مبتدئ في تربية الثعابين .. سؤال سريع

[الريـان]

السلام عليكم ورحمة الله وبركاتة ..
احبتي في الله ..
انا مربي ببغاوات .. ومن زمان ودي اقتني ثعبان اربيه ..
الان قررت اشتري واتوكل على الله وادخل في هذا العالم الرهيب ,,

نصائحكم وتوجيهاتكم ..!
ما هو افضل ثعبان اقتنيه ..!
الأصله البورميه .. ما رأيكم فيهـآاا ..؟!

انتظركم واستحملوني .. محبكم

[ريان!]

وعليكم السلام

الاصله البورميه ممتازه كبدايه لكن خذ لك صغيره

بالنسبه لمواضيع البدايه وكيفية التربيه كل شيء موجود في الفهرس فوق .. اي مشكله تواجهك اطرحها وبأذن الله نساعدك

[الريـان]

حياك يااا سسسمي :) ..
ايش قصدك بصغيره وليش ؟
افكر اخذ وحده بطول مترين او اقل بقليل ..
+ المواضيع قرأتها كلهاا وما زالت الامور غامضه ..

بما انك خبره ّّ .. ياليت تعطيني اساسيات اقف عليها ..
وكم اسعار الاصلات ؟

اسف جدآ .. وجزاك الله خير

[ريان!]

يالغالي

اذا ماكان لك تعامل مع الثعابين من قبل صعب انك تبدا بوحده طولها تجاوز المتر ونص
لابد من الاخطاء في البدايه ولابد ان تبدأ بشيء صغير حتى لو عضك او ضرك بشي راح يكون ضرر خفيف ,
وتعرف ردة فعل الثعبان ومتى يهجم ومتى يكون هادي ..

اما بخصوص الامور الغامضه اللي ذكرتها

اخوي اساسيات التربيه هي حوض بمساحه مناسبه تسمح للثعبان بالتحرك .. (الحوض اذا كان كبير راح يطول الثعبان . اذا كان الحوض صغير راح يعرض جسم الثعبان اكثر من انه يطول)

الوجبات تقدم بشكل اسبوعي او بشكل شهري , متى ماأردت ولكن الافضل اسبوعي حتى ينمو الثعبان بشكل طبيعي

لمبه صفراء في الحوض لـ الحراره ..
رطوبه مناسبه , مو لازم مقياسات للرطوبه والحراره . اهم شي بخ الحوض مرتين في اليوم بالمويه ..

ماعون ماء لابد منه

ارضية الحوض . نشارة خشب - جرايد - مناديل - تراب زراعي - الفرش الاخضر < وهذا افضلهم

تشميس بشكل شبه يومي لمده 5 الى 10 دقايق وقت الشروق او الغروب بحيث ماتكون الشمس حارقه ..

هذا اكثر شي تحتاجه في التربيه ..

اما بخصوص الاسعار الحين فـ الصغيره 1200 وانت طالع ..

موفق