قصتي مع الكاسيكو الجديد + أسئلة متفرقة [الأرشيف]

محمود007

12-07-2013, 07:56 PM

السلام عليكم ورحمة الله وبركاته

مبارك عليكم الشهر جميعاً والله يتقبل أعمال الجميع

ابدأ في الموضوع على طول

اشتريت ببغاء افريقي(كاسيكو) تاريخ 20/07/2013 ..وبعد اسبوع حسيت انه مصاب اكرمكم الله بالاسهال فلذلك قلت باخذ للبيطري .. رحت للبيطري وعطاني دواء للاسهال..بس صراحة ما اقتنعت منه لانه معاملة الدكتور كانت مو طبيعية ... اخذته لبيطري ثاني وقال انه مصاب باسهال وعطاني دواء ليه وقال ليي استخدمه من 5 الى 7 ايام ...

بعد 7 ايام ما تغيرت حالته ..اخذته لنفس البيطري وقال ليي واصل بنفس الدواء اسبوع ثاني.. واصلت وماتغيرت حالته... بعدها اخذته ليه وقلت ليه ماتغيرت حالته وصار ماياكل .. عطاني دواء غير للاسهال وعطاني اكل مال الفروخ وقال اذا ما اكله اعطه من الاكل .. المهم عطيته وبعد يوم قعد ياكل بروحه بشكل خفيف وتالي صار ياكل اكثر...تطمنت وقلت ان شاء الله صار زين .. يوم ثاني قعدت من النوم ... اكرمكم الله البراز عالق فيه ... قلت الله يستر مادري شصاير. ومو راضي ياكل... قعدت اعطيه من الاكل واغرز ليه ... وقعد يرجع وصار جسمه ضعيف واجد!!!!! انا لله وانا اليه راجعون حسيت خلاص الطير مستحيل يعيش وياه.. تعبت واجد معاه بس مايأست ... امس اخذته للبيطري الاول... وقلت ليه الموضوع كامل... قال ليي وقف عنه كل شي وانا بعطيك ادوية ليه ...عطاني دوائين . اخلطهم في الماء ..وقال ليي ثلاث مرات في اليوم اعطه ماء بنفسك من فهم بالابرءة مالت الغرز والماء يكون يحتوي على الدوائين وبعد اسبوع جيبه العيادة اجوفه... من امس لليوم تطور واجد... وقعد ياكل بشكل شبه طبيعي ...وجسمه صار افضل...

عندي بعض الاسئلة بشكل عام

س1/ الطير مريض حاليا ...قرأت في مشاركات متفرقة في المنتدى انه الافضل اني اخليه في مكان دافئ شوي ... انا اخليه في غرفة والمروحة مشغلة عليه.... اخليها مشغلة او؟ .. مع العلم اني عايش في الخليج .. والخليج الجو مو طبيعي.

س2/ الطير عمره تقريبا 7 الى 8 شهور ... شلون بالنسبة للفواكه ؟ يصلح اعطيه الفواكه؟ شنو الفواكه المفيدة؟ كل يوم اعطيه الفواكه او كل كم يوم؟ بما انه الطير مريض حاليا ... يصلح اعطيه الفواكه هذي الايام؟

س3/ حالة الطائر كم يبي ليه عشان يصير اوكي؟

س4/ اقرأ في المنتدى عن تبديل الريش وعن المنقار يحتاج الى برد لاينكسر .. شنو موضوعهم ذلين!!

س5 /بالنسبة لرش الطائر بالبخاخ ... كم مرة في الاسبوع؟ الماء يكون بارد ااو بارد خفيف او شنو بالضبط؟حاليا الطائر مريض... تنصحوني ارشه بالماء؟

اعذروني على الاطالة .. ويمكن اتذكر اسئلة واسالكم...

عزوزالعبدالله

13-07-2013, 06:58 AM

عليكم السلام ورحمة الله

1/ لا تشغل المروحة وحاول ما يتعرض لاي تيار كهربائي

2/بالعمر هذا عادي ياكل فواكه جميع الفواكه بس انتبه من الحب اللي فيها ساام للطير وعادي لو عطيته كل يوم او يكل يومين لكن حالياً لا تعطيه فواكه اببببد بما انك تعالجه عن الاسهال والفواكه مثل التفاح تسبب الاسهال

3/ العلم عند الله بس انشاء الله اذا العلاج مناسب له على كلامك 10 ايام ويتعافى

4/ تبديل الريش حالة طبيعية يمر فيها الطير فتره معينة بالسنه اماا المنقار انتبه انتبه انتبه تبرده نصيحه لا تبرده ركب له بالقفص العصا الخشن تباع بمحلات الطيور زي الصنفره وهو يزبط منقارة بنفسة حتى الاظافر انسى انها تاذيك اذا ركبت العصا الخشن لااااااا تبرررد

5/ الرش مره او مرتين بالاسبوع لكن انتبه يتعرض للهواء بعد الرش

ومتى ما تذكرت اي سؤال تحت امرك ان قدرت افيدك فيها والا يفيدونك اخواني

وبالتوفيق والله يتمم العافية على طيرك