لأهل الخبره

[NaWaF Pp:]

سلآم عليكمم

كيفككم ان شاء الله بخير

ياخوان انا تعبت صراحاً عندي زوج كروان منتج ولله الحمد

بس المشكله كل بيضهم يا فاسد او فاضي مادري وش المشكله بالموضوع

مع انى انوعلهم بالاكل من ناحيه حبوب وخضروات وفواكه

تكفون شوفولي حل :(

[ابوزين]

اذا المكان الي انت واضعه فيه تشوف انه مناسب جدا وتعرضه الشمس ومافاد شي انا من راي تغير الانثى والله اعلم

[NaWaF Pp:]

كثير قالولي غير المكان كانو بغرفتي

وغرفتي يعتبر مكان هادى لاني وقت النوم ادخلها واول ما اصحي اطلع

الحين حاطهم بالصاله بس مافي فايده

شكلي بحطهم بمستودع عشان الهدوء اكثر

[ولد لممـلكة]

وعلــيكم السلــآم روحمــة الله وبركــآته
المكــآن مو مشكــلة لـآنو لو المكـىن هو المشكلة كان مانتجو اساس ^.^
بس هم انتجو مشاء الله والمشكلة هي درجة الحرارة
انت تقول البيض فاضي معناته الحرارة شديدة مرة لدرجة تبخر الي داخل البيضه
او العكس درجة البرودة عالية
الكروان محتاج درجة حرارة ثابته في وقت الانتاج خصوصا
انت تقول انهم بغرفتك معناته تولع المكيف ولما تقوم تطفيه هنا درجة الحرارة غير ثابته =))
لازم تحطهم بمكان الحرارة فيه ممتازة ويكون هادي ...}

[NaWaF Pp:]

مشكور ياخوي ماقصرت

لا كان وقت شتاء يعني دفايه ومغطي سقف القفص
بعض الاحيان القى الصفار متجمد مادري وش السبه تنصحوني بفقاسه ولا اجيب حق درجه

الحراره مادري ايش اسمه الي يتعلق بالغرفه :)

وايش احسن درجه حراره للكروان ؟

[abo_hazm]

الدرجة الحرارة المناسبة للكروان هي 26 او 27 او 28 درجة

لاتقل عن 26 ولا تزيد عن 28

مسألة درجة الحرارة مسألة فطرية عند الطيور

فلذلك تجد الطيور في مناطقها الأصلية ذو درجة ثابته

ومن ناحية الفقاسة الكهربائية .. فهذي توفر لك عناء حضانة الأنثى للبيض .. بس انصحك تاخذها اذا كانت الأنثى عندك ماتعرف تحضن او انها جديدة على التحضين

مووووفق يارب

وانصحك تحطها بالمستودع اذا كانت درجة الحرارة هناك 26 او 27 او 28 درجة مئوية

وانصحك قبل ماتحطهم بالمستودع تجيب جهاز قياس درجة الحرارة وتشوف اذا كانت الدرجة مثل ماقلت