استفسار بسيط

[esso2080]

انا عندي قطة عندها 45يوم تقريباً اقدر اشغل المكيف وهي نايمة عادي ولا مضر ليها ؟؟
تاني حاجة اقدر احميها ؟واستخدم شامبو ايه نوعه لان انا ملاحظة حاجة غريبة في الشعر بتاعها زي مايكون قشرة

[:لوسي:]

حاولي إنك تحطيها بغرفة مو باردة المكيف ممكن يضرها في مرحلتها العمرية هذي لأنها تكون ضعيفة وصغنطوطة

استحمام القطط الصغيرة الأفضل تبللي منشفة ناعمة بموية
وتمسحيها عكس اتجاه شعرها علشان تنظف في الإسبوع مرة

أنا عن نفسي أفضّل إذا كمّلوا شهرين ممكن نحممها بالشامبو والموية والشامبو إما يكون مخصص لهم أو استخدمي شامبو نونو أو جونسون للأطفال

بالتوفيق

[esso2080]

شكراً

[Octopus]

كلام الاخت لوسي صحيح مئة بل مئة

[esso2080]

طيب انا الحين مضطرة احميها
لانها راحت الليتر بوكس ووسخت نفسها

[Octopus]

طيب انا الحين مضطرة احميها
لانها راحت الليتر بوكس ووسخت نفسها


اذا كان عمرها شهر و نصف فما ينفع تسبحيها لانها صغيرة في العمر و افضل عمر ل السباحة لدى الكيتن هو عمر الشهرين و بين 3 شهور

[esso2080]

طيب انا حميتها بشامبو بيبي جونسون ونشفتها ونامت وصحيت وقاعدة تلعب وكل شي تمام

[Octopus]

طيب انا حميتها بشامبو بيبي جونسون ونشفتها ونامت وصحيت وقاعدة تلعب وكل شي تمام


ممكن عمرها لان ماقلتنا عمرها يالغالي

[esso2080]

عمرها حوالي خمس او ست اسابيع يعني خمس واربعين او خمسين يوم

[esso2080]

هيا فعلاً كان يبغالها ترويش وروشتها

[شاهستا]

اهلا بيكى

استحمام دلوقتى لا بلاش

وياريت صوره للقشره عشان لو قطريات نلحق نكتشفها

تقدرى تشغلى التكييف بس ميكنش بارد اوى وكمان ياريت هى تنام فى مكان يكون بعيد عن تيار الهوا

وتغطيها

[esso2080]

طيب انا حمتها بشامبو بيبي جونسون ونشتها وسرحت شعرها

[esso2080]

عشان القطة في السن ده امها الي بتنضفها ودي امها مش موجودة

[شاهستا]

مفروض مكنتيش حمتيها اوك نشفيها كويس جداا

وابعديها عن اى تيار هوا

ومتسرحيش القط بعد الاستحمام على طول عشان شعره ميتقطعش

[esso2080]

للاسف الشديد لقيت شعر من شعر القطة واقع بس كتير يعني كل ما تنام حوالي ٢٥ شعره بتقع ده عشان تغيير الفصول ولا عشان سرحتو بعد ما حميتو

[بلاك بيري]

انا انصحك بعدم تشغيل المكيف لعدم اكتمال تكون جهاز القط المناعي بعد والمسؤول عن حمايه الجسم من الأمراض

بخصوص الشعر انا ما اشوف فيها مشكله لكن بصراه انا احب اغسل كل قططي بشامبو مضاد للفطريات مثل نيزورال او فافو

تحياتي

[شاهستا]

الشعر الى بيتساقط دة عشان انت مشطتها بعد الاستحمام مباشره

[esso2080]

شاهستا سؤال ضرووووري مستعجل القطة حالها اسهال وحسيت انها سخنة مش بتلعب ولا بتتحرك وعلى طول نايمة ومش عايزة تاكل اي حاجة وبرازها لونه اصفر وعملت حوالي تلات مرات ورا بعض دكتور كلمته بالتليفون بس دكتور بشري قالي اديها فيفادول وربع قرص فلاجيل٥٠٠ ادوبو في مية واديه لها بالسرنجة و واحد سم فيفادول عملت كده بعدين قعدت تريل شوية ونامت ايه الحل وهي عندها ايه بالضبط

[شاهستا]

هى رجعت اى رغاوى بيضا
القطه صغيره على جرعه العلاج دى وممكن يجلها تسمم

لو لاقتها بترجع رغاوى بيضه قولى على طول عشان نلحقها

وعلاج الاسهال انتنيال لاطفال 1 سم مره فى اليوم

ووقف كل منتجات الالبان اكلها فراخ مسلوقه ودراى فود وبطاطس مسلوق

[esso2080]

عفواً خطا في الكمية مش واحد سم واحد مل من الفيفادول وكمية الفلاجيل ربع قرص مذاب في ماء ومش كلو ٢مل
تاني حاجة هي رجعت رغاوي بيضة وقعدت امسحها لها وراحت نامت وبعدين صحيت اكلت رز مسلوق وحتت سمك مشوي

[شاهستا]

مادام الترجيع وقف يبقى مفيش مشكله ان شاء الله

والرز كويس للاسهال جدا

خليه فى مكان دافى ولو حصل اسهال تانى الافضل انك تديله انتينال لاطفال

او فرجيل لاطفال

ابعدى عن البرشام عشان الجرعات بتختلف وكمان بيكون مر جدا لما يدوب

[esso2080]

