غشني البائع في ببغاء الامازون وش الحل

[storm blue]

سلام عليكم

اشتريت امازون و ياليتي ماشتريت

رحت و اشتريت طير قلت ابي بلوفرنتد قال هذا بلو فرنتد و اشتريته انا ب 4000 و قال لي اذا ماعجبك بعد اسبوع رجعه عادي
و حطيته فالمنتدى صوره و اكتشفت انه اورنج وينج و سعره المفروض 2500 او 1900 و رحت قلت له مابيه ماعجبني قال ليش قلت بس كذا مابيه انت قايل لي بعد اسبوع رجعه اذا ماعجبك و ثم قال لا انا قايل لك اذا عض ارجعه و هو ماقال لي كذب و قلت تراك بعد خدعتني بعت علي اورنج وينج بسعر بلوفرنتد قال لا انا قايل لك انه مخلوط بين بلوفرنتد و درجه رابعه وهو ماقال لي و رفض يرجع فلوسي و قال لي اخذه منك و اعطيك 2500

حسبي الله عليه

[monybat]

اخي الفاضل
اذا كلامك صادق فيما حدث اخذ واحد معاك من اهلك كبير بالسن
واذا رفض روح المخفر اشتكي عليه وهذا حقك ما في عيب
بالتوفيق

[كوكتيل2]

لا تسكت واقتراح أخونا هو الممتاز خد معاك احد كبير وإذا ما وافق لا تسيب حقك

[Parrot's-lover]

اخوي روح له وحاول تخوفه انه عندك معارف و ارفع صوتك خلك جدي وماتمزح و اذا ما نفع

حاول تجيب سيارة الشرطة و بس وقفها جدام المحل تفاهم مع الشرطي و خبره السالفه بس قول للشرطي انت خلك واقف برع عشان يخاف صاحب المحل

و اذا ما فاد معه شي

اقولك مردغه واناخوك هههههههههه

[تشآرلي]

وعليكم السلام ورحمة الله وبركاته

احتسبها عند الله ... وبتكون في ميزان حسناتك وتحسب الله عليه ..

وان كنت مصمم في استيراد مالك ..

لا ترفع صوتك او تعمل مشكله ... اختار احد من العائله كبير بالعمر وان مانفع

راجع اقرب قسم شرطه ..

من الرغم الشرطه ممكن ماتفيدك ..

واذا الطير اليف وصحته طيبه .. لامانع تربيه وان شاء الله يسعدك ..

ولك رساله عبر الخاص ^(^

[El merengue]

ادخل المحل .. قول له بترجع الفلوس ولا لا ؟

اذا قال لا .. التفت على اقرب شي جنبك وياحبذا طابوقه كبيره او طفاية حريق
وهفه بـ نص جبهته .. المهم لا تخلي حقك العن خيره هالحرامي

[ابو عبداللطيف]

حبيبي اذا انت شاريه من محل لا تنتظر بسرعه وزارة التجارة بلغ على المحل
والله يرجع غصبن عن خشمه
لا تسكت امانه
الدعوه ماهي زي اول سايبه الحين يخافون ويمكن يردون على بلاغك بعد اسبوع عادي بعدها يدق عليك مندوبهم ويواعدك بالمحل ويرجعه غصبن عليه
اما اذا كنت شاريه من شخص عادي الله يعوض عليك

[ابو على2]

وعليكم السلام ورحمة الله وبركاته
اخوي اخذت فاتوره انك شاري ببغاء امازون بلوفرنتد ولا لا
ولو ماخذت فاتوره خذ واحد كبير في السن ولو مارضى انو يرجعه احلف قدامه انك راح تروح لشرطه وهو راح يقولك جيبه وخذ فلوسك ولو ماقال روح اشتكي عليه في قسم الشرطة
بالتوفيق

[نايف البرقاوي]

اخوي انت واضح تبي بلو فرنتد

من رأيي انك تروح لقسم الشرطه وراح يطلعون معك عسكري
وروح للمحل وصدقني راح يجيك حقك على داير مليم .

اما اذا عجبك الطير تحمل الخساره

انا غشني واحد في طير قال عمره ٩ شهور وهو عمره سنه ونص
لكنه بالعربي الطير عاجبني مع العلم هو وحش .
واحتسبتها عند الله ، وانا مازلت اكلمه مازال مصر ان عمره ٩ شهور هههههههه
بس يالله الحمدلله .

والصراحه انت خسارتك كايده

[مروق..]

اتصل على 999 اذا انت بالسعوديه قل انا شريت طير ب 4000 لامى اختى جدتى وصتنى عليه باسم كذا
يوم وصلت البيت صار نوع ثانى رجعت ابغى ارجع فلوسي رفض وبس

[مروق..]

