*البادجي* غالي

[*الكاسكو*]

بسم الله الرحمن الرحيم

اما بعد

اليوم كان اليطور كان الجميع بخير
يغردون ويصفرون

فجأه البادجي (غالي .. زوج شعاع) طاح بالارض
مدري ليش مايتحرك ابد هو بذاك الوقت كان جوعان احلول اعطيه اكل احاول مافيه فايده

اتوقع خلاص بيموت واضح جدا سكرات الموت طلعت يتلوى ويلف راسه اخر شي -لاحول ولا قوة الا بالله - عزلت الطيور عنه ونظفت القفص اللي كان فيه

لكن قبل هذي الحادثه بيوم كنت العب معه عادي بس لاحظت بيدي حبه حمراء وتحك
واليوم طلعت ثنتين بعد ماشلته وهو تعبات .. اتوقع حساسيه منه وانه كان تعبان من قبل
لكن ماادري من ايش !! هل بسبب تقلبات الجو حار بارد ؟ انا بمكان معتدل الحراره والبروده

اذا كان تعبان من قبل فكيف اتاكد ان الطيور مااخذت منه عدى ! خايفه عليهم كان بجنبه الكاسكو والكروان ..
ايش اعطيهم شي يحافض على صحتهم ويقتل الجراثيم ..

وانا كيف اعالج يدي ..
..

[لمســة خيـــال]

وعليكم السلام ورحمة الله
ماتشوفين شر حبيبتي
الله يعوضك ان شاء الله
هل لاحظتي التفاف الرقبه للخلف
او تقياء اي الاعراض الي لاحظتيها على الطائر
بخصوص الطيور عقمي كل شيء وعرضي الطيور
لضوء الشمس الغير مباشر
والاحبوب تخاصي منها وعقمي الاكالات والمشربيات
وعظمت الحبار ارميها
وعطيهم مضاد بيطري سلفامايسين حبه على لتر ماء
لمدة يومين تقوي المناعه
وانت طهري ايدك وروحي دكتور حبيبتي
افضل تتطمني على نفسك
موفقه لكل خير

[*الكاسكو*]

الطير مات .. الله يعوض يارب

ماطلع شي بس يلتف بقوه يقلب رقبته بشكل مؤلم

[لمســة خيـــال]

الله يعوضك اختي
شكله مرض نيو كاسل
قديكون الطائر حامل للمرض
ولكن يقاوم بسبب مناعته القويه
ولماتمكن منه المرض طاح فجئه
هو مرض معدي للطيور والانسان
اهتمي باالتطهير والنظافه
موفقــــه اختــــي

[سكوبى دو]

الله يعوضك

[*الكاسكو*]

طيب مافيه اكل يقوي المناعه للطيور الان يعني زي الثوم او العسل

انا في مكان مافيه بيطره للحيوانات المنزليه بس للدواجن والغنم ..

[*الكاسكو*]

وممكن تفيدوني ايش سببه

[*الكاسكو*]

انثى البادجي شعاع

صارت هزيله وتميل للنوم لكن تاكل وتشرب

هل هذي من علامات المرض .؟
زوجها قبل يموت بيومين كان هزيل ويميل للنوم واستمر معه حتى مات ..

[لمســة خيـــال]

وخلطة الثوم والليمون او العسل تقوي المناعه
هذا رابط
http://www.2zoo.com/vb/showthread.php?t=221359

[*الكاسكو*]

كيف اسويها الخلطة ؟

قريت الرابط واستفدت
ان شاء الله ابحاول ادور بيطره او صيدليه ..

[لمســة خيـــال]

خلطة الثوم والليمون
فص ثوم +عصير نصف ليمونه
على 3اكواب ماء وتصفينه وتضعينه باالمشربيه
5ساعات وتشيلينه وتضعين ماء عادي
خلطة العسل ،ملعقة عسل ويفضل الابيض
غني باالفيتامينات ويقوي المناعه
ربع ملعقة عسل على كوب ماء
ولكن العسل يرفع حرارة الجسم (يدفيه)
ويستخدم اكثر شيء في الشتاء
واستخدمي احد الخلطتين وليس مع بعض
واذا استخدمتي الدواء من الصيدليه
لاتستخدمي العلاج الطبيعي والعكس صحيح
موفقه وان شاء الله تتحسن

[*الكاسكو*]

استخدمت خلطة الثوم والليمون على كل ببغاواتي السليمه
و البادجي شعاع .اللي اشك فيها انها اخذت العدوى ..


