الكاسيكو حقي وحبه للأندومي!!!! [الأرشيف]

مشاهدة النسخة كاملة : الكاسيكو حقي وحبه للأندومي!!!!

putchi

19-05-2013, 01:48 PM

السلام عليكم

كيف حالكم ان شاء الله بخير؟

اخواني انا لدي فرخ كاسيكو عمره يقارب الشهرين ,يوم شريته من راعيه قالي انه محجل بس ماشفت اي حجل برجولة؟! هو وين المفروض يكون ؟؟

ايضا شي اخر كيف اعرف البراز الصحي للكاسكو؟؟

انا اعطيه اكل تفاح جزر مسلوق حمص مسلوق والحب المشكل الي هو شمسي وسبال , لاحظت شهيته ماشاء الله تنتفتح بالليل وبالقفص يعني على الثنتين بالليل ..

لكن الي مستغرب منه احد العيال حطله اندومي امس بس مغسول من طعم البهارات وكثيررر حبة يمكن عشانه لين ونفس شكل الدودة والله مادري!!

اليوم بعد عطيته حاب اعرف هذا الي اسويه غلط؟!! ويظره او عادي اعطيه!!!!

Bohamad_93

19-05-2013, 02:46 PM

الحجل فيه انواع ذهبي وفضي وفيه نوع يكون كبس .. تلقاه برجوله .. ان مالقيت معناه مو محجل وتقدر تحطله حجل
الحجل علشان تميزه من مكان تفريخه .. الي عندي اياه محجل ذهبي معناه تفريخ من هولندا ..

على كل هو كله ببغاء كاسكو افريقي الحجل هو مكان تفريخه لا اكثر .. او علشان تعرف صاحبه ..

.. لكن بالعادة يكون الهولندي اغلى سعر .. وهذا الشي على حسب المشتري والتاجر .. كنت لازم تفحصه قبل ما تشتريه ..

الاندومي , يسبب اسهال للكاسكو , من باب الحيطة اهتم بالمغذيات الثانية .

الحبوب , فيتامينات الفواكه والخضار ونشويات مثل بطاط وبيض لكن يكون مسلوق .

وان شاء الله خير ... << ويفيدونك الاخوان اكثر

Bohamad_93

19-05-2013, 02:54 PM

كاسيكو عمره يقارب الشهرين

ماشاء الله اهتم فيه ترا بهالعمر حساس , ويتربى ابعزك !

يـوســـف 2020

19-05-2013, 03:10 PM

الفرخ عمره شهرين المفروض للحين ينغر بـ سريلاك المخصص للفروخ فقط ويفيدونك باقي الاعضاء

putchi

19-05-2013, 03:16 PM

هلا والله اخوي اولا اشكر على ردك ومساعدتك بارك الله فيك

ثانيا بالنسبة لطير فاتت عليي سالفة اني اكشف عليه بس بحاول اكش عليه اليوم..

اوك ماراح اعطيه اندموي بجرب البطاطا والبيض المسلوق بس البيض البياض ولا الصفار؟؟

انا عندي الطير لما اطلعة من القفص صعب يطله يود بمنقاره وبريوله بالقفص وبعدين اذا طلع يصير يلحقني ويطلع صوت مو جعير لا كانه يبكي مادري شلون اشرح ولا فاهم شنو يعني هالصوت

فأقوم احك راسه وهو ينزله لي ويسكت واذا اقعد على القنف يجي تحت ويطلع نفس الصوت اشيله واحطه بحظني وامسك راسه ويسكت وينام هذا وش تفسيره؟

سامحوني على كثر الاسئلة اخاف اسوي شي غلط ويصير بذمتي هالطير

وبارك الله فيكم مقدما

putchi

19-05-2013, 03:30 PM

الفرخ عمره شهرين المفروض للحين ينغر بـ سريلاك المخصص للفروخ فقط ويفيدونك باقي الاعضاء

والله ياخوي احترت في ناس تقول السيرلاك مو زين..

