اشتريت كوكاتو امبريلا وعندي كم استفسار

[ببغاء سعودي]

السلام عليكم

زي مو واضح في العنوان
اشتريت كوكاتو امبريلا وولييف جدا الحمد لله ويرقص على طول ما شاء الله
راعيه يقول انه يقول بابا وكم كلمة لكن له الان يوم عندي ما سمعته يتكلم
بس اذا ما احد عنده يصيح او يعطي صرخات كانه ف غابة :) بس مو دايم

الاستفسار انو كيف اعرف كم عمره التقريبي
وكييف اعلمه عالكلام ومتى ممكن اسمع منه الكلام اللي يعرفه

ووش تنصحوني لاني اول مرة اخذ ببغاء كان عندي كناريات بس :)
ولو فيه روابط متشعبة اقرأ فيها ما تقصرون

ويعطيكم العافية

[الكادي هواها]

رمضان مبارك
والف مبروك الطائر والله يهنيك فيه
ينقل السؤال واجواب

[أبو محجوب]

ياهلا ومرحبا اخوي
فالبداية لوعندك صورة للطير وتقدر تنزلها يكون افضل
وتعليمه للكلام ردد عليه الكلام بشكل يومي واعطيه مفردات لاتعطيه جمل طويله
لانه طائر الكوكاتو معروف طائر زينه وراعي رقص ولعب ونادر مايحفظ جمل
وانصحك ان توفر له الجو المناسب وتروشه فالاسبوع مرتين واهتم بنضافة القفص وحطله العاب ودلعه
وعشان الععمر حاول تنزل لما صورة له
بالتوفيق

[ببغاء سعودي]

يعطيكم العافية عالردود

هو الان فقفص مشي حالك احسه صغير عليه وهو ما شاء الله حجمه كبير
وللاسف ما فضيت اشتري له قفص كبير لكن شريت له ستاند واطلعه عليه فترات وارجعه

بانزل له صور قريبا باذن الله

[ببغاء سعودي]

هذي الصور

اذكروا الله ما شاء الله تبارك الله

http://im35.gulfup.com/1bd19.jpg

http://im35.gulfup.com/ZBLMM.jpg

ما ادري ليش الصورة مي معتدلة لكن لو تتكبر عالعين يبان كأن فيه حمار او لون بني غامق حول البؤبؤ

وش رايكم ؟؟

[bader911]

مــا شاء اللهـ تبـــاركـ اللهـ
جنـــس طيــركـ أنثـى يالغالــي
وحــــاول تخليهـــا أغلب الوقــت عـند الاهــل او أكثــر مكــان متواجدين فيــه مثل صاله او غرفه
لان أغلـب الكوكــاتوه اذا جلس لحــاله فترات طويله ينتــف ريشه لا سمـح اللهـ
أو أتــــركه عــلى الاستــاند ولا تــدخله القفــص الا وقـت النـوم
وعمــرها بايــن من الصــور انهــا صغيــره موب كبيــره مره
وأهــل الخبــره بالعمــر بيفيــدوكـ ان شــاء اللهـ ومــاراح يقصــرون
وكــل عام وانت طيـب ومبــاركـ عليكم الشهــر الكريــم

[ببغاء سعودي]

مــا شاء اللهـ تبـــاركـ اللهـ
جنـــس طيــركـ أنثـى يالغالــي
وحــــاول تخليهـــا أغلب الوقــت عـند الاهــل او أكثــر مكــان متواجدين فيــه مثل صاله او غرفه
لان أغلـب الكوكــاتوه اذا جلس لحــاله فترات طويله ينتــف ريشه لا سمـح اللهـ
أو أتــــركه عــلى الاستــاند ولا تــدخله القفــص الا وقـت النـوم
وعمــرها بايــن من الصــور انهــا صغيــره موب كبيــره مره
وأهــل الخبــره بالعمــر بيفيــدوكـ ان شــاء اللهـ ومــاراح يقصــرون
وكــل عام وانت طيـب ومبــاركـ عليكم الشهــر الكريــم

الله يعطيك العافية ما قصرت
بس كيف عرفت انها انثى ؟ عاد توني جديد عالكوكاتو خخ
وزي ما قلت اذا رحت من عنده يصارخ واذا جيت يسكت :o

[riooo]

اذا كانت عين الكوكاتو واضح فيها اللون العسلي وغامق مثل ماتقول يعرف انها انثى هذا الي عرفته

والف مبروك مشاء الله جميله والشهر عليك مبارك وبيجونك الخبراء ويفيدونك بكل ما كتبته باذن الله مايقصرون

[riooo]

الاخ ببغاء سعودي ياليت ترسلي رساله على الخاص لوسمحت

[أبو محجوب]

ماشاء الله تبارك الله
واضح من لون العين انها انثى
طير جميل ونضيف ربي يبارك لك فيه
وبالنسبه للعمر من سنه ونص الى سنتين والله اعلم
بالتوفيق

[bader911]

اذا كانت عين الكوكاتو واضح فيها اللون العسلي وغامق مثل ماتقول يعرف انها انثى
كـــــلام أخــونا الغالـــي صحيــح

والذكــــر تكـون عيـنه ســـوداء بالكــامل

[riooo]

اشكرك اخوي / bader911 على تاكيد كلامي الله يعطيك العافيه

[ببغاء سعودي]

الله يعطكم العافية ما قصرتو

بس استفسار اخير واتمنى ما اكون ثقلت عليكم

في هذا العمر "سنة ونص إلى سنتين" هل بيتعلم الكلام بسرعة ؟

[ببغاء سعودي]

للرفع

[A3z_ansan]

بالنسبه للصراخ الببغاء طفشااااان يبي ناس عنده ما يبي يقعد لحاله ابدا لأنه نشيط يبي يعجب الناس اللي جنبه وما يحب يقعد لحاله خلها دايم في زاوية المكان الي دايم اهلك فيه يعني الصاله وحط تحته سفره عشان الوالده ما تزعل أسأل مجرب ههههههه

[ببغاء سعودي]

الله يعطيك العافية

امس شريت له قفص كبير عشان يتمطط براحته :12: واحس نفسيته احسن

طيب بالنسبة للكلام هل تتوقعون بيتعلم بسرعه بما انه حول السنة ونص إلى سنتين ؟

[bader911]

بالنسبه للكـــــلام هذا يتـوقف علـى ذكـــاء الطيــــر نفسه وصبــــــرك انت شخصيـاً والتلقيـــن الجيــد

[haytham-]

اخي العزيز
بالنسبة للون العين (الفراخ حتى سن البلوغ يكون نفس لون العين للذكر و الانثى ) اما بعد البلوغ يصبح لون عين الانثى مائل للحمرة و لون عين الذكر بني غامق او فاتح قليلا
اما الصراخ فالكاكاتو مشهور بصراخه للفت النظر او اذا كان خائف لكن انصحك بان تتجاهل الصراخ تماما واذا كنت في الغرفة و صرخ اخرج من الغرفة لفترة قصيرة وعد لان الببغاء اذا تعود على ان صراخه ياتي بنتيجة فابشرك بانه سيصرخ بجنون كلما اراد الخروج من القفص او اراد الاكل او اي شيء اخر
عوده على القفص وضع له الالعاب
وبالنسبة للكلام الكاكاتو متكلم لكن غير ممتاز واذا احببت ان تعلمه الكلام انطق الكلام بشكل مرح لان الكاكاتو بطبيعته بهلوان ويجب المرح و هذه الطريقة تجعله منتبه معاك اكثر

وشكرا