مسلسل نتف الريش - الحلقه الثالثه (HELP)

[Arashi]

السلام عليكم ورحمة الله وبركاته


مع اني قررت اترك الامر بدون ما اسوي شي...لكن تشجعت استمر بعد ما لقيت الريش يظهر في جسم الكاسكو بشكل عجيب :88:

منطاق ظهور الريش:

-عالاجناب يمين ويسار الرقبه
-الظهر والصدر
-شي بسيييييييييط على الرقبه
-الجناحين لا شيء مع الاسف

هذي مشاركه تشرح مشلكتي بالتفصيل (أهم شي بالازرق) :

http://www.2zoo.com/vb/showpost.php?p=2873954&postcount=31

اوكي...امس رحت للصيدليه البيطريه...قالت الصيدالنيه مستحيل تكون حاله نفسيه وان السبب نقص فيتامينات او ممكن دود في البطن

وعلمتني الاتي:

-استمر في الترويش والتشميس اليومي
-اوقف الفيتامينات السائله المخففه...وبدالها اعطيه مرتين في الاسبوع كبسولة فيتامينات مركّزه مباشرة في الفم...يعني ادخل البودره في منقاره غصب
-كبسولة لقتل الديدان في المعده كل 12 أسبوع (ونفس الطريقه للفم مباشرة)
-عملت لي جدول غذائي للبغاء كالاتي: (يوم فواكه فقط - يوم خضار وقطعة ثوم - يوم قطعة جبن وخبز - يوم حبوب مع تفاح - يوم حبوب فقط)
-طبعا الالوفيرا نصحتني فيه ولو انها تجوفه مب ضروري...لكن ماقدرت اوفرها لحد الحين بس لقيت احد يجيبها وقريب تتوفر باذن الله + اقترحت علي أحط له مرايا في القفص واشتري له جرس يلعب فيه


بديت بالعلاج والنتيجه:

-اليوم الاول كان يوم الحبوب ومشى تمام
-اليوم الثاني يوم الفواكه: تقبّل التفاح لكنه مارضى ياكل الكميه اللي تشبعه...رفض البرتقال والفلفل الاخضر البارد والخبز والخيار والخس...جن جنونه لأني حرمته من الحبوب يوم كامل فبدا يرجع عصبي وقام ينتف فركضت بسرعه اعطيه حبوب (هو من زمان اساسا ما يحب الخصار والفواكه وياكلها بكميه بسيطه جدا)
-الكبسولات ماقدرت أدخل في حلجه الا اقل من ربع الكبسوله فقمت خلطت الفيتامينات السائله الخفيفه مع الماي هالليله بس
-علّقت له لعبه يحبها داخل القفص لكنه كره فكرة شي معلّق وقام يتصارع مع اللعبه وينتف ريشه فشلت اللعبه على طول



تطوّر النتف:

اكثر شي ينتف الريش الابيض في الرقبه وخلفها وعند المؤخره قرب الفخذين...الريش الجديد الاحظ انه يرتبه...ريش الجناح يتعرّض للشد ويصير منكوش لكن نااااااادر جدا ما ينتف ريشه وحده...أحيانا النتف يتوقف ايام ولو رجع يرجع بشكل خفيف


الاسئله هنا:

1-هل ممكن أخلط بودرة الكبسوله في ماي واعطيه اياها بالابره دفعه وحده؟
2-بما انه يحب الحبوب بجنون...فهل ممكن أعطيه الفواكه مره وحده في اليوم فقط والباقي كله حبوب؟ كذلك يكون معظم اعتمادي عالفيتامينات..وراح اشتري منها شي يشبه الرمل مليان فيتامينات واخلطه مع الحبوب...ينفع؟
3-بما ان توفير الطوق مستحيل وزيت الزيتون ما نفع...ايش ممكن اسوي عشان أمنعه من النتف؟
4-هل كلام الصيدالنيه صحيح وهو ان النتف له علاقه بالفيتامينات وليس الحاله النفسيه؟ علما بأن البراز الله يعزكم طبيعي جدا ونشاطه ممتاز وياكل طبيعي...الصراحه مب مقتنعه بكلامها لأن هالببغاء نفسيه وعصبي...وما خفّت عصبيته طول هالستة شهور من التدريب والدلال واللعب وتنويع الاكل إلى أن تفاجأت إلى تحوّل الحاله إلى نتف مع بدء عملية تبديل الريش (القلش)!!


