أسأله و أستفسارات

[MaYsTro]

السلام عليكم ورحمه الله و بركاته

انا الحمد الله اتبعت بعض الدورس لترويض الببغاء و الحمد الله في تقدم الحين يسمح لي اني احك له بدون ما يشرد و الحين اأكله حبوب عباد الشمس و تفاح و اعطيه قطع صغيره و يلحس صبعي بعد ما كان يعضه بس ما يلحسه الا اذا شاف قطعه تفاح صغيرة

ابي اخليه يطلع من القفص بدون ما امسكه بقماشه و اطلعه
أبي اخليه يوقف على يدي حاولت معاه عضني و كل مرة يعض
لللعلم انه يموت في شي اسمه تفاح حاولت معاه بالخضروات و الفواكه ما يبي الا التفاح يموت فيه حتى لو شبعان ياكل تفاح هل اقدر استغل التفاح في تدريبه
و اذا طلعته برا و قربت له التفاح يجي عندي شوي شوي ياكل من يدي

[s.brothers]

كان عندي كاسكو متوحش قبل جم سنة .. واتبعت معاه تدريب عشان يصعد ع اليد ونجح معاي

كنت اجوع الطير واوقفه على ستاند .. واحط بكف ايدي اليسار مجموع من حبوب الي يفضلها واقربها عنده واخليه ياكل شوي وابعد ايدي .. لين ما يتعود ياكل .. ويصير ياكل بمجرد انك قربت ايدك اليسار عنده ..

الخطوه الثانية . تحط ايدك ايمين جنب ايدك اليسار الي فيها الاكل . وتقربهم صوبه . راح يتردد ياكل بالبدايه لكن نفس ما يقولون الجوع كافر ..
المهم لما يعود ياكل وانت بهالوضعيه . حاول بكل مره تقرب ايدك ايمين تحت صدره وتلمسه وهو ياكل من ايدك اليسار .. واذا عصب وخر عنه شوي وارجع حاول مره ثانيه
بعد ما يتعود انك تلمسه . الخطوه الثالثه تباعد المسافة بين ايدك اليمين وايدك اليسار الي فيها الاكل وتقرب عند الطير ....في البداية راح يحاول ياكل من ايدك اليسار لكن بيكون الاكل بعيد عنه . فـ بتشوفه يحط رجله على ايدك اليمين ويخليها مسند لرجله عشان يوصل لأيدك اليسار ويبدا بالاكل ..اذا نجحت بهالخطوه .. تكون وصلت للخطوه النهائيه . وهي لما يحط رجله على ايدك اليمين . قرب ايدك على بطنه وارفعها فوق .. في البداية راح يشيل رجله .. ابعد عنه وعيد المحاوله لين ما ينجبر يصعد برجله الثانيه ..... طبعا هالتدريب متعب ويبيله محاولات كثيره .. لكن بتجيب نتيجة .. انا ما استخدم هذا الدريب حاليا . عشان يبيله صبر وطولت بال

وانتظر باقي ردود من الاخوان يمكن عندهم طرق اسهل
تحياتي :)

[s.brothers]

التدريب هذا سويته على الببغاء الرمادي ( كاسكو )
ياريت تكتب شنو نوع ببغائك ...
وبخصوص انك تطلع الطير من القفص بقماش ما انصحك فيها .. راح يخاف زياده بهالطريقه

نصيحتي لك تفتح القفص وتبعد عنهم , وهو راح يطلع بنفسه بدون تدخل منك..

[MaYsTro]

نوعه بلو فرونتد كم عمره ماعرف لانه مو انتاج محلي مصيود و جابوه على الامارات اتذكر انه كان بس تطالعه يجعر بشكل غير طبيعي الحمده الله الحين ما يجعر الا اذا لمست رجله او ضربته لكن مشكلتي اني ماقدر اخليه يطلع برا بدون ما امسكه بقماشه

[the_gostman]

اخي الفاضل...

في البدايه يجب يكون جناح الببغاء مقصوص قصه احترافيه...

وقبل ما أقول أي شئ قرأت في تعلقيك انه ببغائك لا يجعر إلا إذا لمست رجله او تضربه !!

كيف تضرب الببغاء وتبغا يصير أليف ويحبك ويوثقف فيك !!

الببغاء يحتاج ثقه ومحبه وصبر حتى يتعود عليك ويحبك..وبإمكانك استغلال نقظة ضعف الببغاء من خلال حبه للتفاح...فمثلا افتح القفص من فوق وعلق قطعة تفاح بأعلى القفص.. وردد له كلمة فوق أو Up... ومع الوقت رح يتعود انك مجرد ما تقول له فوق او Up يطلع..

مسألة الصعود على اليد تأتي بعد كسب ثقة الببغاء ومحبته 100%.. وتكون بتعويد الطائر الصعود على العص والمسح عليه حتى يتطمئن وبعدها تحاول تمسكه من رجوله وتمسح عليه كم يوم حتى يعتاد المسك من الرجل.. وبعدها تصير توقفه على يدك بهدوء وتنقله من يد لآخرى.. الموضوع بحاجه إلى صبر وتدريب فقط..

يجب مكافئة الطائر بشيء يحبه بعد التدريب.


بالتوفيق عزيزي
أخوك رمزي

[MaYsTro]

لا ما اضربه مستحيل والله اني احبه و اعتبره ولد لي ههههه تعبت جدا معاه في العض و

[the_gostman]

يسرني جدا سماع ذلك اخي الكريم..

ومثل ما قلتلك طبق كلامي وانشالله الامور تتحسن.. وأي شئ تحتاجه احنا بالخدمه..

أخوك رمزي

[ابو على2]

وعليكم السلام ورحمة الله وبركاته
اخوي بامكانك تجويع الطير لمدة اربع ساعة وتاتي بقطعة تفاح وتفتح باب القفص وتوريها ايه وخليه يطلع على ايدك وبعد ما يطلع اعطيه التفاحه
بالتوفيق