دورت الفيتامينات مالقيت للاسف

كم يوم استمر على العلاج ؟
الان اللي مسويته له يمكن سبع ساعات هل اقدمه لهم ولا اسوي واحد جديد

علما اني قطعت الثوم قطع صغيره وفركتها بالمويه .. مازالت القطع موجوده بالماء ..

...
ابشخص لك حالة شعاع ..

تأكل وتشرب شوي .. بعدين كذا نصف ساعه او ساعه ترجع تاكل وتشرب شوي وهكذا ..
تنام كثير .عندها استطاعه على الطيران ..تغرد. اتوقع تنادي زوجها لكن كل ماصفرت ارد عليها بالصفير.. دايم اشوفها مستلقيه زي الراقد على البيض يمكن عشان الكسر اللي فرجلها .. >> ماقدرت اسوي لها شي للكسر عنيده وتتحرك اخاف اؤذيها اكثر ..

اخ ياشعاع تكسرين القلب 3> :"(

ارجوا من احد يرد قد استخدم هذي الخلطه ..

[mmnoor5]

تصديقي وجعتيلي قلبي كتتيير ويااارب يشافي شعاع

طيب لو قدرتي تروحي على البيطرية خلي يوصف لك فيتامين عشان يساعد الطير

واتمنى الشفااااء العاجل لـ شعاع


_( موفقة )_

[لمســة خيـــال]

خلط الثوم فص مهروس اومبشور
مع عصير نصف ليمونه و3كوب ماء
وتصفينه وتضعينه في المشربيه 5 ساعات
وتغيرينه بماء عادي وحاولي تعطشين الطيور
عشان يشربون من الخلطه
كل يوم تعملين خلطه جديده لمده 5ايام وبعدها فيتامينات
مثل بيبي فيت للاطفال بشري
بخصوص الكسر اكيد تبي تتعب لانه ماهو بسيط الكسر
وهي ااكيد بتفقد الذكر ونفسيتها راح تتعب وان شاء الله
مافيها عدواء
استخدمي المرهم على القدم
(فيوسيدرم)وهو عبارة عن مضاد حيوى للجلد او (ديكساترول )
وهو مرهم للعين فى الاصل وعبارة عن مجموعة من المضادات الحيوية
ادهني الرجل المكسوره اذا الطير مش راضي باالجبيره
واهتمي باعظمت الحبار اطحنيها واضيفيها للوجبات او فوق الحبوب
وكذلك الحلبه مفيده للكسر اطحنيها وضعي ذره
على الوجبات واهتمي باالغذاء المتنوع
وان شاء الله تقوم باالسلامه

[فهد صلاحات]

الله ايعوضك اختي

[*الكاسكو*]

الله يعطيكم العافيه جميعا ..

شكر خاص لك يااختي ام عيسى الله يجزاك خير ماقصرتي الله يوفقك دنيا واخره


افيدكم
ان شعاع سهرت امس انا وياه للساعه ثلاث قاعده تاكل خبز وماتركتها لين خلصت بس لاحظت انها تاكل وفيها نوم ..يمكن لان الوقت متأخر . :D . اكلت كثير ماشاءالله

واليوم عطيتها رز مطبوخ وتقبلته جالسه تاكل الحمدلله .. برضو تاكل وهي فيها نوم يمكن لاني سهرتها امس
فيها نسبة نشاط 70% تطير وتركض تنظف ريشها تمام .. جالسه اراقبها اربعه وعشرين ساعه ..

[لمســة خيـــال]

العفووووو اختي الفاضله
وان شاء الله تتعافى والله يجزاكي كل خير
على رعايتك في شعاع
طلعيها في الشمس وخليها تسمع تغريد
الطيور وضعي المرهم على الساق
موفقـــــه اختــــــي

[*الكاسكو*]

الحمدلله

شفيت شعاع من كسر القدم وصارت تتشلب وتلعب ماشاءالله ...


لكن ..










نومها كثييييييييييير ماتقوم الا اذا جت تاكل وتشرب .. نسبة نشاطها 50%

..

[لمســة خيـــال]

ماشاء الله والحمد لله
الف مبروك والحمد لله على السلامه
اختي يمكن معاها دود
لانه فيه حاله مشابه لاحد الاعضاء
الطائر ياكل وينام
عطيهادواء للدود وبعدين فيتامين
وان شاء الله تتحسن
موفـــــــــــــــق

[*الكاسكو*]

ام عيسى

عندي هذا الفيتامين !! هل ينفع ؟

http://2zoo.com/vb/showthread.php?t=300767

[لمســة خيـــال]

اذا تقدرين تقدمين فيتامين
omni vit
واذا ماوجدتيه استخدمي نفس الفيتامين
موفقه ان شاء الله