صوره لآخر التطورات (ممكن أصوّر اكثر لو تطلّب الامر)


قبل


http://www7.0zz0.com/2013/04/17/20/129010768.jpg (http://www.0zz0.com)

http://www7.0zz0.com/2013/04/17/20/574513178.jpg (http://www.0zz0.com)

http://www7.0zz0.com/2013/04/17/20/996365340.jpg (http://www.0zz0.com)

الان

http://www10.0zz0.com/2013/05/14/21/608758294.jpg (http://www.0zz0.com)

والقفص نظيف جدا لا أثر للريش اللهم القليل من الريش القطني ^^
بكره باذن الله بجيب صور للريش الجديد والقفص :12:


أتمنى احد عنده الحل ويتابع معاي المشكله حسب امكاناتي لو يقدر :(
اعذروني عالاطاله :shy:

[Arashi]

صور التقطتها اليوم بعد الترويش بساعه

http://www10.0zz0.com/2013/05/15/15/718090619.jpg (http://www.0zz0.com)

http://www10.0zz0.com/2013/05/15/15/612341684.jpg (http://www.0zz0.com)

http://www10.0zz0.com/2013/05/15/15/523773918.jpg (http://www.0zz0.com)

http://www10.0zz0.com/2013/05/15/15/542012530.jpg (http://www.0zz0.com)

http://www10.0zz0.com/2013/05/15/15/851230544.jpg (http://www.0zz0.com)

وهاذي صورة للريش المنتوف داخل القفص (خلال 10 ساعات تقريبا)....هالشي ما اجوفه كل يوم لكن لما يصير ينتف هذا اكثر شي ينتفه

http://www10.0zz0.com/2013/05/15/15/239547473.jpg (http://www.0zz0.com)

[فهد 77]

الله يعنيك ي اخوي انت استمر على العلاجات وان شاء الله يرجع ريشه احلى من اول

اعذرني ماقدر اساعدك لان ماعندي خبره ف هذي الحاله

[Arashi]

تسلم اخوي ^^
الحمدلله الوضع وايد احسن من قبل وبدا يظهر ريش جديد

http://www10.0zz0.com/2013/05/15/15/542012530.jpg

لكن النتف لازال موجود ولو بشكل خفيييييييف جدا جدا...فقط أحتاج أحد يتابع معاي لأن الطير مب متقبل علاج الصيدالنيه...اكيد لازم أغيّر بس مب عارفه شلون بالضبط ):

[Arashi]

ولا رد؟ ):

[fawzi]

هلا اخوي انا انصحك انك تحطله طوق حول. الرقبه كي يمتنع عن النتف لانه اذا صار ينتف بيصير عند الطير عاده ماراح يوقف في النتف حاول انك تغير سلوك الطير حاول انك تنوعله من الالعاب داخل القفص حاول دائما تلهيه علاشان يترك عنه عاده النتف واقولك على شي ترى النتف مافيه. له علاج اسال مجرب ولاتسال طبيب والنتف. مراحل ونصيحه حاول انك تلحق عليه. والله سبحانه. الشافي.

[Arashi]

تسلم اخوي ^^
-ذكرت في مشاركتي اني ماقدرت ادبّر طوق...مع الاسف ماينباع في الصيدليه ولا متوفر عند البيطري
-الالعاب يمل منها بسرعه مع اني اغيرهم كل يوم
-احاول ألهيه كل يوم عالاقل ألعب وياه كم مره وكل مره من 10 دقايق إلى نص ساعه...لكن مجرّد ما أتركه ممكن يرجع للنتف وممكن لا...انا وحظي
-اهم معلومه نسيت أذكرها هي ان الطير من النوع العصبي والمتوّر من اوّل ما اشتريته (من ستة أشهر) والطبع هذا ماتغيّر وربما أدّى الى النتف

