استشارة

[الهاشم]

السلام عليكم

انا عندي بلوفرونتد عمره تقريبا سنة و 8 شهور
الحين الجو حلو فعادتا اطلع اذاكر في الحديقة اللي قريب الشقة واخليه مسكين في الشقة لحاله داخل القفص
احسه يطفش من كثر القعدة فيه
فرايكم هل اخذه معاي يعني ما بطير هو متعود علي واجد والحديقة فاضية
المشكلة ما اقدر اقص جناحه لان ما يخليني امسك جناحه والبيطري مسافر

ويش رايكم او اي احد عنده فكرة ثانية
طبعا مستحيل اخذ القفص لانه كبير

[eaglesa38]

عليكم السلام

اغلب اصحاب الطيور يكون عنده قفصين
قفص كبير للبيت وقفص عادي للطلعات
تقدر تشتري قفص عادي بحيث يكون سهل عليك تاخذه معك لاي مكان
اما اذا الطير الجناح كامل لا تأمن انه ما يطير
لان طارت طيور جدا اليفة مع اصحابها ومتعودة تطلع ايضا خارج البيت
لكن الطير بمجرد يمسك الخط لا ترتجي رجعته
نصيحة اما تقص جناحه او تخليه داخل القفص العادي اثناء وجودكم بالحديقة

تحياتي
ابورضا

[the_gostman]

اخي الفاضل.. انا ايضا مع أخي eaglesa38 اقدم له كل الشكر
انصحك بأخذه بقفص صغير ليسهل حمله.. لانه أكيد رح يزهق..تغير الجو ضروري جدا للببغاء..

كل التوفيق

[الهاشم]

المشكلة المدينة اللي انا فيها ما فيها اقفاص للبغبغاء
ما في الا انتظر لين يرجع البيطري واقص اجنحته

[KoKo10]

السلام عليكم ..
اخوي تقدر تاخذ لك قفص صغير و حتى لو ما في بمدينتك تقدر توصي و يجيك خلال يومين او ثلاث ..
بالنسبة لـ موضوع الخروج لو ان الطير الي عندك كاسكو كان لقيته الان منتف ريشه و داخل بـ كآبه
حاول تعتني بالطير و تذكر انك ماخذ حريته فـ عوضه بالاحسن .. اذا ما عندك الوقت الكافي لتربية الطير و عدم ظلمه بيعه و لما تتفرغ جيب واحد ,, عندك عدة حلول اولها القفص ثانياً قص الجناح ثالثاً في طوق يتلبس للببغاء و تعلقه بـ اصبعك و تتركه وين ما يروح يروح بالنهاية يبقى معلق بـ حلقة باصبعك و ما يقدر يطير لمسافات .. و في منها اطوال متعددة .. موفق عزيزي