شعر قطي يسقط

[LoLo_89]

لقيت اليوم في ودان قطي شعره واقع و فيه زي نقط بيضة دا يبقى ايييييييه ياريت حد يفيدني ضرووووووري عشان الحق اعمله حاجة لو دي حاجة خطر ؟!!!!!!!!

[شاهستا]

اهلا بيكى

ممكن صوره عشان نقدر نفيدك ؟

[LoLo_89]

انا مش عارفة ازاي ابعتلك الصورة

[شاهستا]

اتفضلى الطريقه

http://www.2zoo.com/vb/showthread.php?t=255084

[LoLo_89]

http://2zoo.com/vb/picture.php?albumid=1893&pictureid=15400

[LoLo_89]

عاوزاكي كمان تردي على سؤالي ده كمان لو سمحتي !! http://www.2zoo.com/vb/showthread.php?t=311802

[شاهستا]

لاسف الصوره مش ظاهره ياريت ترفعيها تانى صح

[LoLo_89]

http://www.2zoo.org/uploads/13694413391.jpg (http://www.2zoo.org/)

[شاهستا]

دى فطريات

ممكن تبصى جوه الاذن وتشوفى فى حاجات سوده كتير ولالا ؟

[LoLo_89]

ايوة فييييه !!

[شاهستا]

يبقى عث الاذن

بصى بقى انتى قطك واضح انك مش مهتمه بيه

بس الحاجات الى هقولهالك ضرورى تمشى عليها لانك لو سبتى قطك كدة

هتبقى النهايه مش سعيجه خالص وهتحسى بذنبه

دلوقتى هتجيبى من الصيدليه البشريه بيبى اويل + قطره دترماتين للاذن + مرهم بنزانيل

طريقه الاستخدام :

هتنضفى الاذن كويس جدا بقطنه فيها بيبى اويل بعدين تقطرى فى كل اذن نقه من القطره

وهتدهنى الامكان الى الشعر وقع منها بمرهم بنزانيل

هتكررى الحكايه دى مرتين باليوم

لحد ماتلاقى النقط السوده دى مشيت ومش بترجع تانى وان الشعر ابتدى يطلع والجلد لونه اتغير وبقى طبيعى

وحاولى تعرضى القط للشمس وحميه بشامبو نيزورال او نيزابكس من الصيدليه البشريه

ونشفيه كويس واتمنى تهتمى بقطك لانه مسئوليه متعلقه بيكى

[LoLo_89]

معلش عشان انا اول مرة اربي قطة بس انا عاوزة اعرف كل ده من ايه ؟!!!! عشان مش يتكرر تاني !!

[شاهستا]

ولا يهمك المهم انك تتعلمى وتقرى كتير عشان تعرفى تهتمى بالقط

ده كل نتيجه اهمال وعدم نظافه القط

[LoLo_89]

طيب معلش سؤال اخيييير هي فيه امراض او الفطريات دي ممكن تعديني او كدة ؟!!!

[شاهستا]

لا ان شاء الله مش هتعديكى

بس لاحتياط متلمسيش الاماكن الى مفيهاش شعر بايدك مباشر

وكمان طهرى الاماكن الى بيقعد فيها مثلا بالديتول بس بعيد عنه لانه مسمم للقطط

وحاولى زى ماقولتلك تعرضيه للشمس

[LoLo_89]

تمااام ميرسي اوي تعبتك معايااا :)

[شاهستا]

لا مفيش تعب ياقمر

المهم تهتمى بقطك وطمنينا عليه واى سؤال اتفضلى

[LoLo_89]

من فضلك انا عاوزة اسألك عن التطعيمات للقط الدكتور قالي لما يبقى عنده 6 شهووور الكلام دا مضبوط ؟!!!!

[شاهستا]

التطعيمات بتبدى من 3 شهور

[LoLo_89]

شاهستا .. انا جيبت الادوية للقط بتاعي و بدأت العلاج بس انا ملقيتش مرهم البنزانيل في الصيدليات بيقولوا اتاخر ف النزوول انا عاوزة اعرف في مرهم او اي حاجة زيه ؟!!! و عايزة اسألك حاجة كمان انا لقيت اماكن ف جسمه الشعر متكتل فيها و واقع و اماكن تانية برده مش فيها شعر بس اماكن صغيرة دا ليه علاقة باللي ف ودانه ولا دا حاجة تانية ؟!!!!!