ياليت تذكر جنسيته

[مروق..]

اقصد بجنسيته+جنسية البائع علشان نحذر منهم المرات القادمه

[نايف البرقاوي]

اقصد بجنسيته+جنسية البائع علشان نحذر منهم المرات القادمه

مروق والله ماتفرق الجنسيه حتى السعودي يغشك
ماعاد فيه امانه عند اكثر البائعين
وهذا من اشراط الساعه (اذا ضيعت الامانات)

[storm blue]

مصر على كلامه ولا راح يرجعه

جنسيته سعودي والله الاجنبي امان
وتوي جاي منه انا و يقول طير عمره سنتين و قبل اشتريه يقول عمره سنه

بس صراحه طييرر اليف مره ولا يعض ابدا بس سعر مو سعره

لو رحت لشرطه كيف بيصدقني شرطي لاني مامعي فاتوره ولا شي

[محب الببغاء السنغالي]

اخوي مالك الا الشرطه

اذا ما نفعوك جب واحد كبير بالسن

اذا ما نفع ادخل ومعك شله و كل واحد معاه عجره ههههههههه

بالتوفيق ولا تترك حقك يروح

[ارنوبي.]

الله يعوضك :) ..

بس دامه اليف ياخي احتسب الاجر :D

انا اذكر مرة حصل نفس الي صار لك بس انا حالتي كانت اشد ! :D

أنا كنت اربي ارانب الزينة وفي البداية ذهبت إلى شخص معروف مربي ارانب زينة واي مربي زينة يعرفه ..

رحت له على ان الرجل ثقة .. وقلت ابي منك جوز ارانب فازيلوب.. طبعا معرفتي بالتمييز بين البيور والمهجن لك عليه كنت اعرف انه ارنب نازلة اذونه :D

وكنت ادري ان اسعاره اذذا كان منتج ومستواه عالي يصك الـ1000 ريال ..

طبعا مزرعته جدا وضعها مزري ولا يهتم بالتحصينات الدورية ..

حتى يوم جيت اشتري هو الي تنقى لي :D

طبعا جوز منتهي ومستواه مايستاهل 300 ريال .. قلت بكم ؟ قال بـ1200:eek:

يابو فلان وش الي 1200 خلك سمح :D

قال والله انا هذا اخر حدي :) والرجال كان حبيب ونصوح بس ماكنت ادري ان وراها لعب ..

وعاد وشريتها وانتجت حول 17 ارنب صفى منها 11 بسبب نفوق الصغار في الايام الاولى وتكلفت عليها يمكن 3000 ريال وفي الاخير بعتها 14 ارنب وبطارية بـ1300 :D

في النهاية اقول وسع صدرك حقك تاخذه وهي ماوقفت على زيادة 2000 بسيطة ..

بس انت دامه قالك اعطيك 2500 خلاص يعطيك وخل الطير عندك الاورنج وينج موب شين :D

عموماً تقبل مروري :)


تحياتي لك ^_^

[the past]

لو عندك فاتورة ورى صورة الطائر اللى عندك والطيور البلو فرنتد على النت للشرطى ولو مو نفع هات شوية ناس عاملين نفسهم ظباط واجى بشخصيتك الحقيقية وهدده ولو مو نفع بيع اى طائر غير طائر الامازون اى طائر وبسعر عالى وخليه فرخ وبيعه وانت متنكر علشان ميعرفكش وبيعله الطائر بسعر يو صل لسعر البلو فرنتد وكدة يبقى خدت حقك منه ولو متمسك بالطائر اتبرع بفلوس كتير وربنا هيعوضك بفلوس اكتر من اللى انت اتبرعت بيهم واكتر من الفرق اللى البائع غشك فيه ولو نفع حاجة من دول ابقى قول لكى نفرح
واتمنى لك التوفيق
اخوك محمد من مصر

[storm blue]

الله يعوضك :) ..

بس دامه اليف ياخي احتسب الاجر :D

انا اذكر مرة حصل نفس الي صار لك بس انا حالتي كانت اشد ! :D

أنا كنت اربي ارانب الزينة وفي البداية ذهبت إلى شخص معروف مربي ارانب زينة واي مربي زينة يعرفه ..

رحت له على ان الرجل ثقة .. وقلت ابي منك جوز ارانب فازيلوب.. طبعا معرفتي بالتمييز بين البيور والمهجن لك عليه كنت اعرف انه ارنب نازلة اذونه :D

وكنت ادري ان اسعاره اذذا كان منتج ومستواه عالي يصك الـ1000 ريال ..

