حرارة الجو!!!

[The male nurse]

السلام عليكم ورحمة الله وبركاتة

مثل ما انتو عارفين الصيف عندنا بالشرقية توصل درجة الحرارة ل 50 درجة مؤوية :wao:

عندي الطيور حاطهم بغرفة وتارك النوافذ مفتوحة لكن حر!!

احياناً اشغل الشفاط لكن صعب اتركة شغال طول الوقت اخاف يصير حريق لاسمح الله

والمكيف ما ودي اشغلة (حسب علمي ان المكيف قاااتل للطيور وخصوصاً الكروان)

وكلما ادخل على الطيور الاقيهم يلهثون من الحر!! :confused:

مع العلم انا حاط لهم ماء بالصحون الخاصة بالقفص لكن مازالت المشكلة موجودة

ايش رايكم؟ هل يوجد عندكم حل او اقتراح؟ لاني خاايف يموتون الطيور "لاسمح الله"

مشكورين مقدماً وبانتظار ردودكم

[قـاصـد]

نفس المشكلة أعاني منها بالضبط أتمنى حد ينصحنا خصوصا ان الجوز الي معي في فترة إحتضان البيض و الأنثى مرهقة كثير .

[The male nurse]

شكراً اخوي قاصد على ردك

انا طرحت السؤال هذا لان المشكلة هذة شائعة عند اكثر مربين الطيور

على العموم انا اليوم خذت رشاش الماء (زي اللي عند الحلاقين)

وجلست ارش على الطيور والحمدلله حسيت اني عملت الشيء المناسب

اتمنى من بقية الاعضاء الرد على الموضوع للافادة

وشكراً

[أسيــــر]

مروحة الشفط ممتاز وجودها وشغلها على فتراة ون شالله مافي الاالخير اهم شي يكون نوع جيد
بنسبه لتكييف في الصيف اقوم بتشغيله بعد الساعه العاشرة صباحا الى المغرب
واحرص عدم توجيه المكيف مباشر عليها مجرد تلطيف جو وختيار درجة البرودة لتكييف

[زياد2015]

انا اسوي نفس اسير لكن المكيف مشغله 24ساعة ^^" واحط الكروان عنده لكن بيعد عن المكيف لكن ما اوجهه عليه واسبح الكروان يومياً وابخه كل ساعتين لو مافتحت المكيف ^^" او كل ١٠ دقائق ^^" ابخ عليه انصحك بالبخاخ لأن المكيف صعب.



مع تحياتي.
زياد2015

[hlwlw]

اني ركبت بانكة والنوافذ ما افتحهم وبعد غطيتهم عن الشمس والحمدلله الجو زين بالحجرة

[The male nurse]

اشكركم اخواني اخواتي على التفاعل في الموضوع

حلول واقتراحات جميلة ..

الله يعطيكم العافية

--
تحياتي

[فيصل المالكي]

انا لمن اجي احط كرواني ينام والله اشغل المكيف قبل وقت النوم بساعتين ثلاث بعدين اصك المكيف

وحطه الجو يكون بل غرفه مررررررررررررره كويس ومايصير مره حار

[آبوعبدالمجيد]

بعد التحيــة والسلام~..

ششغل المكيف لامشكلة ..

لاكن لاتخليهم مقابلين للمكيف..

وخففه على اقل درجه وحاول تكون درجه الحرارة معتدلــة..

وبالليل طفيــه.~.

وآنـآ~.هذه طريقتي وماكنت اسوي غير هذي الطريقـة.~.

بالتوفيق..:)

[The male nurse]

اشكركم اخواني جزيل الشكر على المساعدة!

انشاء الله راح ابدأ بتشغيل المكيف من بكرا

[ولد لممـلكة]

وعلـيكم السلـآم ورحمة الله وبركـآته
حتى آنـآ مثل اخوي ابو عبد المجيد اولع المكيف
مو قـآتل لو كان مايضرب فيه ^.^
حاط الطيور تحت المكيف يعني مستحيل يضرب فيه وفاتح الدرايش يعني الدرجة صارة مرة معتدله
وفي حلول كثيرة غير المكيف

وحده منها انك ترش القفص بموية بالبخاخ الي زي حق الحلاقين ههههه
لا ترش الطير رش القفص وبطبيعة الحال لما يجي الحديد موية وهواء يصير بارد

والحل الثاني انك تحط خيشه رز فيها موية فوق القفص وهادي افضل طريقة لانها ماتنقط وتمتصا
لانو الموية ماتنشف من الخيشه بسرعه راح تطول وتريحك

[The male nurse]

هلا اخوي ولد المملكة وينك منزمان عن المنتدى

اشتقنا لمواضيعك المتميزة اللي تطرحها بالقسم وردودك المفيييدة على اسئلة الاعضاء

بالنسبة لمشكلتي خلاص شريت مكيف وصرت اشغلة على اقل درجة تبريد

الحمدلله الامور تمام!

اشكرك على الرد اخوي

--
تحياتي

[ولد لممـلكة]

هلـآ بك تشتـآقلك الجنــة لبى قلبك =))
حلــو موفق يا الغالي

وبرضو نسيت حاجه
احنـى الحين بفصل الصيف
وهو الوقت الي تحب فيه الطيور تتستحم وتبرد على نفسهـآ
تقدر تحط صحون فيها موية بالاقفاص وهي تبرد على نفسها بس طف المكيف لما تنشف الطيور
ولو كانت طيورك اليفه تقدر انت بنفسك تحمممها
وانا استخدم هادي الطريقة اجيب زي الغضارة وحط فيها موية دافية ومسك طيري وحممه انا
صحيح انه مايحب ههههههه وهواش انا وياه بس صار يتقبل وصار يسكت مايعاند
لاكن لو فكيته ينحاش ههههههه بس لاحظت بعد الحمام يكون مرة منتعش وينظف نفسه وريشه يصير ناعم

[The male nurse]

هههههه مشكور اخوي على النصيحة

اي انا اصب الماء بالصحن الخاص بالقفص (يصلح للشرب والسباحة) طبعاً يومياً اقوم بتغييرة

انا ما استخدم مشربية الماء نهائياً لان الطيور مش متعودين يشربون منها واحس انهم ما ياخذون راحتهم فيها

جزاك الله خير على المساعدة

اكرر شكري لك