممكن الغرفه أثرت عليه حتى اثناء النوم وخلته يشعر بالوحده

يعني ما خليت شي والا سويته طول هالأربع أسابيع اللي ينتف ريشه @_@

بالنسبه للي يقولون لي أصبر واعطيه من وقتي زياده عن هذا...ردي هو اني صبرت اكثر من 5 شهور والحين انا مرتبطه بأمور مهمه...وهذا السبب اللي خلاني أقرر أبيعه لأن شخصيته ماتناسب ظروفي...انا يناسبني ببغاء أليف اقدر أروضه شوي شوي ويتوالف مع أهل البيت ان اي احد منهم يحل محلي لما أغيب...وهذا اللي كان عندب قبل والحمدلله كل امورنا مشت تمام



مادري لو كتبت عن شخصيته كيف كانت من اول ما شريته قبل 5 شهور بفيد بشي لكن بكتب في كل الاحوال ^^"

1-من اول ما اشتريته وعمره 4 شهور كان جريء...يعني من ثاني يوم أحصله يركض وراي يعضني بدون ما أسوي له شي...العض عنده هجوم وليس دفاعا عن النفس...وعضته كانت غير طبيعيه..يعني يمسك الاصبع بقوّه لين ينزف بغزاره...ما يفلت الا لما أبعد منقاره بيدي او احيانا اضطر أعطيه كف خفيف عالمنقار...الكف ابدا ما يخوفه مني...بالعكس كان يخليه مرات يحترمني ويطلب مني اداعبه او يرجع كل شي مثل ماكان...لكن ما كنت أستعمل هالطريقه طبعا الا لما ألم العض يوصل حدّه وما أقدر أسحب صبعي...الحين ماصار يعض يدي لدرجة النزيف لكن ثيابي ما يرحمها >_>

2-فيه طبع غريب ولا يزال موجود فيه...لما أحاول ألعب معاه وهو ما يبغي او مايرضى ألمسه يقعد يعض أظافره من العصبيه...او يمسح بمنقاره بقوّه على الخشب (مسح المنقار افهم انه يبغيني أبتعد..لكن عض الاظافر شي جديد علي) وحتى كان يجر ريشه او ريشتين بدون ما ينتفهم..مثل تهديد اظن!!

3-ينسى بسرعه...لما كنت أعلمه ياكل من يدي اجوفه كم يوم اوكي وبعدها يرجع من الصفر وكأنه مايعرفني...لما أعلمه ينزل لي راسه وامسح عليه يستمر هكذا اسبوعين وفجأه يرجع يعض ويكره ألمسه..يعني من الصفر...فقمت أطبق كل تمرين شهر كامل يوميا بشكل متواصل..ويمشي كل شي تمام طول الشهر ولما أتأكد انه تعلم وانتقل للتمرين التالي أجوفه ينسى التمرين الاول تماااااااااااااااااااااااااااما @_@ ولحد اليوم مايعرف شي غير الركوب عاليد والتصفير

4-ما توالف مع أي احد من اهل البيت ولا يزال يخاف منهم لما يمرون جنبه مع انهم حاولوا يتقربون له...ولا احد منهم أذاه شي

5-كان هادئ جدا ما يصرخ...الحين صار يصرخ لما يجوفني اغادر المكان...كان يحب القفص ويلعب بألعابه والحين صار يكرهه ولا يحب أي لعبه جديده او قديمه




كيف بدأ النتف؟

صار ان طيري دخل في مرحلة القلش وريشه يتساقط طبيعي...وبعد أسبوع اضطريت أسافر ليلتين...فشوي لاعبته في نفس يوم السفر...ووصيت اختي عليه وهي بدورها اهتمت بأكله وشربه وتطلع قفصه في الصاله..وقالت عادي كان يصفر ومستانس ويلعب وياكل...لكنها طبعا ماتقدر تطلعه من القفص لأنه متوحش...ووقت النوم توديه في غرفه هاديه...اليوم اللي رجعت فيه هي ماقدر تطلع قفصه من الغرفه لكنها غرفه هو متعود عليها ويسترخي فيها...وماكانت المره الاولى اللي مايطلع منها وكان شي طبيعي...انا رجعت في نفس اليوم وعلى طول طلعته من القفص وداعبته نص ساعه...عقب رجعته عشان ينام لأنه كان اخر الليل...بس في اليوم الثاني أتفاجأ انه بدا ينتف ريشه...عطيته وقت واهتمام اكثر لكن مثل ماتجوفون الحاله استمرت شهر كامل وصارت أسوأ ):



سامحوني ادري ردودي طويله لكن احاول اكون واضحه عشان اتمنى اوصل لحل...اذا ما لقيت الحل عندكم فمعناه مثل ما ترويضه مستحيل فعلاجه مستحيل بما ان الامر متعلق بشخصيته الغريبه -__-

[Arashi]

ملاحظه: البعض ممكن يظن اني كارهه الببغاء او متعقده منه...بالعكس انا حابته بعيوبه لكن مثل حالته وشخصيته يصعب علي الاهتمام فيه...فأحاول أبحث له عن صاحب يناسبه سواءا بعد علاجه او قبله...فأرجو ان محد يظن ان مالي صبر او يأست بسبب مرضه...لأني اساسا من شهر كنت أفكر ابيعه واشتري غيره + لو بيدي كنت اشتريت ببغاء ثاني يكون معاه لكن انا مسموح لي احتفظ بواحد فقط ^^"

سؤال مهم نسيته: هل ممكن النتف يرح من نفسه؟ وهل ممكن تسوء الحاله لين يموت بسببها؟

[Arashi]

توني راجعه من البيطري...واللي صار:

عملوا له تحليل لريشه وطلع الحمدلله يخلو من الفطريات والامراض
انصحوني اعطيه فيتامينات A و E و C لكنها مب متوفره عندهم (خوش بيطري >_>)
طلبت منهم الحلق للعنق قالوا مب متوفر عندهم

مسكين ببغائي من كثر ما تعب من التنقل والسياره صار له اسهال عندهم من الخوف..وبدل ما يعالجون مشكلة النتف راحوا خذوا عيينه من الاسهال مع اني قلت لهم انه في البيت طبيعي (حتى البراز في قفص النقل الله يعزكم طبيعي...هاذي لحظة خوف لا اكثر)

يتهربون من المشكله الاساسيه لأن ماعندهم حل ويمسكون في شي عادي >_>

قالوا لي ايضا انها حالة انتحار بالبطيء...يعني لو ببغائي ما وقف نتف راح يموت علي

انا سلمت امره لله وماقدر اسوي اكثر من جذي...ماعندنا بيطري مثل الناس...الله يعين ):