طبعا مزرعته جدا وضعها مزري ولا يهتم بالتحصينات الدورية ..

حتى يوم جيت اشتري هو الي تنقى لي :D

طبعا جوز منتهي ومستواه مايستاهل 300 ريال .. قلت بكم ؟ قال بـ1200:eek:

يابو فلان وش الي 1200 خلك سمح :D

قال والله انا هذا اخر حدي :) والرجال كان حبيب ونصوح بس ماكنت ادري ان وراها لعب ..

وعاد وشريتها وانتجت حول 17 ارنب صفى منها 11 بسبب نفوق الصغار في الايام الاولى وتكلفت عليها يمكن 3000 ريال وفي الاخير بعتها 14 ارنب وبطارية بـ1300 :D

في النهاية اقول وسع صدرك حقك تاخذه وهي ماوقفت على زيادة 2000 بسيطة ..

بس انت دامه قالك اعطيك 2500 خلاص يعطيك وخل الطير عندك الاورنج وينج موب شين :D

عموماً تقبل مروري :)


تحياتي لك ^_^


لا هو بيشتري مني الاورنج وينج ب 2500

[نايف البرقاوي]

ياخوي مايحتاج فاتوره اذا هو ماانكر انه باعه لك ولاراح يقدر ينكر لانك انت مدعي عليه واذا طولت راح يحولونه المحكمه
بس مثل ماقلت لك وره بس العسكري هو بنفسه راح يخاف ويرد فلوسك

[ببغاء سعودي]

لا هو بيشتري مني الاورنج وينج ب 2500

حاول تثبت كلامك
يعني روح له وحاول تسجل صوت او فيديو بدون ما يدري ونتقرب له رجع لي الاربع الاف وخله يتكلم بكلام يثبت انك دفعت اربع الاف

واذا مرة ما ضبط الوضع دق عالشرطة ممكن يفيدوك قول انا عندي مشكلة مع بايع في محل حاول تكبر السالفة عند العسكري عشان يجونك ويحسون ان السالفة فيها هواش ومضاربة
لكن شوف ترا ما بيفيدونك الا انه ك تخويف وتقول للعسكري ساعدني وتوريه المقطع اذا طلب اثبات

انا قد صارت لي مع بنقالي ف محل كميوتر والحمد لله مشت اموري وقال لي العسكري ترا ذي مي شغلتنا بس مساعدة لك والله

والله يوفقك

واذا تبغى الاجر على قولهم خله يرجع لك الفين عالاقل وخله معاك

[storm blue]

لا ينااس هو يبي يرجع لي 2500 و بياخذ الببغاء يعنني سرق مني 1500

لا والله شرطه مارح تفيد

حسبي الله ونعم الوكيل

طير خااالي من العيوب بس مو هذا اللي ابغاه

[شعيب الشمري$:]

شف اسمعني وانا اخوك خذ لك شله وعجاري ومردغوه واذا انت فيك الرياض قلي اي حي واسم المحل وانا اوريك فيه وكم عمرك

[شعيب الشمري$:]

اقصد في *

[storm blue]

شف اسمعني وانا اخوك خذ لك شله وعجاري ومردغوه واذا انت فيك الرياض قلي اي حي واسم المحل وانا اوريك فيه وكم عمرك

ياليت والله بس انا من القصيم


شباب انتم متاكدين ان لجبت اشرطه بتنحل المشكله

[ارنوبي.]

طيب شوف الاخوان اقترحوا لك ..

انا لدي حل ..

لاتروح للكاشير اذهب لمالك المحل الاصلي وقله ترى السالفة كيت وكيت ..

إذا الرجل عنده ذمة ان شاء الله يرجع لك حقك ..

إذا ماعنده ذمة نستخدم التهديد ..

طبعا إذا مانفع شي هدده بالتشهير ..

وفي الاخير حتى الغشاش سمعته اهم عنده من كل شيء ..

ان رجع لك الحمدلله ..

مارجع لك افضل حل هو التشهييييييييييييير وهذي حط عليها 1000 خط !!!

وان شاء الله يرجع لك حقك :)

^_^

[storm blue]

طيب شوف الاخوان اقترحوا لك ..

انا لدي حل ..

لاتروح للكاشير اذهب لمالك المحل الاصلي وقله ترى السالفة كيت وكيت ..

إذا الرجل عنده ذمة ان شاء الله يرجع لك حقك ..

إذا ماعنده ذمة نستخدم التهديد ..

طبعا إذا مانفع شي هدده بالتشهير ..

وفي الاخير حتى الغشاش سمعته اهم عنده من كل شيء ..

ان رجع لك الحمدلله ..

