كاسكو افريقي مريض الحقو علي @@@@@@@@@@@@@@@@@@

[hamad8898]

السلام عليكم اعضاء المنتدى الجميل
عندي كاسكو افريقي كان ممتاز ووضعه طيب وفجأه وقف تغريد وصرت اسمع صوته وهو يدخل النفس ويطلعه واضح ان صدره تعبان وبعدها بيومين بدت عيونه تتسكر لين صار الحين مايفتحها الا قليل وقليل ياكل ووزنه نقص وفيه اسهال وديته لبيطري عطاني محلول احطه مع المشربيه وقطره لعيونه بس ماني لاقي فايده ، وصاير يطلع لسانه كثير
مع العلم اني اعطيه اكل حب شمسي مع مخلط اعلاف كاكا

ارجو الرد قبل لايروح الطير من يديني وشكرا

هذي الصور ما قدرت احط الا روابط لانها كبيرة

العيون
http://store2.up-00.com/Apr13/9vV37616.jpg


اللسان
http://store2.up-00.com/Apr13/PXK37616.jpg


http://store2.up-00.com/Apr13/RCi37616.jpg

http://store2.up-00.com/Apr13/Js237616.jpg

[أسيــــر]

وعليكم السلام ورحمة الله وبركاتة
اخوي بعد ماظفة العلاج الي وصفه لك الطبيب هل شرب منه الطيروالعلاج ياخذ عدة ايام لتعافي الطير
تاكد منه ورجع لطبيب مرا اخره لانه اعراض المرض مختلفة الان بذات خروج السان ويفضل سقي الطير لضرورة

[hamad8898]

نعم ياستاذ اسير هو يشرب من الماء ولكن ضايقني ان الطير له حوالي اسبوعين وزيادة على هالحال

[الكادي هواها]

ينقل السؤال واجواب

[محمد ياسين]

الله يشفي طيرك انشاء الله

عليك بماء الارز المغلي جيدا لعلاج الاسهال

وحاول ان تضع الببغاء في مكان دافي .

وانشاء الله يفيونك الاخوان من ذوي الخبرة

[ابو على2]

وعليكم السلام اخوي استمر في الدواء اللي وصفهولك الطبيب البيطري ولا تاكله اي فواكه او خضار وباذن الله يشفي
بالتوفيق

[monybat]

اخي الفاضل
طيرك عنده برد وبالتالي لا يستطيع التنفس من الانف
حاول تستخدم مضاد تايلان لعلاج الجهاز التنفسي
او اذا ما حصلته ممكن تستخدم اي مضاد اخر يكون لنفس الغرض

[عزوزالعبدالله]

عليكم السلام

اخوي طيرك عنده برد مثل ما قال الاخ monybat
التايلان صعب تلاقيه ما اعتقد انه موجود الحين

تعرف المرّه ذوب شوووي منها فيه علبة المويا الصغيره
وحط بالمشربه الربع وزدها ماء عادي كل يومين اعطيه مره وحده
ولا تعطيه اي نوع من الفواكه خلك على الحب بس

لا تسويها بنفس اليوم اللي اخذ فيها علاج البيطري

وخلي الطير في مكان دافئ ولا اوصيك على نظافة القفص

وان شاء. الله قدامه العافيه

[hamad8898]

الله يعطيكم العافيه ويجزاكم خير واشكر مروركم واسف لاداره المندى وضع موضوعي في مكان غير مناسب
المنتدى جمييييل

[ابو على2]

الله يعافيك
بالتوفيق

[honey1992]

حط الطير بمكان دااافي
الدفا اهم شي الدفااا الدفااااااااا راح تلاقيه محتر ورافع اجنحته بس ماعليك احسن له لحد مايتحسن
ويكون المكان هادي بعد
اعطيه مر مع الموية مرة وحدة بعد يومين اعطه ثوم بالليمون وخففه كثير بالموية لا يصير ثقيل ع معدته
لو مشيت عاللي قلت لك راح يتحسن بإذن الله لأن صارت معي ومع كل طيوري تقريباً.
الله يشفيه يارب طمنا عليه بليز
:)

[وحش مكه]

الله يشفي طيرك

[تشآرلي]

لا حول ولا قوة الا بالله

ربي يقومه بالسللامه

الطير يحتاج لوقت طويل

30 يوم وان شاء الله بيتحسن

اصبر عليه ..