انا حطيت صور توضّح ظهور ريش جديد وان النتف خف بشكل كبير...لكن كانت عندي أسئله وهي:

1-هل ممكن أخلط بودرة الكبسوله في ماي واعطيه اياها بالابره دفعه وحده؟
2-بما انه يحب الحبوب بجنون...فهل ممكن أعطيه الفواكه مره وحده في اليوم فقط والباقي كله حبوب؟ كذلك يكون معظم اعتمادي عالفيتامينات..وراح اشتري منها شي يشبه الرمل مليان فيتامينات واخلطه مع الحبوب...ينفع؟
3-بما ان توفير الطوق مستحيل وزيت الزيتون ما نفع...ايش ممكن اسوي عشان أمنعه من النتف؟
4-هل كلام الصيدالنيه صحيح وهو ان النتف له علاقه بالفيتامينات وليس الحاله النفسيه؟ علما بأن البراز الله يعزكم طبيعي جدا ونشاطه ممتاز وياكل طبيعي...الصراحه مب مقتنعه بكلامها لأن هالببغاء نفسيه وعصبي...وما خفّت عصبيته طول هالستة شهور من التدريب والدلال واللعب وتنويع الاكل إلى أن تفاجأت إلى تحوّل الحاله إلى نتف مع بدء عملية تبديل الريش (القلش)!!

[A3z_ansan]

اختي الطوق مو شرط يكون من المحلات انتي خذي غطاء حق الموكاء او اي شيء زيه ( عشان حجم الغطاء قلت موكا ) ووسعي الغطاء يكون على حجم الرقبه واقطعي من اي جهه الين الوسط يصير يفتح زي المقص ويرجع من نفسه وبعدها ركبيه وانشاء اللهه اكون افدتكك


اخوك اعز انسان

[A3z_ansan]

وانا اسوي لببغائي اككله تفيييده واكل الببغوات رح تاكلها انشاء اللهه


اول شيء

جيبي ذرهه

وفاصوليا غير جاهزة

تكون حبوب مو كااملهه

وجزر قطعيه صغااار مربعات

وخذيلك صحن غير الي فيه الحب حقه وحطي من كل نوع شوي الين يتعبى الي رح تقدمينه فيهه

عشان ما تزيدين الكميه وينرمي على الفاضي

وبعدها حطيها بقدر صغير وحطي مويه وخليها ربع ساعه واذا خلصتي صفي المويه وحطيها بنفس الصحن الي شفتي فيه الكميه حطيها فيه وحطي مويه داافيه عشان يبرد شوي ما نبي نقدمهه حااار ولا بااارد وسط

وحطي شووووويه ملح بس عشان ياكل كثير وتفيده


واذا فيه حبوب ثانيه تبين تحطينها حطيها

هاذي ما فيهه ببغاء انشاء اللهه ما ياكلها


قدميها له كل يومين وبين كل يومين

عطيه طمامط مقطع صغار وعليه شوووي ملح

واليوم الي بين حق الذره والاشكال ذي

نوعيله حتى لو ما اكل عادي ولا تشيلين الحب خليه

وبقولك امثله على الاكل الي تقدمينه


1-خس وخيار وشووي طماطم وقدميه بدون ملح


2-خيار وجزر وكرمب مقطع

3-وروحي اي محل حق مكسرات وخذيلك تشكيله مخلط من كل نوع بدووون مللح ابداء لانه الحب مع الملح ينشف ورح يرجع ينتف ذوقي قبل تعطينه وعطيه اصغر من كبشت اليد بالاصابع

4 واهههم شيء اذا سرتي مسويه غداء انتي واهلك كبسه او اي اككله عطيه شوي رز من اي نوع سوائا كان
ابيض او احمر اهم شيء بدون بهارات كثير عشان ما تحرقه وتسببله اضرار

5- اذا باقي عظم من الدجاج عطيهه


وكل الكلام الي قبل شوي على مسئوليتي واذا صار لببغائك اي شيء انا المسئول ولكك مني ببغاء ثاني


