كاسيكو مالي مرييييييض >___<

[دلع بحريني]

السلام عليكم والرحمه



اليوم الصبح يلست الا اشوف الكاسيكو مالي فيه اسهال

ينزل منه ماي اصفر "عزكم الله" عاد سيده وديته البيطري الا يقولي فيه سلمونيلا

وعطاني دوا سائل اخلطه ويا الماي وعطاني بعد بودره هم نفس الشي اخلطه ويا الماي

عاد الحين انا خايفه هل المرض ذي معدي ؟؟؟


ممكن يصيد اي احد من اهل البيت ؟؟


صراحه حددددي موسوسه اخاف نمرض والسبه طير !!!


وبعدين انا قريت مواضيع في المنتدى عن السلمونيلا واكثر شي قالو انه ماي ابيض والعلاج المناسب له انج تحقنينه ابر


انا ما وصف لي ابر !!!

اوديه بيطيري خاص ولا اواصل على اللي عطاني اياه ؟؟

[CaTTy]

اول شي اختي السالمونيلا مرض معدي والمسبب له بكتيريا

تصيب الحيوانات والانسان سواء

بشكل مرض معوي

فأنصحج تعالجين الكاسكو بأسرع وقت وتحاولين تعزلينه عن جدتج دامها خايفه تنتقل العدوى لها

فالوقايه خير من العلاج

اما بالنسبه لنوعية العلاج

فـ كل الحيوانات جذي طبيب يصف بودرة توضع مع الماء او الاكل وطبيب ثاني يصف ابر

بس عالعموم الابره اسرع بالعلاج فأقترح عليج تغيرين علاجه من بودرة الى ابر

عاد على حسب الطبيب اللي رحتيله زين ؟ يعني سبق لج وجربتي تشخيصه من قبل هالمره وكان زين ؟

[دلع بحريني]

السلام عليكم والرحمه



اول شي مشكوره اختي CaTTy على ردج

بس انا هذي الطبيب اول مره اروح له ماعرف عنه شي صراحه

هههههه بعدين من قال اني جدتي خايفه من الطير ههههههههههههههه

ضحكتيني والله فدددددددديتج ^___^


بعدين الكاسيكو مالي للحين مب اليف شلون بقدر احقنه ؟؟؟

هذي بعد مشكله ثانيه بالنسبه لي




وبعععععععدين صج اهو معدي !!!!

يعني ممكن ينتقل لي انا !!!!!!!!!!!!!!!!!!!!!!!!!!!!!!!


خوفتيني والله


انا على طووووووووول مجابله الطير وكل وقتي وياه >_____<



بس الطبيب ما قالي شي عن العدوه او شي ليييييييييييييش ؟؟؟؟

[دلع بحريني]

مشكورين يا اعضاء المنتدى

جزاكم الله الــــــــــــــــــــــــــــــــف خير

[محمد الرياض]

بعدما تنتهي فترة العلاج ..

حطي له خلطة قريتها من أحد المربين الكبار نسيت و الله اسمه الحين ..

أول ما أتذكر باحط اسمه إن شاء الله ..

و أنا جربتها مع ببغائي ..

الخلطة : ( فص ثوم طازج مطحون + ملعقة طعام كبيرة ليمون ) لكل نصف لتر ماء .

و بدلي ماء الشرب بهذه الخلطة مرتين في الاسبوع ..

و إن شاء الله تشوفين الفرق ..

ببغائي السنغالي صار له مثل ما صار لببغائك بالضبط ..

و الحين صحته عال و لله الحمد ..

حبيت أنقل هذه التجربة الشخصية ..

و الله الموفق ..

[دلع بحريني]

مشكووووووور اخوي محمد الرياض


مشان انك عبرتني يزاك الله الف خير وان شاءالله في ميزان حسناتك ياربي ^___^

والوصفه اللي عطيتني اياها ان شاءالله اجربها اذا صار الكاسيكو مالي >>>>> سمير

بخير بحط له منها ودعيلك ان شاءالله

[محمد الرياض]

نسيت شي أقوله مهم ..

