---- بدنا مساعدة بطريقة تربية ببغاء

[mohammad128]

مرحبا يا شباب
بصراحة .. انا ما بفهم بالببغاءات بنوب بنوب
و شفت ببغاء عند رفيقنا .. هالببغاء كتير ظريف و لطيف .. و فهيم كتير ما شا الله .. يعني بيفتحلو باب القفص .. بيطلع لبرا .. بيئلو ارجع .. بيرجع لحالو
نوعو كاسكو من الببغاءات الرمادية يلي ذيلها لونو خمري .. عنا بيسموه كوري
جبت هالببغاء عالبيت و علقتو عالحيط جنب الشباك
و صرلو هلئ 4 ايام
بس ما عم يخليني المسو ابدا
بهال4 ايام بطعميه بأيدي
مع هيك .. بس يخلص اكل .. اذا بقرب عليه اصبعتي .. بيعضها فورا
و اذا فتحتلو القفص .. لبكرا بئلو يرجع .. ما بيرجع .. بستناه ليجوع .. بيجي لياكل .. فبسكر القفص انا
شلون لازم اتصرف معو ؟ كيف ممكن خليه يبطل يعضني .. و خليه يطلع ع ايدي ..
شلون بقدر خليه يرجع عالقفص بس طالعو منو ؟
يلي بيعرف يا ريت يخبرني .. لأني ما بعرف فيه ابدا ابدا
و هلئ طالعلي بشغلة لما بطالعو من القفص .. بيترك قفصو و بيوقف عالشباك
ناطر ردكون يا شباب
ولكم الشكر مسبقاً ^_^

[the_gostman]

اخي الكريم الببغاء جديد عليك,, ومتعود على صاحبه القديم..
هو فقط يحتاج وقت لكي يتعود ويتأقلم على المكان.. حاول تكسب ثقة الطير وتنوع له من الغذاء وتهتم فيه وانشالله مع الوقت رح تشوف تحسن واضح
الصبر طيب يا غالي..

تقبل مني فائق التحيات

[the_gostman]

اخي الكريم الببغاء جديد عليك,, ومتعود على صاحبه القديم..
هو فقط يحتاج وقت لكي يتعود ويتأقلم على المكان.. حاول تكسب ثقة الطير وتنوع له من الغذاء وتهتم فيه وانشالله مع الوقت رح تشوف تحسن واضح
الصبر طيب يا غالي..

تقبل مني فائق التحيات

[mohammad128]

انا بصراحة اليوم حطيتو بالمحل .. و نويت بلش معو من الصفر ...
خرج حدا يساعدني ؟
اليوم بس ححطلو اكل و ما حركو ابدا ابدا

[the_gostman]

لا تحركو من مكانو,, ولا تبدأ تدريب معه قبل ان يتعود على المحل ويتعود على المكان,,فقط قدم له الحبوب والماء حتى يألفك ,, وبعد اسبوعين على الأقل يمكنك بدء التدريب\

كل التوفيق

[mohammad128]

لا تحركو من مكانو,, ولا تبدأ تدريب معه قبل ان يتعود على المحل ويتعود على المكان,,فقط قدم له الحبوب والماء حتى يألفك ,, وبعد اسبوعين على الأقل يمكنك بدء التدريب\

كل التوفيق

هلئ صرلو بالحساب 4 ايام يمكن بمكانو
بس بحسو بيكرهني ههههههههههههههه
بعطيه الفستق ما بياكل .. اخي بيعطيه بياكل من ايده ... و لسى حضل ناطر
اي معلومة بتفيدني او اي تصرف لازم اعملو لاقدر اكسب مودته بتفضلوا على راسي ^_^

[رائد ملكاوي]

مثل ما حكوا الشباب يا غالي

يحتاج صبر

وان شاء الله بعد شوي ما بتلاقيه الا صار رفيقك

وتدللوا ع بعض

[the_gostman]

اخي الكريم لاببغاء لازم يعرف انك انت صاحبه.. وذلك بتقديم الأكل والماء وتنظيف القفص بنفسك.. والموضوع فقط مسألة وقت لا أكثر وسوف يتعود عليك انشالله

[mohammad128]

احلى شباب والله
اليوم ببغائي عطاني راسو هيــــــــــــــــــــــــــــــــــ
هيي صح مرتين بس و بعدين رجع يعضني .. بس في تطور هههههههههههههههههههههه
بعدين شو بقدر اعمل ؟
لما ضل ناطر ؟؟

[the_gostman]

ممتااااز جدا انه اعطاك رأسه..اخي مع لاوقت والصبر رح تشوف تحسن
بالتوفيق انشالله

[mohammad128]

ممتااااز جدا انه اعطاك رأسه..اخي مع لاوقت والصبر رح تشوف تحسن
بالتوفيق انشالله
تسلملي .. عذبتك معي والله :$

في شي تصرف لازم اعملو هلئ ؟ لما خلص ضل متل ما انا كم يوم ؟

[the_gostman]

بخدمك بعيوني.. اتنا برأيي تضل متل ما انت,, حتى يتعود الطائر عليك ويصير يحبك.. حاول تقضي فترات امامه وتطعميه بإيدك

بالتوفيق

[mohammad128]

الله ما يحرمني منك .. و ان شا الله بخبرك شو بيصير معي اول بأول

[mohammad128]

كيف بقدر خلي الببغاء يبطل عض ؟ :(

[the_gostman]

اخي مجرد ما الببغاء يتعود عليك ويبط يخاف منك رح يتوقف عن التجعير والعض بإذن الله.

انا عن نفسي عندما يبدأ الببغاء بالتآلف معي أقدم له العسل على اصبعي واتحمل كم عضه منه.. حتى يتذوق العسل من اصابعي (طبعا لا تكثر قليل القليل فقط) وبعدها بأسبوع رح يبطل يخاف من اصابعي..

بالتوفيق انشالله.. حاول تطعميه بذور دوار الشمس من يدك

[أبوأحمد99]

يحتاج لصبربس