وشككرا

[A3z_ansan]

واختي عطيه عضم الفخذ او اي عضم كبير عشان لو عطيتيه صغار ممكن يبلعها بالغللط عطيه الي قلتلك وانشاء اللهه الفرق رح تلاحظينه في اقل من اسبوعين انا حقي لاحظة الفرق في اقل من اسبوع ونص وكثير الفرق وانا اسف على كثر الرد بس كل شوي اتذكر شيء ما قلته اعذرروني

[A3z_ansan]

واختي انتي كتبتي زيت الزيتون ما نفع


الزيت الي مفروض تستخدمينه زيت الصبار طبيعي 100%
مو زيت الزيتون

[Arashi]

تسلم اخوي وردودك قريتها كلها...اهم شي انها بتالفصيل وهذا اللي احتاجه والاطاله تفيدني جدا ^__^
بعض الامور جربتها مثل الجزر والخيار وعظم الدجاج لكن ما تقبلهم...يمكن احيانا ياكل شوي من الجزء بس يكون مفوّح
جربت التفاح والفلفل الاخضر البارد وايضا ياكل قليل جدا...البرتقال والليمون ماحبهم بالمره

راح أجرب الذره والطماطم والارز باذن الله ^^
الملح اكيد ما يضرّه؟ البعض يحذر منه @.@
زيت الصبار حصلت احد يجيبه بس بياخذ له كم يوم ^^

وكل الكلام الي قبل شوي على مسئوليتي واذا صار لببغائك اي شيء انا المسئول ولكك مني ببغاء ثاني


لا ابدا انت ماقصرت واللي يصير بكون قضاء وقدر (ان شاء الله يصير خير)
لو علي مب ماخذه منك ثاني الا بعطيك اللي عندي ببلاش وارتاح منه ههههههه XD

شكرا مره ثانيه..بجرّب الي قلته كم يوم وارجع اكتب النتيجه باذن الله ^^

[Arashi]

نسيت أسأل...الطوق كم يوم أخليه عليه؟ @.@

[A3z_ansan]

اختي اذا. وقف انصحك لا تحطينه او اذا خفيف النتف خليه

عشان يمكن يرجع ينتف من الخوف او عشانه يزعجه


واقصد يرجع ينتف بعد ما تفكينه

بالنسبه كم يوم مو متاكد يبيلها واحد خبير بالبيطره شوي او باقي اعضاء المنتدى

[Arashi]

^^^^
اوكي...هو النتف عنده قليل جدا واخيرا اليوم اكتشفت السبب الرئيسي ^_^
لاحظت انه ينظف ريشه ويرتبه عادي لكن لما يجي عند الجناح يقعد ينظف جزء وينتف جزء والسبب ان جزء من الريش صاير يابس (اظن بسبب زيت الزيتون)...هني يتضايق من الريش اليابس فيقعد يجرّه عشان يرتبه غصب...يعني مثل اللي شعره خشن ويمشطه بالقوّه...هني ريشه او ريشتين صغار ينقصّون عن غير قصد من قوّة الجر..وهو لما يحس بألم تصيده قشعريره مرّه مرّتين فيوقف جر (هذي فرضيّه حاليا مب متأكده 100%)

اما الريش اللي ينتفه متعمّد (او بالاصح يشيله) هو الريش القطني الابيض اللي ظهر بشكل كبير في جسمه لأنه في مرحلة تبديل الريش وهذا قالوا لي انه امر طبيعي ولازم يشيله ^_^

يعني الحين بس محتاجه أخلّي ريشه يصير ناعم وتنتهي المشكله باذن الله ^_^

بالنسبه لنصايحك بخصوص الاكل فلاحظت انه يكره الأكل اللين او اللي فيه نسبة من الماء...جبت له بسكوت وخبز توست ومكسرات (مثل ما قلت لي ^^) اجوفه ياكلها بشراهه...راح أبحث عن فواكه مجففه تكون يابسه يمكن يحبها