و هو إنك لازم تستعملين الخلطة هاذي طازجة ..

و لا يصلح تخزينها في الثلاجة ليوم آخر ..

و الله يشفي ( سمير ) و يقومه بالسلامة ..

و الله الموفق ..

[MLoOoK]

اخوي محمد اشكرك على الرد للاخت بس فيهكلمه عاميه مو كل الناس عارفين وشو بدلي هين انا وياك يمكن وبعض اعضاء المنتدى والباقي لا

[دلع بحريني]

مشكور اخوي محمد الرياض

على وقفتك وياي ^__^

اسعدني حضورك والله

وان شاءالله نبشركم بقومته بالسلامه ياربي ^_____^

[محمد الرياض]

بدلي = بدل ( فعل أمر من التبديل ) + ياء المخاطبة ..

الكلمة فصحى أخوي ( MLo0oK ) ما هي عامية ..

شكرًا على الرد ..

[دلع بحريني]

اليوم حبيبي سمير صحته الحمدالله احسن من امس ^______^

ننتظر بعد ثلاثه ايام وانشوف النتيجه

وان شاءالله خير ياربي ^___^

[CaTTy]

الله يعطيه الصحه والعافيه

واعذريني اختي اني حسبتج كاتبه جدتج خايفه منه :D

والله شكلي كنت دايخه وانا اكتب

المهم بغيت اخبرج اكثر عن السالمونيلا

اهو يعدي بحالة وحده بس ... لما الشخص السليم يلمس براز ( وانتي بكرامه ) الشخص المصاب

بس يعني لا تخافين تنتقل العدوى لج بمجرد وجودج معاه

بس لما تبين تبدلين الاكل والماي له او تنظفين القفص البسي القفاز للاحتياط Ok

وبالنسبه للحقن

مو شرط انتي اللي تعطينه اياهم

عند نفس الطبيب البيطري قوليله ابي تعالجه بالابر بس انا ماعرف اعطيه الابره ممكن اييلك وانت تعطيه ... بس عاد الله يعينج على المشاوير :D

والله يقومه بالسلامه ان شاء الله ويتروض على ايدج :)

[دلع بحريني]

قوووووووووووة


مشكوره حبيبتي CaTTy على ردج الطيب ^_____^


والله الحين الكاسيكو مالي تمااااااااااام عال العال


الحمدالله على كل حال

وماعتقد يحتاج للحقن ولا شي لانه الدوا جاب معاه نتيجه حلوه ما شاءالله من ثاني يوم

والله يسمع منج ان شاءالله ويتروض علي يدي


وامس الصراحه وايد تفاجئت منه خلاني المس منقاره لاااا وبعد كل من يدي ^____^


طاريييييييت من الوناسه والله

[فتفوته]

أختي الله يشفي الكاسيكو حقك

وانصحك لا تعطينه ابر لا نها احيانا تضره وكم موضوع دخلته في منتدى ينصحون بالابتعاد من الابر

فقط اعطيه المحلول والبودرة واتبعي نصيحة الطبيب

وبعد العلاج يفضل تعوضينه بالفيتامينات وهذا تاخذينه على شكل محلول من الطبيب ..

وبفترة العلاج ابعدي عنه الفواكه والخضروات خصوصا الخضراء واكتفي باعطائه الماء مخلوط بالمحلول وبذور دوار الشمس والمكسرات اللي ياكلها .. الين يشفى بعدها عطيه اكله المنوع .

[فتفوته]

ونسيت اقول حطيه ابمكان دافي بعيدا عن التيارات الهوائية او روائح طبخ او دخان او بخور لان هالعوامل تضره ..

[دلع بحريني]

السلااااااااااااااام عليكم


هلا اختي فتفوته ^___^ اسمج حلو وغريب


مشكوره حبيبتي على النصايح وان شاءالله امشي عليها

وانا الحمدالله الحين اشوف صحته عال العال والحمدالله

واشكر كل الاعضاء اللي شاركوني وساعدوني بوقفته و ياي