بدي اسافر وعندي مشكله :(

[محمد راك]

مرحبا يا شباب يا ريت حد يقدر يقدملي المساعده في اقرب وقت
انا مقيم في الامارات وبعد شهر راح اسافر على الاردن المشكله انه مش عارف وين احط الدجاج الي عندي وبصراحه انا مش حابب ابيعهم لاني مربيهم من صغرهم

وللاسف ما في حد يقدر يدير باله عليهم :(

شو ممكن اعمل عشان احافظ عليهم

اعطوني اقتراحاتكم




شكرا للجميع

[إحساس رسام]

اعتقد اخوي في محلات في الامارات بتبيع الحيوانات او مزارع .. وفي نفس الوقت ممكن يعتنو فيها بمبلغ شهري طبعا مقابل التغذيه والاهتمام فيهم !!
تقبل مروري

[محمد راك]

اشكرك على المرور الجميل

انا مش حابب اطلعهم من البيت لو في حد يجي البيت ويعتني فيهم مقابل مبلغ مادي بسيط يكون افضل حل

انا افكر في فكرة بس ما اعرف هل هي جيده او لا


الفكرة اني احط لهم اكل وماي بكمية كبيره تكفيهم المده الي بسافر فيها

[إحساس رسام]

صعبه للبيت تعرف خصوصيات الا اذا صاحب لك او قريب .. وبخصوص وضع الاكل بكميه كبيره .. اذا مدة الاقامه في الاردن اكثر من اسبوع انصحك بالتفكير في حل آخر

[محمد راك]

مدة الاقامة تقريبا من شهر الى شهر ونص

والله مو عارف ايش اسوي :(

[رائد ملكاوي]

لا ما يزبط تحط اكل ومي بكمبات كبيرة

ومدة شهر راح تتركهم فيها؟ كثير كثير هيك

وايش قصدك باللي انت ذاكره وهاد اقتباسه



انا مش حابب اطلعهم من البيت لو في حد يجي البيت ويعتني فيهم مقابل مبلغ مادي بسيط يكون افضل حل



والله يوفقك

واذا كان ولا بد بيعهم احسنلك، بدل ما يموتوا

[محمد راك]

طيب شو الحل برايك شو اعمل

قصدي واحد يجي يعتني فيهم مثل مزارع او شي مثل هيك

[محمد راك]

المشكله مستخسر ابيعهم فقسوا عندي بلبيت

[رائد ملكاوي]

ما في حل

لأنه انت مسكر كل الحلول يا غالي

[رائد ملكاوي]

بيعهم واخلص منهم وارتاح من همهم ومسؤوليتهم

[محمد راك]

اخ رائد شو المشكله الي ممكن تصير اذا حطيت اكل وماي بكمية كبيره ؟

[billy]

حط اكل ومي بطريقة صحيحة يعني استعمل ماكلة كبيرة وخلي حدا كل 4 ايام يطمن عليهن ويحطلن اكل ومي ونشلله بتظبط

[bird96]

المشاكل يا اخوي هي ::

اذا توسخت الماء وضلو يشربو منها = امراااض لا تحصى .

اذا الأكل كميته كثيييرة وضلو يأكلو يأكلو ممكن يصيرلهم شي خطير لا سمح الله .

وممكن اذا توسخ الأكل وضلو يأكله منو امراض عديده .

وصي احد الجيران .. احد الأقارب .. احد الأصدقاء .. مو معقول ما الك حد يعتني فيهم او يقدم لهم اكل مرتين في اليوم .

بالتوفيق يا عزيزي . :)

[رائد ملكاوي]

الاكل يمكن يصير فيه ديدان او رطوبة، المهم راح يصير على الاغلب امراض

المي لانها راكدة راح تتوسخ لا محالة وراح يصير امراض الجهاز الهضمي ويموتوا

[فرّي]

حطهم عند الجيران ووصيهم عليهم اكيد بيساعدوك او احد اقربائك

[billy]

اديش العدد؟؟؟؟

[الطرقي1]

أخوي ﻻ تفكر أتحط لهم أكل بكميه كبيره ..هل تعرف بعد ويش بيصير فيهم ..يمكن بيموتو و بتكون انت السبب.

[billy]

هل الدجاج ياكل اكثر من حاجته؟؟؟؟؟

[رائد ملكاوي]

لا ما ياكل اكتر من حاجته

[محمد راك]

العدد مش كبير كثير

7 دجاجات 3 ديوك 29 فراخ صغيره

وفي دجاجه قاعده على 12 بيضه مع العلم انه اول مره تقعد عندي دجاجه على البيض


والدجاج هذا الي عندي ما اشتريته انا سويت حضانه ( فقاسه ) وطلعو منها على شان هيك مش حابب ابيعهم او اخسرهم




وبنسبه للجيران
معروف في الامارات بفصل الصيف الكل بسافر لانه الجو بيصير حر على شان هيك انا بمواجه مشكله


شكلي راح اكنسل فكرة السفر على الاردن

[رائد ملكاوي]

يا غالي

انت عامل مشكلة لنفسك

يعني من الآخر

تحطلهم اكل لمدة طويلة ما يزبط

تتركهم لوحدهم ما يزبط

بيعهم أحسن شي

أو وديهم لعند حدا من معارفك

[محمد راك]

هههههههههههههههههههههههه
والله من خوفي عليهم مش اكثر

في عندي صديق بقدر اخليهم عنده بس انا عارفه انسان مهمل بخاف ينساهم ويموتو

[billy]

خليهم عند صاحبك ونشلله بيمشي الحال ما بعتقد رح يهملون اكتر من يومين بس المهم المي يكون موجود باستمرار وتكل على الله وسافر شهر واحد او اقل وبس ترجع عالجهم هههه

[billy]

اذا كتير بعزو عليك بيع قصم منهم وتروك قصم وجرب لي بيريحك

[رائد ملكاوي]

الخوف من انه مهمل واحتمال ينساهم احسن من انك تتركهم شهر