مشكلة ريش كوكاتو ترايتون

[أوراق]

السلام عليكم ورحمة الله وبركاته

ارجوا الافادة من الخبراء والمهتمين

عندي كوكاتو ترايتون شريته منتف ريشه ( وبرائي الشخصي ) انه سبب النتف حالة نفسية لأنه بدء يتحسن كثير ولله الحمد مع العيال ولعبهم معاه وبعطيه فيتامينات الريش عبارة عن نقط بالماء

وبدا يطلع ريش جديد ولله الحمد

سؤالي

لاحظت ريش منتف شبه القطن ولا الخيط المشبك

وبعد التقليب والفحص اتضح لي انه تحت جناحه ريش شكله غريبه(الصور توضح)

ارجو الافادة عن هذه المشكلة ؟ وهل يحتاج لها علاج ولا عادي ؟


http://im32.gulfup.com/lnBax.jpg

http://im32.gulfup.com/7OVN8.jpg

http://im32.gulfup.com/AI8Ji.jpg

[أوراق]

ارجو من الأخوة الخبراء ومن لديه اي معلومة يفيدني

الان الاحظ الطير لما يوقف على شي لونه غامق يبين تحته مثل الدقيق أو ريش صغير

[ابو على2]

هلا اخوي هذا مو طبيعي افضلك روح لبيطري

[the_gostman]

اخي الكريم دام الببغاء يعاني من حاله نفسيه..

حاول تقضي أكثر فتره ممكنه معه وضع له الألعاب في القفص.. يعني لازم تخليه يلتهي باي شئ حتى لا ينتف الريش
واهتم جيدا بالترويش والتشميس والتغذيه..


تحياتي لك
أخوك رمزي

[kanderino_parrot]

سلام عليكم
الازم تهتم بتغذيه سليمه طيرك ما قاعد يحصل الغذاء سليم حاول تهتم بتغذيه بشكل كبير كبير اهيا الاساس وحاول تخليه دوم على ايدك وتمشى فيه بالحديقه غير جو طير خله يمشي على العشب يتشمس بس يكون على ايدك انت معاه واهتم بتغذيه الانه اهيا الاساس وحاول تاخذله من صيدليه muta-vit فيتامينات تحفز الريش

[أوراق]

اشكر ردودكم التي ستنفعني باذن الله .. واشكر مروركم الكريم


لاخلا ولاعدم

[the_gostman]

حياك الله اخي الفاضل.. جاهزين للإفاده بأي وقت

[FarFarAway]

روشه مرتين في الاسبوع وعرضه للشمس. حط له العاب في قفصه وغيرها اسبوعيا. حاول تقضي على الاقل 3 ساعات في اليوم معاه. الكوكاتو طير ذكي جدا وحساس. يستأنس باللي حواليه ويتأثر ببعدهم عنه ويحتاج انك تحاكي وتحفز ذكائه بشكل مستمر عن طريق الالعاب اللي يكسرها والالغاز اللي يحلها وعن طريق لعبك معه. التغذيه اتمنى انها ما تكون فقط حبوب عباد الشمس. في اكل ببغاوات جاهز يباع في السوق اضافة الى الخضار والفواكه (تفاح ، خيار، مانجو، موز، جزر، ذره، رز، بقوليات منقوعه، ...الخ) حبوب عباد الشمس تفتقر للقيمة الغذائية اللي يحتاجها الطير ومليئة بالدهون اللي تسبب تكتلات دهني وامراض للكبد تقصر من عمر الطير.
الله يوفقك وطمنا على اوضاعه معك
تقبل مروري