ساعدوني

[رامي سعد]

مرحبا يعطيكو العافية بدي ادخل بالموضوع عطول انا عندي وز حمام بايض سارلو 6ايام اليوم الصبح طلعت عندهم لقيت البيض بارد :wao:والانثي سايبة البيض ونازلة تحت وكأنو معها اسهال وكل الدكور جايين عندها وبلقحوها ومش قادرة تمشي منيح وبتشرب مية بكميات كبيرة وريشها نافش انا اعتقد انو صار معها تعب واجهاض من كتر ماباضت لانها الموسم هادا من شهر 2للهلقيت باضت 6مرات ومرة خرب بيضها يعني 7مرات بس ليش سايبة البيض وشو هادا الي معها الله يخليكم ردو بسرعة عشان اعرف اعالجها وازا في علاج اكتبولي اسمو وهل افصلها عن باقي الحمام ولا اخليها مع العلم ان هادي الانثي من افضل الاناث عندي :(

[bird96]

افصلها فوووورا وضحي ب البيض يعني لا تخرب الحمام كله عشان بيضتين .

انا مو محدد شو معها لحد الآن ولكن شاكك ب مرضين : سالمونيلا و نيوكاسل لا سمح الله .

اعزلها الآن .. وحدد لنا الأعراض كلها هل على رقبتها حركة غير طبيعيه هل تلتف حول نفسها ب شكل غريب ! .. مو لون الأسهال ؟



لا علاقة عدد البيض وكم البيض ب الأجهاد لأنه عندما تبيض تعوض كافة العناصر المفقودة والأجهاد اثناء فترة الحضن عالبيض .

[رامي سعد]

لا ماتلف حول نفسها بس صارت احسن الحمدلله اليوم لقيتها طالعة فوق هي والدكر بتنكة تانية دليل انها تحسنت الصبح كانت جناحينها وديلها نازلين لتحت كأنها بدها تبيض بس مابدها تبيض بس الحمدلله تحسنت عندي مشكلة تانية بحمامة تانية اول مبارح شريت جوز حمام لقيت الانثي فيها صوح يعني صوحة هل الصوح بيعدي باقي الحمام وهل بتبيص وهي صوحة وهل الدكر بيلقحها منيح صوحة يعني رقبتها ملوحة وراسها ملوي علي جهة اليمين

[bird96]

لا حول ولا قوة الا بالله ...

اذا هي معافية وما فيها اي شيء وتأكل وتشرب يكون هذا نتيجة لأصابتها ب مرض نيوكسل وتعافت منه قديما وليش شاريها انت !!!

بس ما اعرف اذا تبيض للأسف .

[رامي سعد]

اشتريتها وانا مش عارف انو فيها شي بفكرها منيحة بس اليوم لاحظت عليها بس سؤالي هل بتعدي غيرها ولاعادي والله حمامي علي وجه هالعيد انتحسو ههههههه كل شوية بلاقي فيهم مشكلة .....صحيح والله نسيت احكيلك كل عام وانت بالف خير يااحلي مشرف بالدنيا اعزرني الله يعيدو عليك وعلي جميع الناس بالف خير

[bird96]

اشتريتها وانا مش عارف انو فيها شي بفكرها منيحة بس اليوم لاحظت عليها بس سؤالي هل بتعدي غيرها ولاعادي والله حمامي علي وجه هالعيد انتحسو ههههههه كل شوية بلاقي فيهم مشكلة .....صحيح والله نسيت احكيلك كل عام وانت بالف خير يااحلي مشرف بالدنيا اعزرني الله يعيدو عليك وعلي جميع الناس بالف خير

يعني انت شاريها صحيحه !! وصارت عندك رقبتها ملووحه ؟؟ !!

اذا نعم فهذا من اخطر الأمراض ان لم تسمع فيه !! هذا نسبة النفوق 70% - 80 % وأكثر !!

اعزلها يا غالي اعزل الي شريتهم + المريضة الي عندك .. وربك يستر . المرض هذا ماله علاج .

انا ما بحبطك ولكن من واجبي اني احذرك .

وأنت ب الف خير يا غالي . :freind:

[رامي سعد]

انا عزلتها طيب شو اعمل فيها مافي عندي غير هي رقبتها ملووحة بس صحتها منيحة مافيها شي بطير وبتاكل وبتشرب وكل شي تمام بس رقبتها ملووحة شوية

[رائد ملكاوي]

اسال صاحبها اذا اللوحة ثابتة وهي مريضة من فترة تزيد على 3 اسابيع عادي ما تخاف منها لأنها ما بتعدي

وانتاجها يكون عادي وبدون اي مشاكل

اما اذا جديد مرضت فهي معدية ولازم تعزلها

بالتوفيق

[رامي سعد]

اهلين اخ رائد الحمدلله طمنتني اه صارلها عندي 3اسابيع واكتر بس رقبتها شايفها صارت احسن طيب بدي اسأل شو السبب من شو التوحت عشان اخد احتياطي

[رائد ملكاوي]

هاي يا سيدي كانت تعرضت بالسابق لمرض الصرع او باللغة العلمية باراميكسوا فيروس ونفذت منه وشفيت مع بقاء الاثر شوي

[رامي سعد]

يالطيف كمان الحمام بسير معهم صرع

[رامي سعد]

طيب الصرع كيف اخد احتياطاتي منو من شو بيجي للحمام

[bird96]

تفضل اقرأ هذا الموضوع الشامل الكامل للصرع للغالي رائد ملكاوي :)

http://www.2zoo.com/vb/showthread.php?t=277143

[رائد ملكاوي]

يتم نقله اما من الحمام المصاب بشكل مباشر عن طريق الأكل والشرب والرذاذ المحمل بالفيروس

او انه ييجي حمام او طيور مصابة او حاملة للمرض

او ييجي عندك ناس عند طيورهم المرض او تعاملوا مع طيور مصابة او حاملة للمرض

او انت تنقل المرض للحمام اللي عندك عن طريق زيارة ناس عند طيورهم المرض

لازم تعطي مطعوم للحمام كل سنة مرتين على الأقل