المساعد الشخصي الرقمي

مشاهدة النسخة كاملة : مساعده ضرووووووى بليييييييز

dr.manal
19-04-2013, 05:35 AM
السلام عليكم يا جماعه لو سمحتم كنت عايزه اعرض مشكله واحده مع القطه بتاعتها هى عندها مشكله و بكره الجمعه طبعا و مفيش دكاتره فياريت نساعده انا هعرض المشكله زى ما هى قالتهالى
هي احنا كنا جايبن سمك النهاردة و هي اخدت واحدة من غير ما اخد بالي و اشيل الشوك منها .. في حاجة واقفة ف زورها بقالها اكتر من 5 ساعات و مش قادرة تنفس وانا حاولت اسعفها زي ما بنسعف الاطفال في الحالات اللي زي دي بس مع الاسف ما فيش فايدة ده غير انها طبعا عمالة تعمل صوت زي انين الانسان لما يكون مريض

هي بتاخد نفسها بصعوبة جدااا و ليه صوت كمان زي ما يكون حد معاه برد و صدره تعبان
شاهستا
19-04-2013, 05:47 AM
وعليكم السلام ورحمه الله

ممكن تقوليلى عمر القطه اد ايه ؟ وهل عرضت عليها اكل تانى والقطه كلت عادى ولا رافضه الاكل ؟
dr.manal
19-04-2013, 05:59 AM
هي عمرها حوالي 4 اشهر .. و هي رافضة الاكل لاني حاولت اعرض عليها جنة نستو عشان تخليها تبلع اللي ف زورها بس هي رافضة تماما
دا كان ردها
dr.manal
19-04-2013, 06:09 AM
هل عندك اى معلومه تفيديها بيها ؟!!!
شاهستا
19-04-2013, 06:27 AM
ده جزء من الاسعافات الاوليه للقطط خليها تقراه وتعمل كدة

اذا حصل للقطه اي صعوبه في التنفس يجب عليك التاكد وفتح فم القط لرؤيه اي جسم غريب

قد انحشر في حلق القطه .

عندها يتوجب عليك اتخاذ اجراء اسعافي بنفسك ..

والاجسام الغريبه التي تعلق في حلق القطه مثل : شوكه سمك او عظمه دجاج صغيره .

فتلاحظ معاناه القطه واصدارها لاصوات غصص وقد تلطم بمخلبها على فمها ..

طريقه اخراج الجسم الغريب من القطه كالتالي:

1- اذا كانت القطه تسعل وتصدر اصوات غصص وتشهق ..انظر الى مؤخره حلقها ..

حافظ على القطه هادئه واذا لاحضت حركتها الكثيره ..فيجب تقييد حركتها بلفها بفوطه

ثم حدد موضع الجسم المنحشر فيها مستعينا بضوء مصباح صغير ..ثم احضر ملقط صغير

وادخله في حلقها وقم بسحب الشي العالق فيها .
فاتـــو
19-04-2013, 08:43 PM
بس ياريت تسحب الشي بشويش وتحاول تحركه بالداخل قبل لاتطلعه
لانها ممكن وهي تطلعه تجرح الحلق بالشوكه
خليها تحاول تفتح فمه وتخلي احد يساعدها وهي تطلع الشي
مايشوف شر
dr.manal
19-04-2013, 10:28 PM
انا متشكرة جدااااا لذوق حضرتك .. و الحمد لله انا اخد القطة و وديتدها مستشفى الشعب و هما عملوا ليها اشعة و طلعت الشوكة كانت محشورة في الحلق و الدكتور هناك ادها مخدر موضعي و طلع الشوكة ليها و بعدين كتب لها حقنة مضاد حيوي مرة كل يوم لمدة 5 ايام و نقط كتفلام اطفال كل 8 ساعات بعد الاكل ... و انا مرة تانية بجد بشكر حضرتك جدااااا و جزاك الله كل خير
دا كان ردها متشكره جدا يا جماعه
فاتـــو
19-04-2013, 11:51 PM
الحمد لله
اهم شي تلتزم بمواعيد الدواء
وماتشوف شر

يغلق
شاهستا
20-04-2013, 12:04 AM
سسلامتها والحمدلله ان الشوكه طلعت

يغلق لانتهائه ..