مارجع لك افضل حل هو التشهييييييييييييير وهذي حط عليها 1000 خط !!!

وان شاء الله يرجع لك حقك :)

^_^



هو ماالك المحل !

انا ابروح لشرطه بس
حسسسسبي الله عليه
هذا هو http://im41.gulfup.com/87V3J.png

[Aboody ls 460]

حبسنا الله ونعم الوكيل (ارسلي رقم الرجال او المحل و موقعه ) أخي هاذا المحل في جدة بجانب ايس كريم .... صح؟؟؟ أرجو الاجابة بتسرع وقت

[monybat]

تذكير ارقام الهواتف والعناوين عن طريق الخاص
وشكرا

[storm blue]

حبسنا الله ونعم الوكيل (ارسلي رقم الرجال او المحل و موقعه ) أخي هاذا المحل في جدة بجانب ايس كريم .... صح؟؟؟ أرجو الاجابة بتسرع وقت

لا ببريده

[زياد2015]

ممكن ترسلي اسم المحل وعنوانه على الخاص عشان احذر منه انا بعد من القصيم واشتري من بريدة وعنيزة

[ارنوبي.]

طيب اول شي حاول معه يمين يسار وذكره بخطورة الغش وان ماله حرام وان قروشه مافيها بركة لأنها حرام ..

ان مانفع هدده بالتشهير ..

وبخصوص الشرطة .. :)

انت تراك في السعودية مو في اوروبا ولا امريكا .. :D

على بالك مثل هناك الريال يرجع لك :)

انت تراك في السعودية .. وماتوقع يحتاج نكمل في الكلام لأنه لايخفى على احد :)

.. سيارت وبيوت انسرقت وحقهم مارجع ولا حسيب ولا رقيب .!

تبي 1500 ترجع لك :D .. !

مالك إلا التشهير واشتغل عليه تشهيييييير وشف الشرطة يمكن لكن تذكر هذا مو من اختصاص الشرطة هذا من اختصاص التجارة ..

دق على وزارة التجارة ويمكن البلدية بمناسبة حملاتهم وشف لعل وعسى .!

وإن شاء الله يرجع حقك .. وان مارجع حقك بيرجع لك في الآخرة ..

[إماراتي 11]

نصيحتي لك انك تحاول ترد فلوسك بأي طريقة

صراحة استغرب من ردود بعض الأخوة اللي يقولون دام الطير عاجبك خله عندك
1500 مبلغ مب بسيط
في ناس تشتغل اشهر وماهي قادرة تجمع هالمبلغ
بدل ماتخليها عنده تقدر تردها وتتبرع فيها وتكسب أجر أحسن ماتخليها عنده وهو أكيد مب محتاج
وصراحة من وجة نظري اشوف الاورنج وينج مايستحق حتى مبلغ 1200 لانه طير ممل لابعد درجة .

[شعيب الشمري$:]

هو ماالك المحل !

انا ابروح لشرطه بس
حسسسسبي الله عليه
هذا هو http://im41.gulfup.com/87V3J.png

اخوي الصوره ذي ودها للشرطه او لراعي المحل اذا عنده ذمه

[مـحـمـاس الـمـنـحـاس]

يالغالي الحل بسيط بأذن الله

واستغرب من الاخوان اللي يقولون الشرطه ماتنفع

بالعكس والحمد لله حنا في بلد يحفظ لمواطنيه حقوقهم بشكل ممتاز
"طبعا اذا كان الجاني معروف"

عموما
انت عليك تسوي اللي راح اقوله لك وبأذن الله راح تبشرنا برجوع حقك

اولا
تثبت علاقه المحل بالطير
يعني يكون عندك اثبات انه هو اللي باع لك الطير وبالقيمه هذي
طبعا مافيه بينكم فواتير لكن تقدر تثبت هالشيء بكلامك معه من خلال الرسائل او الواتس اب وتحتفظ بالرسائل او المحادثه عندك

ثانيا
اذا حصلت على اثبات يكون الباقي سهلا عن طريق تقديم شكوى
طبعا اذا كان المشتكي صغير فالسن يمكن الشرطه ماتعطي الشكوى اهميه وبالعربي يمكن (يصرفونك)
لذلك
احرص ان يكون اللي يقدم الشكوى شخص كبير مثلا اخوك الكبير او الوالد المهم ان يكون كبير ويقرب لك
وصدقني راح تحصل اهتمام

ثالثا
اذا مانفعت الشرطه فيه طريقه سهله وممتازه
وهي عن طريق (هيئه مكافحه الغش التجاري)
وهذي تقدر تتواصل معهم بسهوله من خلال الرقم المجاني (8001241616) وهذا الرقم خاص للأبلاغ عن مخالفه تجاريه وسبق تجربته

