الاخوة خبراء البلوفرندت ، استفسار

[مكة911]

________________________________________
السلام عليكم ورحمة الله وبركاته ،،،


اود استشارتكم لدي بلوفرنتد بجناح كامل يطير ويجي على يدي وراسي وكتفي ، بصراحة طفشني كل ماشافني جاء طاير ،

هل فعلا جناحه يكون عائق عن سرعة تعليمه للكلام لانشغاله باليران

هل تنصحوني بقص جناحه ؟

علما بان احد الاخوة قال لي ان البلوفرنتد لاتستطيع تدريبه على الكلام واي شئ وجناحه كامل لأنه ينشغل بالطيران واذا بدأت معه في اي شي يتركك ويطير ، هل هذا صحيح

يقول انه اذا قصصت جناحه يلجأ اليك كثيرا ،،

اود منكم الرأي هل اقص جناحه رغم طيرانه وولافته عليا ،

وثانيا / رغم ولافته واكله من يدي الإ انه لايسمح لي بالمسح على رأسه خارج القفص اما داخل القفص عادي ، وبعض الاحيان لمن يلعب واجيه الاقيه يعصب ويبغى يعض ، تصانيف

ثالثا / لا يأكل حب الشمسي ، رغم حبه للفول السوداني والفواكه ،،

رابعا / كان يتكلم بكلمة بابا ، وكم كلمة ، فجأة قطع عن الكلام واصبح فقط يصفر ويناديني بالصفير بدلا عن بابا ،،

خامسا / يكره الترويش تماما ويتضايق رغم ترويشي له بالبخاخ

المعذرة من كثرة استفساراتي ولكم جزيل الشكر ،

[Hadd1001]

اتمنى يفيدونك اصحاب الخبره بس ما شاء الله طيرك هدد وهذي نادره في الطيورالببغاء

[مكة911]

عشان كذه محتار يا اخوي وابغى الرأي قبل لا اقص جناحه

[the_gostman]

والله يا اخوي اذا الطير هدد برأيي لا تقصه..

شء جميل جدا أن يأتي الببغاء إليك بذاته..لكن برأيي ان تخصص له وقت للخروج من القفص.. يكفي ساعتين باليوم للخروج.

اتمنى لك كل التوفيق

[تركي111]

عليكم السلام ... خذ مني قصة افضل لك فيها ان تجبر الطير عليك ويتعود ..
والشيئ الثاني لوحبيت تطلعه ف السور او تاخذه للسياره بدون قفص ..
تكون مرتاح ولاتشيل هم الجناح كلها فتره ويطلع ان شاء الله ..
والله مب حلوه تشوفه بين السماء والسحاب ثمن تقول ليتني قصيته .



موفق

[عبدالعزيز14]

لاتقصه
احجره بالقفص وعلمه الكلام

[مكة911]

شاكر لكم افادتكم اخوي تركي واخوي عبدالعزيز

[ابوحمد1]

طيب عندي لك حل لتقص جناحه لانه مراح يطول الي اذا نتفته من جذوره وهذا يتعب الطير مدام انه اليف خذلك 4 او 5 من اجنحته وشرطنها. وكذا انسي انه يطير

[the_gostman]

اخي ابوحمد1 بالنسبه لموضوع انك تضع لاصق على الريش لا أنصح به لانه يقصف الريش ويخربه..

تقبل مروري
اخوكم رمزي

[ابو على2]

وعليكم السلام ورحمة الله وبركاته افضل شي اخوي تقص جناح الببغاء قصه احترافيه بس مو انتى اللي تقصهى روح لمحل يعرف يقص وخليه يقصه قصه احترافيه ثاني القصه الاحترافيه تخلي الببغاء يطير لكن ليس كثير ولا يقدر يطير فوق جدا يعني يمكن يصير ارتفاعه 10 متر من فوق الارض

س/2 ليسمحلي بلمسح على الراس
ج/2الببغاء غير متعود على لمس الراس يجب ان تعوده على لمس الراس لكي يتعود على الحركه بنسبه للعض حاول حاول لا جاء يعض تحط عسل على اصبعك وتخليه يلحس العسل وهو ماراح يعض

س/3لا يحب حب الشمسي
ج/3 لازم تعوده عليه لو كان صغير سهل اما لو كان كبير صعب شوي تجوع الببغاء لمدة نصف يوم لو معدي عمره السنه ام لو تحت السنه جوعه 6 ساعة فقط واعطيه حب الشمسي لحد لما يتعود عليه مره
س/4ما يتكلم
ج/4اخوي لازم حصل لطير شيء في الماضي ضرب اوصرخ عليه الخ المهم لازم تتقرب من الطير قوه علشان يرجع يثق فيك مره اخره ترجع تعلمه الكلام اللي كان يتكلمه علشان يكون سهل عليه التد

