اسئله لخبراء المكاو

[سكود]

السلام عليكم ورحمة الله وبركاته

اخواني انا ماسبق لي اقتناء المكاو وودي اجرب :D

ونويت اشتري فرخ لكن عندي اسئله

صدق هو مزعج يعني ازعاجه مايحتمل بالبيت ؟ او مبالغه

تدريبه سهل او صعب وعضته قويه يعني خطر على الأطفال ولا بس منقاره شكل بس :D

انا محتار بين نوعين الي هي

Scarlet ولا Blue and Gold

وش افضل من ناحية التدريب والازعاج وكم اسعار كل نوع

والله يجزاكم خير ويعطيك الف عافيه

[the_gostman]

اخي الكريم على ما اتوقع صوته مرتفع ويصارخ.. خصوصا اذا حب صاحبه وتعلق فيه وصار يحب يطلع من القفص يصير يصرخ..

وهذا موضوع عن المكاو

http://www.2zoo.com/vb/showthread.php?t=8770

[ابو على2]

وعليكم السلام اخوي المكاو كويس بس حفظه للكلام مو كويس بس هو طير بهلواني صحيح صوتو مزعج جدا اكيد عضته ولقبر مره قويه افضل تجيبلك واحد اليف علشان ماتتعب معاه اسعارهم من خمس الف الى ست الاف وكل محل وسعره بتوفبق

[مح ـمد]

والله ياخوي صراخ المكاو عالي ومزعج

احد الاسباب اللي منعتني من شراء مكاو هو صراخه

ولايخفى عليك انا متولع بحب المكاو بس للأسف الحلو فيه عيوبه

[مح ـمد]

بخصوص المنقار كبير وقوي خطر على الكبار و الصغار

[bader911]

السلام عليكم ورحمة الله وبركاته
وعليــــــكم الســلام ورحمـــــه اللهـ وبركـــــاته

اخواني انا ماسبق لي اقتناء المكاو وودي اجرب :D
ونويت اشتري فرخ لكن عندي اسئله
صدق هو مزعج يعني ازعاجه مايحتمل بالبيت ؟ او مبالغه
المعــــروف عنــها انهـا مزعجــه ولكــن فيه طيـــور مــا عندها ازعــاج ابــدا
وانصـــحكـ تأخـذ لكـ طيـــر مدرب وجـــاهز ومــا يكون عنده أزعـــاج

تدريبه سهل او صعب وعضته قويه يعني خطر على الأطفال ولا بس منقاره شكل بس
أكيــــد عضتـه قـويه جــــدا اذا كــان غيـر اليف وبالنسبه لتدريبــه فهو على حســب المدرب
وشخصيــــته فلــكل مدرب طــريقته بدريب ببغــاواته

انا محتار بين نوعين الي هي
Scarlet ولا Blue and Gold
السكــارليت مكــاو يسحــر القلوب بجماله و الوانــه الرائــعه وهـو أعتقــد مـن الطيـور النــادره نسبيــاً
لانــي دورت عليــه كثيـــــر عنــدنا بالسعــوديه وما حصلت منه الا القليـــل جداً :confused:
وحتــى الي حصلتــها ما هــي من الــي يحبهـــا قلبـــكـ ولا هــي بالمواصفات الي ابيهـــا:(
امــا البلو اند قولد فهـــو محبــوب الكثيــرين ومعـــروف جــدا بخفه دمه :)

وش افضل من ناحية التدريب والازعاج وكم اسعار كل نوع
واللـــهـ أنت وش الـــــي تميــل له أكثــر لانـــهم اثنينهـــم حلوين وحبوبيــن
وصعــب المقــارنه بينهــم وانا افضــل السكــارليت أكثـر لكــن بشــرط
يكـــون متدرب واليـــف ومــا يعـرف العـض ابـــداً والاهــم من ذا كلــه
الصحـــه والريـش يكون كــامل ما فيــه أي نتف أو تشــوه

والله يجزاكم خير ويعطيك الف عافيه
اللــــــهـ يعافيــكـ ويجــزاكـ الجنـه وأي استفـــسار أحنــا بالخــدمه

[أوراق]

اخوي انا كان عندي واحد بلو اند قولد

شريته من واحد ومدربه مايصارخ كثير (وهذا مو معناه كلها ماتصارخ بل طبعها الصراخ)

نصحني واحد بحكم بيتي صغير قالي ماينفع بيزعجك بصراخه

المهم شريته وتعلق بولدي الصغير
ولو احطه على رجلي صارخ
ولو امه تلبسه يصارخ
ولو سلمت على راسه يصارخ

ومره كان في الارض وسلمت على ولدي جاء هجم علي


وعضته قويه وينخاف منها


والامر راجع لك .. بالتوفيق

[سكود]

يعطيكم العافيه والله ماقصرتوا

اقرا رد واقول منيب شاري واقرا الرد الي بعده اقول بشتري ههههههههههههههههه

بس شكلي بشتري ان شاء الله

[the_gostman]

على خير انشالله.. ألف مبرووووك مقدما

[Octopus]

الصراحة ما قصرو و الصراحة اعجبني المكاو و الكاسكو و غيرهم

و اهديك هذا المقطع لببغاء مكاو يتكلم

http://www.youtube.com/watch?v=moRz56UrDs8

[kanderino_parrot]

بنسبه لي طير المكاو اهو طير كا شكل روعه وجميل يعني يعطي منظر بالبيت بس عيبه مزعج وعضته تذبح عوار يعني غير اليف لا تفكر وبنسبه انا كان عندي واحد ست اشهر تم ومليت منه يعني اهو بالبدايه حلو بعدين تمل منه ههههههههههه حسب راي ههههه