لدي انثى عمرها سنة ونص تنفع تنتج؟؟

[كوكتيل2]

السلام عليكم زي مافي الموضوع ممكن تنتج الانثى ولا لأ مافي امل ؟؟؟
وبكم تقريبا سعر ذكر عمر فوق السنة ونص؟؟؟
الانثى شبه اليفة كانت مرة اليفة بس تركتها لضروف ودحين سارت ما تعض بس ما تاكل من اليد
يعني هي 70 بالمية اليفة اجيبها ذكر اليف ولا غير اليف ؟؟؟؟؟

[الشعاع]

عمر البلوغ للكروان من 8 اشهر الى سنه (الانثى حقتك جاهزه جدا جدا)
سعر الذكر الباكستاني ابو خد 300 ريال اما الهولندي بدون خد سعر الذكر 650 ريال
للانتاج جيب ذكر مو اليف افضل شي
والله يسعدك بأنتاجها

[كوكتيل2]

اللهم امين ممكن اخوي القفص حق الكاسكو ينفع للزوج ؟؟ وكيف احط البياضة يعني اقطع اسلاك وحطها بره ولا جوه ؟؟؟؟؟ وتقريبا كم سعر القفص مع البياضة

[الشعاع]

روح اي محل قله ابي قفص للكروان سعره 70 ريال على ما اظن قله يركب لك البياضه بعد سعر البياضه 10ريال

[كوكتيل2]

يعني المحل هو يسوي كل شي يالله الحمد لله مشكور وما تقصر