يعني كان بيرجع رغاوي بيضة مش عشان الجرعة كتيرة عشان مر صح؟
طيب اديلو جرعة تانية تحسباً لو حصل اسهال تاني ؟
سؤال كمان براز القطة لونه اصفر ده عادي هو من زمان اصفر احيانا بيبقى بني بس اغلب الاحيان اصفر

[شاهستا]

عشان القط لسه كيتن

الترجيع وقف ولا مستمر ؟

[esso2080]

شاهستا معلش سؤال كمان انا قريت عالنت ان الفيفادول مادة مسممة بالنسبة للقطط ولازم يتعمل لها غسيل معوي فوراً والا هتموت بالبطيء وكلام يخض ايه مدى صحة الكلام ده؟

[esso2080]

هو مش ترجيع هو ترييل رغاوي بيضة والحمد لله بطل

[شاهستا]

تمام
مش عارفه حقيقى عن الفيفادول بس مادام مفيش ترجيع يبقى خير ان شاء الله

المهم متديهوش للقطه تانى

[esso2080]

طيب اديها جرعة فلاجيل تانية ولا لأ ؟؟هيا دلوقتي احسن من الاول بس مش استعادت نشاطها ١٠٠٪ بس احسن من الصبح
وبالنسبة للرغاوي البيضة دي ده ترجيع بس القطة صغيرة ولا ده ايه بالضبط ؟؟؟؟

[Octopus]

طيب اديها جرعة فلاجيل تانية ولا لأ ؟؟هيا دلوقتي احسن من الاول بس مش استعادت نشاطها ١٠٠٪ بس احسن من الصبح
وبالنسبة للرغاوي البيضة دي ده ترجيع بس القطة صغيرة ولا ده ايه بالضبط ؟؟؟؟

الرغوة البيضاء في الغالب تكون عبارة عن شي مثل منظفات التنظيف مال وعيان و ايضا الديتول و غيرها

[esso2080]

لا هيا كان عندها اسهال

[شاهستا]

اقصد لو رجعت كتير مايه بيضه كده تحسى انها رغاوى دة يبقى تسمم

والفلاجيل استمرى عليه لحد ما تحسى ان البراز بقى طبيعى

[esso2080]

المهم شاهستا انا هديها جرعة فلاجيل تانية بتفس الطريقة الي قلت لك عليها الفرق بين الجرعة التانية والاولى ١٢ ساعة عشان اتاكد ان الامعاء نضفت
تمام كده ولا ايه؟
وبالنسبة للاكل انهاردة كلو رز وسمك ومية مفيش منتجات البان خالص بكرة فراخ مسلوقة ورز وبعد بكرة هديها لبن بس كميات بسيطة
لو سمحتي تردي عليا في اسرع وقت وشوفي الحجات الي قلت لك عليها كلها تمام ولا ايه ولو في حاجة غلط قولي لي
وشكراً بجد الله يجزاك خير

[esso2080]

استمر على الفلاجيل قد ايه كل اتناشر ساعة ولا ايه

[شاهستا]

بلاش لبن دلوقتى خاااااالص

لما تلاقيها تمام ابقى شربها لبن

وكده كله تمام بس ياريت الفلاجيل زى ماقولتلك يبقى شراب

[esso2080]

الفلاجيل كل اتناشر ساعة ولا مرة واحدة في اليوم؟؟؟؟

[esso2080]

طيب ايه خافض حرارة مناسب للقطة في السن ده

[شاهستا]

كل 12 ساعه

خافض للحراره نوفالجين

بس خلى بالك دة تقيل جدا للقطط يعنى جرعته تكون بحذر

وكمان قبل كل جرعه لازم تقيسى درجه حراره القطه بالترمومتر لو حرارته كويسه

يبقى متديهوش

[esso2080]

طيب القطة باقت مية مية وبتاكل احسن من الاول كمان وبتجري وتنط وتلعب وكل حاجة تمام الحمد لله بس معملتش براز من امبارح الصبح من ساعة مكان عندها اسهال بس بتعمل بول لكن براز لا بقالها اكتر من اربعة وعشرين ساعة

[esso2080]

كمان القطة عندها عماصواحمرار حولان عيناها احط لها مكسنرول ؟

[شاهستا]

خلاص يبقى كدة توقفى علاج الاسهال

والعنين هتنضفى العين بقطنه مبلوله مايه دافيه

وقطرى ليها من قطره لوكسترا او بروزلين

[esso2080]

طيب انا عندي هنا متوفر مكسترول عشان بروزلين اصلاً مش بتتباع غير في مصر
مكسترول قطرة مضادة للاالتهاب برضو

[شاهستا]

حقيقى مجربتهاش
بس فى فى السعوديه لوكسترا

[esso2080]

طيب في قطرة اسمها trillerg دي قطرة معقمة للعين وشرياها من مصر

[شاهستا]

مادام معقمه يبقى مفيش مشكله ان شاء الله

[esso2080]

طيب شكراً جدا
معلش تعبتك معايا سؤال تاني
القطة لما جالها اسهال بطلنا نأكلها منتجات الالبان وهي لسه متفطمتش تمام
شهيتها مفتوحة جداً لاي حاجة غير منتجات الالبان بتحب رز وفراخ مسلوقة سمك مشوي اي حاجة غير منتجات الالبان ابطل اديها لبن ؟

[شاهستا]

لو بتديها لبن الى احنا بنشربه وقفيه لان دة مضر
وده الى بيسبب ليها اسهال
لكن تقدرى تديها لبن اطفال خالى من الاكتوز او لبن خاص بالكيتن
وتقدرى تاكلايه بيض مسلوق ، زبادى ، جبنه نستو