وفي ناس تقول السيرلاك بس حزة ماكو عند الطير شهية تغره عشان لايموت فاحترت ننتظر باقي الاخوان ان شاء الله يفيدونا

ومشكوور لمرورك

Bohamad_93

19-05-2013, 04:36 PM

البيض المسلوق بس البيض البياض ولا الصفار؟؟

البياض والصفار لكن لا تكثر

انا عندي الطير لما اطلعة من القفص صعب يطله يود بمنقاره وبريوله بالقفص وبعدين اذا طلع يصير يلحقني ويطلع صوت مو جعير لا كانه يبكي مادري شلون اشرح ولا فاهم شنو يعني هالصوت
فأقوم احك راسه وهو ينزله لي ويسكت واذا اقعد على القنف يجي تحت ويطلع نفس الصوت اشيله واحطه بحظني وامسك راسه ويسكت وينام هذا وش تفسيره؟

عندي فرخ نفس اللي عندك ولو اللي عندي اكبر منه بشهرين .. لكن عادي هو يتعود عليك تدريجي , بخصوص حك الراس يحبون احد يحك راسهم خصوصا جوانب منقاره .. شيء طبيعي

والله ياخوي احترت في ناس تقول السيرلاك مو زين..

وفي ناس تقول السيرلاك بس حزة ماكو عند الطير شهية تغره عشان لايموت فاحترت

السيريلاك نصيحة مجرب يا خوي ابرة باليوم كافي , لي معرفة من مجرب ان كثرة السيريلاك تجيب له السهال .. لي بغيت تعطيه عن نفسه ... بالصبح وحده او بليل وحده

Bohamad_93

19-05-2013, 04:39 PM

مثل ما ذكر الاخ , تقدر تغذيه على السيريلاك الخاص .. وهذا يفيدونك فيه الاعضاء

يـوســـف 2020

19-05-2013, 05:41 PM

يـوســـف 2020

19-05-2013, 05:42 PM

الصوت هذا الي يطلعه وهو يلحقك هذا صوت الفروخ لا صارت جوعانه وتبي تغر

لا وصيك تراه امانه وفرله احتياجاته والله يوفقك

Bohamad_93

19-05-2013, 08:26 PM

ما تقصر .. قلت اللي اعرفه , وافدتنا اخونا kokaaa
بس اسمحلي يالغالي حتى الفرخ ياكل الاكل حتى لو تقدر تعسه

مهما يكون هذي روح طير لازم بكل النواحي تهتم فيه , وان كان تغره بالسيريلاك
فرخ الشهرين يعتمد على نفسه بعد بالاكل
والسموحة

يـوســـف 2020

19-05-2013, 08:58 PM

اكيد حبيبي Bohamad_93 انا اقول ان سيرلاك المخصص للفروخ هو الاساس والي ذكرته انت يعتبر مكمل لسيريلاك الفروخ

putchi

20-05-2013, 12:44 PM

يا اخوان هذا فرخ صغير شهرين حرام لازم ينغر سيرلاك الفروخ ركز معي اخوي سيرلاك الفروخ المخصص للطيور

والاسهال الي لونه بني هذا الي تقصده طبيعي نتيجة السيرلاك تبع الفروخ ونصيحه لك اخوي قبل تفقد الطير لاسمح الله

انا فرخي عمرة 7 شهور وللحين اغره من وقت لثاني كدعم له بالاضافه الى نظامه الغذائي المعتاد

هو مافيه اسهال برازة زي الدودة اخضر وفيه بياض بس مافيه موية..

طيب بشوف له السيرلاك الخاص بالفروخ وبحاول اغره, الله لايقولها افقد الطير ان شاء الله..

الله يبارك لك في طيرك

putchi

20-05-2013, 12:49 PM

الصوت هذا الي يطلعه وهو يلحقك هذا صوت الفروخ لا صارت جوعانه وتبي تغر

لا وصيك تراه امانه وفرله احتياجاته والله يوفقك

ان شاء الله باذن الله اليوم مشتريله بس ويلن القاه بالبحرين؟

putchi

20-05-2013, 12:54 PM

امس كنا نتغدى وجانا الكاسكو يبي ياكل معانا الرز اوخره يرجع مرة ثانية فخليته ياكل معانا بس كان كبسة حمرة والرز مبهر وحبه جداااااا!! مدري اذا غلط او لا؟

