مجموعه اسأله عن الكاسكو

[ولد القصيم]

اخواني انا شريت كاسكو اليوم وهو فرخ بعمر الزهور(هههههههههه) عمره 6 الى 7 اشهر فقطعت له تفاح وعنب وخليتها قد الحب الشمسي او اقل بس بدون ما اسلقها وحطيت له ايضا حب شمسي بس اشوفه ما اكل شي وبس يتغوط الله يكرمكم وغائطه عادي الله يكرمكم وانا بكرا بعطيه فيتامين لمده 3 ايام وراح ابدا اروضه بكرا وشكرا

ارجو انه تقولون لي طريقتي صح او لا ووش ازيد او انقص

[*الكاسكو*]

انت اصبر شوي خله يستوعب اختلاف المكان عليه ياثر بالشهيه شوي

بياكل اذا حس بالامان ..

[ابو على2]

اخوي الببغاء خايف من اهل البيت كلها يومين وراح يتعود على اهل البيت
بالتوفيق

[أحساس شاعر]

هلا اخوي ولد القصيم

مبروك الطير الجديد والله يطرح فيه البركه

اخوي نصيحتي لك اصبر اسبوع خله يرتاح في البيت وتبدا نفسيته تتغير وياكل ويتعرف عليك

احسن من انك تفاجاءه بالترويض بعد وصوله للبيت اعتبره ضيف واكرمه لمدة اسبوع وبعد

ابد معه الترويض وان شاء الله بيتروض بسهوله الطير فرخ وسهل ترويضه

تحياتي

[the_gostman]

الف الف مبروووك الطائر الجديد..

أخي الكريم:-
الطائر بالنسبه له مكانه وصاحبه جدد... لذا يحتاج وقت حتى يتعود على المكان ويبدأ يأكل.. لا تبدأ بالترويض قبل مضي أسبوعين عليه في المكان الجديد حتى يكون اعتاد عليك وعلى اهل البيت.

هذه الفتره فقط اعتبره ضيف عندك وقدم له الاكل والماء وقم بتنظيف القفص بنفسك عشان تكسب ثقة الطائر وتكسر حاجز الخوف عنده..


بالتوفيق
أخوك رمزي

[ولد القصيم]

مشكورين على كل الاجابات المفيده وجزاكم الله الف خير بس انا شكلي بخليه سبوع وشوي لان اذا ما تروض ودي اروضه قبل لا ارجع من الرياض للقصييم وشكرا

[the_gostman]

على خير انشالله .. وأي شئ تحتاجه احنا بالخدمه

أخوك رمزي

[بلاك بيري]

ممتاز جدا الف مبروك اصبر على الطير لين يرتاح معاكم وبعدها بيبدأ ياكل

[q8200]

على البركة خله يومين يتعود على المكان وبعطيك نصايح
1 خلك انت الوحيد الي تقدم له الاكل والماي عشان يعرف انك راعيه ويتعلم منك وعطه مكسرات وفواكه وخضره وخبز وصمون وبقصم شكل له
2 نظف القفص بين فترات مثلا كل يومين ولا تحطه على تيارات التكيف
3 الممنوعات : 1-بذر التفاح الاسود 2- الافاكاتو 3- الكاكاو 4-الاكل الي فيه دهون
5 بذر البرتقال
كل ماسبق من 1و2و3 و5. يعتبر سام له
وموفق خير

[El merengue]

أنصحك لا تستعجل
وكل الاخوان قالوا لك هالكلام

أبدأ إذا شفت الطير بدا يرتاح وياكل طبيعي ومتطمن لك
وهالشي يختلف من طير ل طير

في طيور من ثاني يوم متأقلمه في طيور أسبوع في أسبوعين

يعني مجرد ما شفته مرتاح أبدأ معاه شوي شوي عساس ما تسبب له صدمه