س/5 مايحب الترويش

ج/5اخوي اكثر الببغنات تكره الترويش ويجب تعويدها من وهيا صغيره بس روشه في الاسبو مرتين فقط من بخاخ على بعد 30 سانتي متر

ولا يهمك واي استفسار احنا في الخدمه العفووو

[مكة911]

شكرا اخي الغالي ابو علي ، اشكرك على ردك على الاستفسارت ، اسف اسئلتي كثيرة ، وشكرا لتعاونك موفق يالغالي ،،،

[سالم بابطين]

السلام عليكم ورحمة الله
بختصار

لا تقص الجناح ميزه للطير

امنع منه اكل اللوز لنه كله دهون وحط له دوار الشمس مع الجوع راح يتعود

لا تطلع الطير من قفصه الا كل ثلاث ايام مرة لمدة ساعه او اقل مع تكرار الكلمة او الجملة الين ينطقها

والافضل تعلم الطير الكلام وهو على يدك وتكافئ الطير الاكل الي يحبه وهو على يدك واذا قال الكلمه الي تعلمها منك

والله اعلم

[مكة911]

شكرا اخوي سالم على الافاادة ،، موفق ياغالي

[ابو على2]

العفوووو

[bader911]

السلام عليكم ورحمة الله وبركاته ،،،
وعليــكم السـلام ورحمــة اللهـ وبركــاته

اود استشارتكم لدي بلوفرنتد بجناح كامل يطير ويجي على يدي وراسي وكتفي ، بصراحة طفشني كل ماشافني جاء طاير ،
يالغالــي تقـدر تحدد لــه أوقـات معينــه تطلعـه فيهــا وبكــذا تريـح نفســكـ

هل فعلا جناحه يكون عائق عن سرعة تعليمه للكلام لانشغاله بالطيران
تعليــم الكلام يكــون بالقفــص ومالــه علاقـه بالطيــران واذا بدا ينطق الكلام كافئه
وبعد ما يتقنهــا تقدر تنتقــل للمرحـل الثانيه وهـي تحط الطيــر على يـدك بغرفه مافيهــا أغراض كثيره
وتبــدا تنطق له الكــلمه وهـو على يــدكـ واذا قالها كافئه وكــذا وبهالطريقه راح يتعلـم يتكلم علـى اليــد
ومع التدريـب بينطلــق ان شـــاء اللهـ والجنــاح ماله عـلاقه نهــائيا بسرعه التعلم او بطئهـا

هل تنصحوني بقص جناحه ؟
مـا انصـــح بقصـه ابــداً والهــدد ميــزه حلـــوه جداً

علما بان احد الاخوة قال لي ان البلوفرنتد لاتستطيع تدريبه على الكلام واي شئ وجناحه كامل لأنه ينشغل بالطيران واذا بدأت معه في اي شي يتركك ويطير ، هل هذا صحيح
قلت لكـ مبدئيـاً علمــه بالقفــص الكــلام والولافــه وغيـــرها بعـد ما يتقن الكلمه الي قلتهــا له طلعه على يدكـ وكـــذا , والطيــر حدد له وقت معين يطــلع فيـه من نص ساعه الـى ســاعه يكفـي باليـوم
وتقدر تمسك رجله بيدك وهـو اذا حاول يطير ماراح يقــدر :D

يقول انه اذا قصصت جناحه يلجأ اليك كثيرا ،،
صحيــح كلامـه , لكن عـلى كلامك الطيــر يطيـر ويطب علـى كتفكـ وراسك وكل مايشــوفك يجيك
يعنـي يلجــأ لكـ كثيـر وطيــران وش أحــلا من كـذااا :)

اود منكم الرأي هل اقص جناحه رغم طيرانه وولافته عليا ،
مــا انصــح بقصــه ابــدا وبالعكــس انـا من الـي يحبــون الطيـر يكون ريشـه كــامل عشـان يتعلم الهـدد ولانـه يضيف جمـال لشكل الطيـر

وثانيا / رغم ولافته واكله من يدي الإ انه لايسمح لي بالمسح على رأسه خارج القفص اما داخل القفص عادي ، وبعض الاحيان لمن يلعب واجيه الاقيه يعصب ويبغى يعض ، تصانيف
هــذا شـي عادي بأغلب الامزونيــات ولكـن مع كثــرة المسح راح يتعـود والله يعيـن يدكـ على كم
عضه بتاكــلها بالبـديه والعضعضه احيان تكون دليل لحب الطير وتعلقه فيك وذالك لانه يحاول يلعب معك بمنقاره

ثالثا / لا يأكل حب الشمسي ، رغم حبه للفول السوداني والفواكه ،،
مــا انصحكـ بالتجويـع لكن تقدر تحط له بالبدايه شوي حب شمسي مع الاكل الي يحبه
واليوم الي بعده تزود له شوي الحب الشمسي الى ان يتعود علــيه
او تقدر تحط له الحب الشمسي بالماكليه والطيـر اذا حس بالجوع بياكلــه, من دون تجويع للطير