بالنسبه للصبار...هل بخلي ريشه ناعم ولا يابس مثل ما عمل زيت الزيتون؟ وكيف أدهنه بجسمه؟ مثل ما هو على طول ولا أخلطه بماي؟ وكم ساعه اخليه على جسمه؟

[A3z_ansan]

اختي بالنسبه بزيت الصبار اسالي اخونا الكبير بلاك بيري انشاءالله يرد عليك بجواب يفيدكك

[Arashi]

بسأله باذن الله وشكرا على كل شي ^_^

لاحظت شي ثاني وهو وجود شي مثل البودره في جسمه حتى لو اروشه وايد...لما ينظف ريشه يصير منقاره أبيض @@

[A3z_ansan]

عادي هذا عشان الريش يحافظ عليه مهما نظفتي يرجع حتى ببغائي كذا

[Arashi]

مع الاسف...اليوم لأني طلعت من العصر لين اخر الليل الاخ رجع ينتف بكميات كبيره من جديد
الحمدلله ان النتف كان من تحت الجناح ومافي أثر واضح...والحمدلله انه ما مسك الريش الجديد لحد الحين
مع اني تركت له اكل والعاب >_>

كنت أتمنى أبيعه بسعر أعلى لأني علمته الكثير من التصفيرات ويركب عاليد وعالكتف
لكن الحين أتمنى بس لو أبيعه بنفس سعره اللي اشتريته وهو فرخ متوحش...تتوقعون احد بياخذه؟ ):

[monybat]

اعتقد انك عند معالجته راح ترفض تبيعه
استمر على الترويش والتشميس مهم جدا
الاكل ضع الاكل اللي يحبه له وان شاء الله خير

[monybat]

اعتقد انك عند معالجته راح ترفض تبيعه
استمر على الترويش والتشميس مهم جدا
الاكل ضع الاكل اللي يحبه له وان شاء الله خير

[Arashi]

انا فقط مستعجله أبيعه بسبب مشاغلي وهو مايحب أتركه أكثر من 6 ساعات...لما يصير هالشي يقعد ينتف مهما اوفر له من اكل والعاب...وانا اليوم روشته قبل ما اطلع من البيت لكن غيابي هو سبب النتف (لكن الحمدلله ما نتف من مكان واحد ومافي اثر واضح)

هو يحتاج بيت مليان ناس والصاله تكون فيها حياه...بيتنا مب من هالنوع مع الاسف وهو مايحب الهدوء ):
طبيعته كثير الحركه واللعب والتصفير ويحب احد يعطيه اهتمام طول الوقت لدرجه انه يصفر للرايح والجاي

احس علاجه انه يروح لبيت فيه هالمواصفات بس مابي اخسر سعره...نفس السعر يكفيني عشان اشتري غيره عالاقل -__-

حسب شخصيته عارفه الطوق بجننه وممكن ينتحر...رراقبت حالته عدل واستنتجت ان البيئه مب مناسبه...الدليل انه ما تروّض 100%..معاي 85% ومع الاهل 50% لأنه مايجوفهم

[fawzi]

اختي انتي اجبتي علي سوألج بنفسج يعني الطير محتاج اهتمام ومكان فيه حركه لاكن انا يالنسبه لي ان بعض الحالات لايوجد لها علاج طبي والعلاج يكون تأهيلي وهذا شي مررره مهم لان نتف الريش له مراحل واسباب ومن ضمن الاسباب قد تكون مرض جلدي او مرض نفسي انا طيري مشكلته اكثر من طيرج والحمدلله قدرت بفضل الله اني اخفف من حده النتف الي درجه انو وقف ينتف لاكن صار عنده مشكله الريش غير مرتب وخصوصا الذيل والصدر لاكن احس انه فيه تحسن وصدقيني مهما رحتي عيادات الطيور ماراح يعطونج اي علاج مفيد لانه العلاج تأهيلي . والطريقه هي انج تغيري سلوك الطير ويفضل وضعه في حديقه المنزل ويفضل ايضا وضعه في مكان يكون مفتوح ومرتفع هذه الاشياء راح تغير من نفسيه الطير .والموضوع يحتاج صبر .

