الاورنج وينج مريض

[إماراتي 11]

السلام عليكم

يا اخوان انا عندي امازون اورنج وينج شريته قبل يومين
من اول ما يبته ماكل اي شي ويشرب ماي واايد
وعنده اسهال ودوم نافش ريشه وبطيء في الحركة

هل استخدم خلطة الثوم والليمون معه ؟؟
وهل بتفيده ولا لا ؟؟
ماعندي احد يوديه للبيطري وهو جدا بعيد
هل في طريقة احضرها في المنزل عشان اعالجه 00

[ابو على2]

حطله اخوي خلطة الثوم باليمون وانشاء الله يخف بالتوفيق

[إماراتي 11]

مشكووور اخوي
بتوكل على الله واحطها

[ابو على2]

العفووو

[إماراتي 11]

امس حطيت له الخلطة وما شرب الا كمية قليلة لان يانا ضيوف
وكان خايف منهم ولانه ماكان عطشان
متى اقدر اعيد له الخلطة
واذا حطيتها له بكرة بتأثر عليه ولا لا .

[monybat]

اخي الفاضل
لا تعيد خلطة الثوم والليمون
لانها ليس لها علاقه بالاسهال
استبدل الماي العادي بالصحن الخاص فيه بماي رز
او استخدم شاي ثقيل بدون اضافات
وشكرا

[بلاك بيري]

خلطه الثوم بالليمون هي مقوي مناعي ومساهم في كبح حده التهاب الجهاز التنفسي للأسهال ننصح بماء الأرز او بالشاهي الثقيل الخالي من السكر

اما بالنسبه لي انا انصح بأستخدام السبيكتولين او الباي تريل او التيراميسين كمضاد حيوي عام مفيد في قتل البكتريا المسببه لهذا المرض


موفق


تحياتي