رابعا / كان يتكلم بكلمة بابا ، وكم كلمة ، فجأة قطع عن الكلام واصبح فقط يصفر ويناديني بالصفير بدلا عن بابا ،،
يمكـن صايــر له موقـف معين مثل ضرب او ان القفص كان معلق بمكان وطـاح وخاف الطيـر..إلخ
حاول انكـ تعيــد له ثقته عن طريق المكافئات والتشجيـع بكلمات معينه والضحك

خامسا / يكره الترويش تماما ويتضايق رغم ترويشي له بالبخاخ
عــادي جداً لانه ما كــان متعود عليه والموضوع سهـل جداً ما عليكـ الا انك تروشه بالاسبوع مرتين
حتى لو هو ما يبي ويفضل يكون الترويش ببخــاخ ,وشهـر بالكثيـر وراح تشوفه متعـود ومبسوط بالترويش

المعذرة من كثرة استفساراتي ولكم جزيل الشكر ،
ولا يهمــكـ يالغالـي احنـا جاهزين للمساعده في اي وقت المهـم الفائده تكـون للجميـع

[تركي111]

والله صارت سالفة ههههههه يعني لوقصيته بتوقف الدنيا
تراها طيور تقصة وبيطلعله بعدين كثرت الاستفسارات والتردد مب زينةً


موفق

[bader911]

والله صارت سالفة ههههههه يعني لوقصيته بتوقف الدنيا
تراها طيور تقصة وبيطلعله بعدين كثرت الاستفسارات والتردد مب زينةً


موفق
اسمحـــلي يالغالــي انا اخالفــكـ في الراي
لــو قصيــت جنحــان الطيــر ما راح يطلعه جنحــان الا بعــد تبديل الطيــر للريش وممكــن يـاخذ الموضوع
سنــه عشان الطيــر يبدل ريشه وممكــن اكثــر وصاارت مع كثيــر من الاخـــوان بالمنتدى فيه طيور للاعضــاء
لها تقريبا سنــه ونص وما طلع لهــا ريش , والطيــــر بدون جنـــحانه يفقــد كثيــر من مميــزات
ومنهــا تقدر تدربه يجيــدك هدد وتقدر تعلـــمه الطيــران الحــر وفي أي مكــان يطيــر ويرجع لك
وتقدر تعلـــم يتشقــلب وهو يطيــر وتقــدر تجيــب معلاق ملابــس مثلا وتسويه علــى شكل
دائــر وتعلــم الطيــــر انه يطيــر ثم يدخل جــوات الدائره ووتقــدر تعلمه يجيــب لك اشيـــاء كثيـــره
عشـــان كــذا انا شخصيــاً اعتبـــر الطيـــر الـي جنحــانه مقصــوصه فاقــد لنصف مهــاراته وابداعاتــــــه :)

وجهــات النظــر تختلف دائمـــــا ولا تفسد للـود قضيـــه :88:

[تركي111]

ايه ماختلفنا جعلك تسلم ،،،،
بس انت تعرف الببغاوات الامزونيه مشهورةً بلفصاحه والطلاقة ف الكلام ،،،
يعني الطير من كثر الطيران وكذا ماراح يستجيب لصاحبه ف الكلام
بيكون اكبر همه ان يطيير ويرووح لوين مايبي
وفي نهايه الكلام هي قناعات ،،
وبعدين بعد فترةً الطير معد يكون عنده كلاام كمثل باقي الامزونيات ..
والله يوفقنا واياكم .
وعفواً بقولك شغله مهمه يصاحب الطير
هو معجبك كذا الطير ؟ لاتقصه
وصل اللهم وبارك

[عزوزالعبدالله]

نصيحه لاتقصه
وبالنسبه للمسح على الرأس حاول تجلس معه اكثر وقت ممكن
واللي يقول ما يتعلم اذا كان يطير. مع احترامي له غلط المعلومه انا اشوف ان طيران الطير وهو متعلم الكلام يساعده على الجراءه
لو تلاحظ فيه طيور ما تتكلم على اليد او اذا كنت قريب منها
الطيران يعتبر نوع من انواع التسليه للطير يعني بيكون رايق الطير
انا ما اتكلم من فراغ انا جربت
وقت التلقين خله بالقفص واذا طلعته وصار حافظ له كلام وطار يمك لاحظ اول ما يقف على يدك ينطق الكلمه اللي حافظ او اللي كنت تلقنه بكثره يكون مبسوط وبكذا يتعود على الجراءه والكلام بالوجه

اعتذر على الاطاله

[مكة911]

اشكرك اخوي بدر ربي يسعدك. وشكرا لمرورك اخوي تركي واخوي عزوز انت الخبرة يسعدلي قلبك