[شاهستا]

اهلا بيكى

خلاص هاتى لاميزيل او ديكتارين كريم

تكتلات الشعر دى بتسبب فطريات

لازم تقصيها ولو مش هتعرفى وديه لعياده او محل متخصص للحيوانات

وهما هيحلقو شعره

بردو الافضل انك تورينى صور الاماكن الى مفهاش شعر دى وهى فين بالظبط ؟

[LoLo_89]

http://www.2zoo.org/uploads/13696746231.jpg (http://www.2zoo.org/)

[LoLo_89]

المنطقة اللي ورا ودانه اكتر حاااجة و في ف جسمه من ورا برضو كان في شعر متكتل بس انا قصيته انا بقص بالمقص بصراحة معرفش صح ولا ايه ؟!! و كمان عاوزة اعرف هو انا لازم احلقله شعره بجد عشان الصيف و كده ؟!!!

[شاهستا]

خلى بالك وانتى بتقصى تقصى جلده معاه يعنى خليكى منتبهه اوى

لا مش شرط طبعا انا عمرى ماقصيت لقططى شعرهم مع انهم ماشاء الله شعرهم كثيف جدا

بس بمشطه ليهم يوميا عشان التكلات دى

انا بقولك قصيه عشان تعرفى تعالجى الفطريات لو فى فى جسمه فطريات

طبعا الاذن متبهدله اخر بهدله وفيها فطريات

استخدمى البيتادين السائل + المرهم مرتين فى اليوم

لازم تنتظمى على العلاج عشان يخف بسرعه

[LoLo_89]

y3ny badal el baby oil ageb betadine ?!!!!!

[LoLo_89]

wana montzma walahy f el3elag ana ;sa bd2a feh mn embare7 3la ma gebt eladwya kolhaa o 3awza as2alek hwa ana a7ameh kol 2ad aeh ?!!! ana b7ameeh every 2 or 3 days kda kteer wla aeh ?!!!!!

[شاهستا]

ياحببيبتى لا افهمينى

البيبى اويل هتنضفى بيه جوه الاذن نفسها بعدين هتقطرى من القطره دترماتين

اما المرهم والبيتادين السائل دول للاذن من بره للاماكن الى مفهاش شعر

زى الصوره الى انتى لسه حطاها دى

[شاهستا]

wana montzma walahy f el3elag ana ;sa bd2a feh mn embare7 3la ma gebt eladwya kolhaa o 3awza as2alek hwa ana a7ameh kol 2ad aeh ?!!! ana b7ameeh every 2 or 3 days kda kteer wla aeh ?!!!!!

اه كده االاستحمام كتير جدا

الاستحمام فى الطبيعى بيكون مره كل شهر

اما عشان قطك فيه فطريات حميه مره كل اسبوع

واستخدمى شامبو نيزورال او نزابكس من الصيدليه البشريه

بس لازم تنشفيه كويس جدا جدا

وياريت تكتبى عربى لان كدة مخالف لقوانين المنتدى سورى :rolleyes:

[LoLo_89]

من ساعة ما بقيت بديلو الدوا و هو واخد مني جمب مش عيز يبصلي حتى !! و كمان بقى فيه حاجة دايما قاعد عند الحماام مش عاوز يقوم من قدامه طبعا اذا انا قافلة البااب لكن لو فتحاه بيدخل دا ايه دا بقى ؟!!! و ودانه حمرا خااالص من بعد البيتادين و المرهم اعمل ايه عشان متبقاش حمرا كده و هو رجع يهرش فيها تااااني !!! :(

[شاهستا]

طبيع البيتادين بيغير لون الجلد اصلا

قطك داخل على دور اكتئاب

حاولى تلعبى معاه لان كدة حالته هتتدهور وهيبتدى يرفض الاكل كمان

[LoLo_89]

انا سيباه يخرج بره بس لما باجي العب معاه مش بيرضى يلعب و كمان على طول قاعد و عاوز يناااام :(

[شاهستا]

طيب ممكن تقيسى درجه حرارته

بالترمومتر ودخليه فى فتحه الشرج دقايق وشوفى الدرجه

[LoLo_89]

مش عندي ترمومتر دلوقتي !!! ممكن اعرف ازاي هو سخن ولا لأ ؟!!!!

[شاهستا]

حسسى ودانه من جوه وجسمه شوفيه بار ولا سخن

كمان هتلاقى نفسه سخن و انفه احمر اوى

[LoLo_89]

ودانه حمرا و سخنة اه بس مناخيره كويسة و نفسه مش عارفة مش حاسة بسخونة ولا بروده !!!!! :/

[شاهستا]

خلاص هنستنى لبكره هاتى ترمومتر وشوف عشان نعرف ايه مشكلته