ابي اشتري حيه و محتار بين نوعين (( ساعدوني ))

[chad]

السلام عليكم
انه من زمان خاطري اشتري لي حيه

بس كنت متردد
:p
و الحين تشجعت

و المهم عندي كم سؤال ياليت حد يجاوبني

اول شي

اي نوع تنصحوني فيه
الملك سنيك (( الحيه الي اتمناها ))
البايثن (( لونها مايعجبني ))


و بسالكم
الملك سنيك تعض ؟
و لو عضتني شو بيصير فيني ؟
ول وكانت تعض في طريقه امنه اقدر اشيلها من دون ماتعضني ؟

عادي اشيلها و امسكها ؟
الي يبيع قال لي انها تاكل مره في الشهر
و اكلها فار او صفار بيض مطبوخ >>>> حسيته يكذب

ياليت الي عنده معلومات يفيدني
و حتيالي عنده معلومات عن الملك سنيك
ان شاء الله مايقصر
:D


اخوكم
مزيون

[Q8kuwait]

اذا كنت ترغب بالكينج سينك .. لا تتردد اخذ واحد .. وهي من الثعابين الجميلة

لكن ما اعرف معلومات عنها وايد .. وانشاءالله الاعضاء يفيدونا عنها

[hellboy]

ان كنت تقصد البل بايثن ان اخذتة بيجيب لك القلق من ناحية الاكل.
فالاختيار الصحيح الميلك سنيك والحقيقة انا اربي الميلك سنيك حوالى سبع او ثمان شهور ولا عمره عضني او سمعت احد من الشباب بالمنتدى عضه.

[chad]

::

تسلمون لي
و الله علرد و ماقصرتو

و الباثن اعتقد النوع العادي

و milk snake
ماتحتاج لاشيه خاصه

لو تعطوني
معلومات تفيدني
بكون شاكر لكم

و مره ثانيه
ماقصرتو

[Ghoroub]

الكنج سنيك محتاج لوجبة كل سبعة أيام وما ياكل صفار بيض أما لو كان صغير فمحتاج ياكل بينكي كل 5 أو 6 أيام

ما راح يعضك أبدا إلا لو يدك فيها ريحة فار (لازم تغسل يدك تمام قبل ما تمسك الثعبان)

من أسهل الأنواع في التربية وما يحتاج عناية خاصة

لو أخذت أكثر من واحد لا تحطهم سوا لأنهم ياكلون الثعابين حتى اللي من نفس النوع

تحياتي

[LiMiTeD]

الشباب ماقصرو بالردود واي شي مو عارفه لا تتردد بالسؤال

[الجنتل100]

حاول انك ما تشتري ثعبان صغير مرة اي بحجم الاصبع لانك بتجد صعوبة في الحصول على اكل مناسب لحجمة

[salat07]

السلام عليكم أخوي مزيون...

أنا صراحة ما قد ربيت لا الملك سنيك و لا البايثن, بس لو أنا مكانك, راح اختار الملك سنيك لأنه أجمل في نظري من البايثن. و إن عضت, ما أتوقع عضتها تجي بقوة عضة البايثن :)
و بعدين البايثن ممكن يكون خطر إذا عندك صغار في البيت لأن حجم البالغ منه أكبر من حجم الملك سنيك البالغ!! بالتالي يحتاج مساحه أكبر و عنايه أكثر شويه.
و بالنسبه للعض, ماأتوقع في أحد يربي ثعابين و ما عضته حيّه!! بالعربي...العض لابد منه (بشكل عام).
عموماً...القرار قرارك في النهايه, و أنا أفضل إنك تقرأ بكثافه و تسأل عن هذه الثعابين اللي محطيها في بالك قبل ما تقدم على شرائها. بس عشان تعرف اللي يناسبك.
و بالتوفيق...

[chad]

تسلمون على ردودكم
و ماقصرتو و الله


Ghoroub
تسلم على الرد
بس انه ماكنت اقصد ثعبان الملك
كنت اقصد milk snake
:)



و قررت اني اشتري
milk snake

بس ياليت تعطوني معلومات عن هالنوع
شنو ياكل
و كم حجمه
شنو البيئه الي يحب يعيش فيها

:)

[madrule2002]

الملك سنيك جميله جدا وناعمه حتى في حركتها ونعم تحتاج وجبه كل سبعه الى ثماني ايام وهي نادرا ما تعض وفعلا حتى اذا عضتك فعضتها بسيطه وهناك نوع جميل منها وهو البينوا نيلسون ابيض وبرتقالي

[chad]

تسلم
اخوي علرد
و ماقصرت و الله

و هي تاكل فيران صح ؟
و اقدر ااكله شي ثاني
مثل الخضروات و الفواكه
او الضفادع و الهامسترز

[Ghoroub]

السلام عليكم

أخوي الميلك سنيك والكنج سنيك متشابهين لحد كبير إن البعض يقول إنهم نفس الفصيلة، إختيار موفق وأتمنى تلقى طلبك

الثعابين ما تاكل غير حيوان كامل يعني ما ينفع تعطيه قطعة دجاج أو لحم، والثعبان ما ياكل لا خضار ولا فواكه بعض الأنواع ممكن تاكل الضفادع والهامسترز بس الأغلبية تعيش على الثدييات الصغيرة مثل القوارض

تحياتي