المهم في الموضوع انك تحاول تثبت انه هو اللي باع لك الطير وبالقيمه المذكوره

[أحساس شاعر]

يالغالي الحل بسيط بأذن الله

واستغرب من الاخوان اللي يقولون الشرطه ماتنفع

بالعكس والحمد لله حنا في بلد يحفظ لمواطنيه حقوقهم بشكل ممتاز
"طبعا اذا كان الجاني معروف"

عموما
انت عليك تسوي اللي راح اقوله لك وبأذن الله راح تبشرنا برجوع حقك

اولا
تثبت علاقه المحل بالطير
يعني يكون عندك اثبات انه هو اللي باع لك الطير وبالقيمه هذي
طبعا مافيه بينكم فواتير لكن تقدر تثبت هالشيء بكلامك معه من خلال الرسائل او الواتس اب وتحتفظ بالرسائل او المحادثه عندك

ثانيا
اذا حصلت على اثبات يكون الباقي سهلا عن طريق تقديم شكوى
طبعا اذا كان المشتكي صغير فالسن يمكن الشرطه ماتعطي الشكوى اهميه وبالعربي يمكن (يصرفونك)
لذلك
احرص ان يكون اللي يقدم الشكوى شخص كبير مثلا اخوك الكبير او الوالد المهم ان يكون كبير ويقرب لك
وصدقني راح تحصل اهتمام

ثالثا
اذا مانفعت الشرطه فيه طريقه سهله وممتازه
وهي عن طريق (هيئه مكافحه الغش التجاري)
وهذي تقدر تتواصل معهم بسهوله من خلال الرقم المجاني (8001241616) وهذا الرقم خاص للأبلاغ عن مخالفه تجاريه وسبق تجربته

المهم في الموضوع انك تحاول تثبت انه هو اللي باع لك الطير وبالقيمه المذكوره


ماقصر اخونا محماس انا معه وبقوه توكل على الله ورح لشرطه وان شاء الله بيرجع لك حقك

بس اهم شي اثبت ان الطير لهذا المحل وتوكل على الله

[storm blue]

يالغالي الحل بسيط بأذن الله

واستغرب من الاخوان اللي يقولون الشرطه ماتنفع

بالعكس والحمد لله حنا في بلد يحفظ لمواطنيه حقوقهم بشكل ممتاز
"طبعا اذا كان الجاني معروف"

عموما
انت عليك تسوي اللي راح اقوله لك وبأذن الله راح تبشرنا برجوع حقك

اولا
تثبت علاقه المحل بالطير
يعني يكون عندك اثبات انه هو اللي باع لك الطير وبالقيمه هذي
طبعا مافيه بينكم فواتير لكن تقدر تثبت هالشيء بكلامك معه من خلال الرسائل او الواتس اب وتحتفظ بالرسائل او المحادثه عندك

ثانيا
اذا حصلت على اثبات يكون الباقي سهلا عن طريق تقديم شكوى
طبعا اذا كان المشتكي صغير فالسن يمكن الشرطه ماتعطي الشكوى اهميه وبالعربي يمكن (يصرفونك)
لذلك
احرص ان يكون اللي يقدم الشكوى شخص كبير مثلا اخوك الكبير او الوالد المهم ان يكون كبير ويقرب لك
وصدقني راح تحصل اهتمام

ثالثا
اذا مانفعت الشرطه فيه طريقه سهله وممتازه
وهي عن طريق (هيئه مكافحه الغش التجاري)
وهذي تقدر تتواصل معهم بسهوله من خلال الرقم المجاني (8001241616) وهذا الرقم خاص للأبلاغ عن مخالفه تجاريه وسبق تجربته

المهم في الموضوع انك تحاول تثبت انه هو اللي باع لك الطير وبالقيمه المذكوره



مشكووووورييييييين راح اسووي كل اللي قلته

[storm blue]

انتهئ الموضوع و يرجئ حذف الموضوع

[the_gostman]

طمنا أخي الكريم صار معك شي ؟؟

[storm blue]

اخذت 2500 و اخذ طير المهم تسامحنا ( النبي صلى الله عليه وسلم أنه قال { لا تباغضوا ولا تقاطعوا ولا تحاسدوا ولا تدابروا وكونوا عباد الله إخوانا } .

[ارنوبي.]

ماشاء الله بادرة طيبة :) . . ومعوض ان شاء الله ..

لكن الـ1500 وش صار عليها ؟ ..

[monybat]

الله يعوضك خير يارب
تم غلق الموضوع