وكيف اعرف انه فرخي صحتة زينه او تعبانة؟؟؟

الفرخ عندي يهد كتوفه على تحت اذا كان بالقفص واذا اجيبه داخل البيت اوكيه..

putchi

20-05-2013, 02:23 PM

ياربي تو جاه اسهال مادري وش السبب هل معقولة اسهال اليوم يكون له علاقة بأكل البارح!! او اكل اليوم والله مدري حييييييل خايف على طيري بالله لا تخلوني من نصايحكم

Bohamad_93

20-05-2013, 02:31 PM

putchi

21-05-2013, 01:17 AM

قواك الله يالغالي kokaaa

اخوي putchi لا تعطيه حبوب رز دسمة , يمكن ياكل الرز المطبوخ لكن ابتعد لو كان فيه اي نوع من زيوت الطبخ

وفيه نوع سيريلاك خاص للطيور .. سألتلك عنه تعطيه مرتين باليوم .. اسمه exact تحطها بابرة العس الكبيرة المخصصة للبغاوات .. وتغر الطير .. انتبه لاتعطيه ابرتين ورا بعض يسبب اسهال + مشاكل هضمية .. ولو غلطت الغلطة بتشوف الطير يرجع الي غريته , بالعادة لا تخاف لكن وقف ولا تعطيه شيء

وهذي صورة لنوع السيريلاك

http://www.kaytee.com/assets/004/21388_400wh.jpg

وبما ان الطير يفرد جناحه برجله هذا طبيعي . الا اذا شفت في مشكلة بحركة الجناح او حركة الطير عامة .

ومافيه الا العافية

الله يجزاك الف خير على التطمين يالغالي أنا شريت اليوم السيريلاك مكتوب عليه
Hand feeding formula for baby birds
يعني سيرلاك لفروخ العصافير مادري اذا يمي مع الاسكوا ألا عمووما أنا غريته اليوم السيريلاك10مل بالسرنجة وقام يهز براسه ويطلع شوي من الأكل برأ بس اوكيه بلع الحمدلله شلون اوكيه الحين!!

Bohamad_93

21-05-2013, 08:30 PM

الله يجزاك الف خير على التطمين يالغالي أنا شريت اليوم السيريلاك مكتوب عليه
Hand feeding formula for baby birds
يعني سيرلاك لفروخ العصافير مادري اذا يمي مع الاسكوا ألا عمووما أنا غريته اليوم السيريلاك10مل بالسرنجة وقام يهز براسه ويطلع شوي من الأكل برأ بس اوكيه بلع الحمدلله شلون اوكيه الحين!!

يهز راسه بقوة ؟

لما تعطيه بالسرنجه , اذا بتعطيه عطه بانبوب لانه بعده مو متعود على العس .. لكن ماعليك يتعود
وانت حاول تعطيه شوي شوي ماتعطيه دفعة وحده ..

والامور طيبة ان شاء الله , بس اهم شيء لا تكثر ابرة وحده تكفي

putchi

22-05-2013, 03:28 AM

يهز راسه بقوة ؟

لما تعطيه بالسرنجه , اذا بتعطيه عطه بانبوب لانه بعده مو متعود على العس .. لكن ماعليك يتعود
وانت حاول تعطيه شوي شوي ماتعطيه دفعة وحده ..

والامور طيبة ان شاء الله , بس اهم شيء لا تكثر ابرة وحده تكفي

الله يجزاك خير طيب ابرة وحدة كم ملل؟ عشرة او خمسة

واليوم ازيييين وكلته وبدا يعجبه عطيته خمسة غصب والباقي 5 ملل حصيته بصحن وماشاء الله لقيته اكله كله الحمد لله..

putchi

22-05-2013, 06:56 PM

وضعت صور لطيري هنا:

http://www.2zoo.com/vb/showthread.php?t=311669

monybat

22-05-2013, 11:04 PM

السلام عليكم
تم الرد عليك في الموضوع الاخر بشأن الاكل والتربيه والعنايه
وراح ارد عليك هنا مره اخرى
اخي الفاض من الواضح انك جديد في تربية الطيور
والمشكله تكمن في انك تمتلك فرخ يحتاج الكثير من العنايه
اخر احصائيات في الطيور تؤكد ان الطيور الصغيره تموت وذلك بسبب عدم احترافيه المربي
وكل شي اكيد بيد الله
اخي الفاضل تجنب اي اكل خارجي او منزلي تقدمه للطير عدى البطاط المفيوحه او السيريلاك حق الطيور
يمكنك عمل خلطات وهي تقديم خبز مبلل للطير مع قليل من البطاط او مره تغره سيريلاك وهكذا الي ان يشد حيله