ولا تنسى تطمنى عليه ..

[طاهر عبدالعال]

يارب يشفى طيرك وعليك بماء الارز زى ماقال اخى ويفضل الارز المصرى لاحتوائه على النشاء وفى دواء قوى جدا أسمه تايلوسين رائع للبرد وامراض الجهاز التنفسى ربع ملعقة صغيرة (بلاستيك ) تلقاها عند صيدليات البيطرية

[hamad8898]

لا زال الطير تعبان وعينه اليمنى ورمت زيادة اخذت له تايلان ومرهم ، ابي اعرف طريقة وضع المرهم على العين وشكرا

[hamad8898]

ولله الحمد ، بعد ما اخذت رايكم وبحثت بموضوع المرض وجدت انه التهاب بالجهاز التنفسي في مرحله متقدمة ، استمريت على التايلان ، عن طريق 5 قطرات مع المشرب يوميا + نقطه في كل عين مره في اليوم الان الطير تحسن ولله الحمد وبدا يرد لي نفس التصفير اللي انا اعطيه وتفتحت عيونه شوي ولكن الورم لازال موجود وان شاء الله انه في زوال

اشكركم

[ارنوبي.]

ماشاء الله تبارك الله الحمدلله على سلامة طيرك ..

لكن اخوي انت تعطيه عن طريق الحقن ولا الماء ؟

[ارنوبي.]

ماشاء الله تبارك الله الحمدلله على سلامة طيرك ..

لكن اخوي انت تعطيه عن طريق الحقن ولا الماء ؟

[hamad8898]

لا اعطيه بالمشربيه خمس قطرات مع تعبئه المشربيه كامله
واعطيه قطره وحده لكل عين

[ارنوبي.]

انا ارى افضل لك تعطيه عن طريق الحقن اسرع واقوى مفعولاً ..

هذا فديو للأخ سكر عنده نفس مشكلة ببغائك واعطاه حقنة تايلان تعطيه من 5 ايام إلى 13 يوم متتابعة ..

http://www.youtube.com/watch?v=J83WQ3vFYY8

وهذي بعض المقاطع الاجنبية

http://www.youtube.com/watch?v=qL_I1zOMkQE

http://www.youtube.com/watch?v=Y0biNNA8TZg

مع تمنياتي لك بالتوفيق

[hamad8898]

احس فيها خطوره ومدام الطير بدا يتحسن ماله داعي العجله ,, مع تحياتي لكم جميعا

[ارنوبي.]

والله وانا اخوك العلاج بالمشربية ماينفع للحالات المتأخرة ,,

انا ماجربت علاج ببغاوات ولكن انا كنت اشتغل في الارانب المضادات والعلاجات الاخرى ماتنفع بالماء حتى الوقاية ماعطتني نتايج ..

لكن انا كان عندي مشاكل تنفسية وحالات متأخرة وجربت التايلوزين أو التايلان وعطاني نتائج مبهرة ...

نصيحة جرب الحقن افضل لك لأنه كما هو معلوم الافريقي مناعته سيئة ويمكن تخسره جرب ومنتب خسران شي ..

تحياتي

[hamad8898]

كان عندي كاسكو هولندي ومناعته اضعف بكثير من الافريقي كما هو معلوم , وجاه مرض يحتاج علاج اما بالمشربيه او بالحقن ولكن نتيجه لانعدام الشههيه انعدام تااام لا يشرب ماء ولا ياكل حبوبه , اضطريت اني اعطيه عن طريق الحقن على يد دكتور بيطري ولكن للاسف الطير مات بعد الحقنه بخمس دقائق ,

انا ماني مستعجل على عافيته , ومدامه ياكل ويشرب هذا اهم شي عندي , وقاعد يتعافا ولله الحمد

[ارنوبي.]

الحمدلله اموره مستقرة :)

الله يشفي طيرك ويمتعه بالصحة ..

بالتوفيق :)