[Arashi]

^^^
صح انا عرفت مشكلته وجربت اعطيه اهتمام اكثر فصار طماع يصرخ لو هديته ثانيه وحده حتى لو الاهل قاعدين معاه يلاعبونه...الحين يشتكون من صراخه ماعرف شاسوي...الالعاب شريت له فوق العشره وصار يمل منهم ومايبي شي...لما أطلع لمشوار طويل وارجع احصله منتف زياده...يعني جنيت عليه لما لاعبته وقعدت وياه اكثر
كل ما زدت اهتمام زادت حاجته اكثر
حديقة المنزل...هو يخاف من الاصوات اللي تجي من الخارج مثل السيارات والطيور...خوفي يصير الوضع أسوأ...شلون عالجت طيرك؟ ممكن أجرّب طريقتك دام نجحت ^^
ومافهمت قصدك من تغيير سلوك الطير...يعني ما أعطيه اللي متعود عليه وانوع في تعاملي معاه؟

[A3z_ansan]

تغير السلوك يعني غيري نضامك يعني النوم أكثر وقت اللعب غير الأكل نوعي أكثر أشياء تسوينها له دايما غيريها خليها بين كل فتره وفتره اذا كان مصيود وما نفعة كل هالاشياء ابدا جيبيله اشجار صناعيه وورد واشياء الي في الغابه وحطي مرايه وخليه يشوف نفسه يعني المرايه على الشجر تكون من وراها ورق شجر وخلي القفص قريب من هالاشياء بحيث انه ما يعضها ابداء عشانها صناعيه وفيها مواد ضاره وانشاءالله الطير يتغير بنسبة50% للافضل

اخوك عبدالعزيز

[Arashi]

بعد قراءتي لردين اخوي فوزي واخوي أعز انسان (جزاكم الله خير ^^) قمت بالاتي:

-غيرت النظام وخليته عشوائي...يعني كل يوم افاجأه بشي جديد...الحب كل يوم اعطيه لكن احيانا يحصل في صحنه فواكه او بسكوت او خبز
-وقت النوم يتغير من 10-12 في الليل (أغطي القفص عشان ينام)
والصبح يريّح كم ساعه...والعصر يبدأ وقت نومه ما بين 4-6 قريب المغرب...اروشه في هالفتره بعد او قبل ما ينام
-الالعاب انوعها له كل يوم وانا بنفسي العب وياه دقايق + أحطه على يدي اداعبه او على كتفي مثل ما يحب (وقت اللعب والمداعبه مب ثابت احيانا اعطيه وقت قصير واحيانا اطوّل وياه حسب وقتي)
-المرايا اجوفه مايهتم للمرايات...شوي يلحس المرايا ويتركها خلاص فما نفعت وياه
-الاغصان والورود يدمرها واحيانا يمل منها فما أحطها له كل يوم عشان يشتاق لها (يقول صاحب المحل انه طير مزارع مش مصيود)
-الفيتامينات أعطيه نوع مركز مرتين في الاسبوع فقط مع الماي


النتف الحين خفيف جدا...اكثر شي اجوف الريش القطني...ولو في معاه ريش رمادي يكون جزء صغير من ريشه كامله او ريشتين صغار في اليوم...ظهر له ريش زياده الحمدلله ومنطقة الصدر تغطت بالكامل بالريش الخفيف وقليل من الريش الرمادي...هل هذا تقدم؟

لكن مشكله جديده ظهرت وهي كثرة الصراخ...لما يجوفني انزل او اطلع يقعد يصارخ بجنون ويسبب ازعاج لأهل البيت...هل تعلّق فيني من بعد ما غيّرت طريقتي معاه؟ وعندي شعور ان هالشي بخليه ينتف ريشه من جديد لو سافرت او شي..ايش رايكم؟ @_@

[Arashi]

نسيت اقول شي...النت يكون مع التنظيف...ينظف ريشه لكن لما يجي للجناح يبهدل الريش وينتف بعضه...مادري ليش كاره الجناح بالذات خاصة اسفل الجناح والطرف