الصوت اللي يصدر من الطير من الواضح هو صوت الجوع حق الطير يبي ياكل لا تكثر عن ثلاث مرات غر او عس باليوم
في الحقيقه يمكنك غر الطير للسبع اشهر وهذا افضله يعني تقدم له الحبوب بالاضافه الي الغر ولكن ليس الان حتي يشد قوامه وتحس انه يقدر ياكل الحب
منذ سنه تقريبا ناقشنا موضوع اكل الاندومي ومن وجهة نظري لا افضلها ولكن بديل عنها مكرونه مسلوقه بدون اضافات او رز بدون اضافات ومفيده في هذا العمر لا احبذ تقديم البيض
معده الطير للان غير مجهزه للطحن في حاله انه عند امه تقوم باسترجاع الاكل ليأكله الطير وبالتالي يكون اسهل واخف على معده الطير
التدفئه مهمه كما سبق وذكرت في موضوعك الاخر
الاسهال من المعروف ان الاسهال هو المؤشر للمربي على صحته طيره
ولكن اعزك الله الخروج لدى الطيور يتأثر بأكثر من شئ اول شي الخوف فتلاقيه يسهل مثل الماي
والاكل يؤثر على لون البراز ومدى تماسكه وليونته ولونه
الحكم عليه ما يجي من اول وهله تجي معاه ملاحظات اخرى مثل الخمول ونفش الريش وضعيه الطير لرأسه بالخلف في ظهر وهكذا
فيتم الحكم عليه بالمرض من خلال هذه العوامل الي جانب الاسهال المستمر
اعطي الطير غر السيريلاك وممكن تغره ايضا رز مطحون جيدا مثل الماي يكون بدون اضافات
قدم له خبزه يلعب وياكل فيها
الماي لازم يكون معدني لا مجال لاستخدام الصنبور في الوقت الحالي

نظافة الطير مهمه يجب عليك تنظيف مكانه يوميا والتأكد من خلوه من النمل لان راح يجي على السيريلاك وبقايا الاكل
احعل معك منشفه مبلله قليله لمسح منقار الطير بعد غره كي لا يلتصق بالريش ويزعجج فيما بعد
الغر او العس طالما انك غير محترف تجنب استخدام الانبوب اللي يجي مع الابره فكره الانبوب مزعجه لك لانها ممكن تفلت وتظل في بطن الطير وبالتالي العواقب وخيمه
جيب ابره غر عاديه وغره بشكل جانبي يعني طرف الابره بدون الدبوس طبعا يكون في فم الطير ولكن بجنب وليس وجها لوجه
اذا صعبه ايضا جيب ملعقه شاي وضع الاكل في فنجان او صحن صغير وابدأ بغرف الاكل وتقديمه وهو راح يتعاون معك لا تحاتي
مهم جدا ان الاكل لا يكون بارد ولا حار يعني دافي
وبالتوفيق

A3z_ansan

22-05-2013, 11:45 PM

انا حقي الاندومي اعطيهه زي ما اكله انا بس حقي كبير عمره سنه و8 شهور

ومع ان عمره 1و8 شهووور معي رضاعه واعطيه سيرلاك حق اختي عمرها 5 شهور الله يحفظها

ولاحظة وزن الطير زاد نشاطه زاد حبني اكثر من اول بكككثييرر وصار يجيني ركض وولافته زادة دبل ما تقول انه كاسكو ابدااا تقول حمامه بمعنى الكلمه حرفيا

واعطيه شووووي بس ما اكثر يعني الرضاعه حقة الي توههم موليدين اعطيه اقل من النص بشوي

وعمره سنه وثمانية شهور يطلع صوة لما تغر الفروخ بس بصوة واااطي جدا ومو كل مره

بسم الله مشااءاللهه واذكرو الله